कर्पोरेट क्रिकेटको दोस्रो दिन स्मार्ट सेलको दोहोरो जित



काठमाण्डौ किंग्स एलेभेनको आयोजनामा संचालन भैरहेको दोस्रो सिजनको कर्पोरेट कप क्रिकेट अन्तर्गत मंगलवार समेत ७ खेलहरु सम्पन्न भएका छन्। मंगलवार सम्पन्न खेलहरुमा दराज डट कम्, आईएमएस ग्रुप, नयाँ पत्रिका, डिस् होम्, स्मार्ट सेल र सेन्चुरी बैंकले जित दर्ता गरे।

दराज डट कम भर्सेज एनआईसि एसिया बैंक :

दिनको पहिलो खेलमा दराज डट कमले साबिक बिजेता एनआईसि एसिया बैंकलाई ३ विकेटले पराजित गर्यो। पहिले ब्याटिंग गर्दै एनआईसि एसियाले दिएको ५७ रनको लक्ष्य दराजले निर्धारित १० ओभरमा ४ विकेट गुमाउंदै पुरा गर्यो। दराजको इनिंगमा १८ रन बनाएका दिपेन्द्र राई खेलको म्यान अफ दि म्याच घोषित भए।

आईएमएस ग्रुप भर्सेज नेपाल लाईफ इन्स्योरेन्स :

यस्तै दिनको दोस्रो खेलमा आईएमएस ग्रुपले नेपाल लाईफ इन्स्योरेन्समाथि ४ विकेटको जित दर्ता गर्यो। पहिले ब्याटिंग गर्दै नेपाल लाईफले दिएको ६६ रनको लक्ष्य आईएमएस ग्रुपले ७.१ ओभरमा ३ विकेट गुमाएर पुरा गर्यो। खेलमा ३२ रन बनाएका उज्ज्वल थापा र ३ विकेट लिएका पियुष घिरैया संयुक्त रुपमा म्यान अफ दि म्याच घोषित भए।

Man of the match Ujjal Thapa and Piyous Ghiraiya-IMS (1)
Man of the match Ujjal Thapa and Piyous Ghiraiya-IMS (1)

नयाँ पत्रिका भर्सेज क्लाउड फ्याक्ट्री :

दिनको तेस्रो खेलमा बलियो देखिएको टोली नयाँ पत्रिकाले क्लाउड फ्याक्ट्रीलाई ३ विकेटले पराजित गर्यो। पहिले ब्याटिंग गरेको क्लाउड फ्याक्ट्रीको टोलीले निर्धारित १० ओभरमा ६ विकेट गुमाएर ५४ रन मात्र जोड्न सकेको थियो। जवाफमा ५५ रनको सामान्य लक्ष्य नयाँ पत्रिकाले ८.१ ओभरमा ४ विकेट गुमाएर पुरा गर्यो। नयाँ पत्रिकाको जितमा अविजित १६ रन जोडेका आदित्य ठाकुर खेलको म्यान अफ दि म्याच चुनिए।

डिस होम भर्सेज म्याक्स लेजेन्स :

डिस होम र म्याक्स लेजेन्स बीच खेलिएको दिनको चौथो खेलमा डिस होमले ७ विकेटको सहज जित दर्ता गर्यो। पहिले ब्याटिंग गर्दै म्याक्सले दिएको २० रनको झिनो लक्ष्य डिस होमले १.२ ओभरमा कुनै विकेट नगुमाई पुरा गर्यो। डिस होमको बलिङ्गमा ८ रन खर्चेर २ विकेट लिएका दिपक न्यौपाने खेलको म्यान अफ दि म्याच बने।

Electrifying Performer Aditya Bhattarai Dish home
Electrifying Performer Aditya Bhattarai Dish home

स्मार्ट सेल भर्सेज युनाईटेड सिमेन्ट :

यस्तै दिनको पाँचौ खेलमा स्मार्ट सेलले युनाईटेड सिमेन्टलाई ७१ रनको भारी अन्तरले पराजित गर्यो। पहिले ब्याटिंग गरेको स्मार्टसेलले निर्धारित १० ओभरमा ३ विकेट गुमाएर ९९ रन जोडेको थियो। उसका लागि सचिन लेखकले सर्वाधिक ५९ रन जोडेका थिए। जवाफमा १०० रनको लक्ष्य लिएर मैदान उत्रिएको युनाईटेड सिमेन्टले २८ रन जोड्दा सबै विकेट गुमाउन पुग्यो। स्मार्टसेलको बलिङ्गमा ४ रन दिएर ४ विकेट लिएका जीवन सिलवाल खेलको म्यान अफ दि म्याच चुनिए।

सेन्चुरी बैंक भर्सेज युनिभर्सल इलेक्ट्रोकम :

प्रतियोगिता अन्तर्गत मंगलवार सम्पन्न छैठौं खेलमा सेन्चुरी बैंकले युनिभर्सल इलेक्ट्रोकमलाई २ विकेटले पराजित गर्यो। पहिले ब्याटिंग गर्दै युनिभर्सलले दिएको ७१ रनको लक्ष्य सेन्चुरी बैंकले ९.३ ओभरमा ५ विकेट गुमाएर पुरा गर्यो। उसको चेजमा २४ रन जोडेका सुरज तिमल्सिना म्यान अफ दि म्याच घोषित भए।

स्मार्ट सेल भर्सेज क्लाउड फ्याक्ट्री :

दिनको अन्तिम खेलमा मंगलवार स्मार्टसेलले क्लाउड फ्याक्ट्रीलाई ६४ रनको ठुलो अन्तरले पराजित गर्यो। पहिले ब्याटिंग गरेको स्मार्ट सेलले निर्धारित १० ओभरमा २ विकेट गुमाएर १२९ रन जोडेको थियो। उसका बिबेक राना मगरले ६२ र तारक भट्टले ४७ रन जोडेका थिए। जवाफमा १३० रनको बिशाल लक्ष्य पाएको क्लाउड फ्याक्ट्रीले ६६ रन मात्र जोड्न सक्दा खेल गुमाउन पुग्यो। ब्याटिंग तर्फ ४७ रन र बलिङ्गमा १ विकेट हात पारेका तारक भट्ट खेलको प्लेयर अफ दि म्याच चुनिए।

कर्पोरेट क्षेत्रका कुल १५ टोलीलाई चार बिभिन्न समुहमा विभाजन गरेर प्रतियोगिता संचालन  भैरहेको छ। समुह चरण पश्चात हरेक समुहबाट शिर्ष २ टोली क्वार्टरफाइनलका लागि छनोट हुनेछन्। इन्डोर प्रतियोगिता रहेतापनि खेल भने सामान्य क्रिकेटकै ढांचामा खेलिने समेत आयोजकले बताएको छ।





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]