कर्पोरेट कपको तयारी अन्तिम चरणमा, काठमाण्डौ किंग्स ११ बाट बिनोद दास सम्मानित

Kathmandu Kings XI


  • विकेटनेपाल – ३१ श्रावण, शुक्रवार

भाद्र पहिलो साताबाट आयोजना हुने काठमाण्डौ किंग्स एलेभेन कर्पोरेट कप इन्डोर क्रिकेट प्रतियोगिताको दोस्रो सिजनको तयारी अन्तिम चरणमा पुगेको छ।

एभरेष्ट प्रिमियर लिगको ( इपिएल ) फ्रेन्चाईज तथा प्रतियोगिता आयोजक रहेको काठमाण्डौ किंग एलेभेनले बुधवार राजधानीमा एक कार्यक्रम गर्दै प्रतियोगितको तयारी अन्तिम चरणमा पुगेको जानकारी गराएको हो। बुधवार आयोजित ” मिट एण्ड ग्रिट ” कार्यक्रमबाट प्रतियोगिताको समुह विभाजन र खेल तालिका समेत प्रकाशन गरियो।

कर्पोरेट क्षेत्रका कुल १५ टोलीलाई चार बिभिन्न समुहमा विभाजन गरेर प्रतियोगिता खेलाइने छ। समुह चरण पश्चात हरेक समुहबाट शिर्ष २ टोली क्वार्टरफाइनलका लागि छनोट हुनेछन्। इन्डोर प्रतियोगिता रहेतापनि खेल भने सामान्य क्रिकेटकै ढांचामा खेलिने समेत आयोजकले बताएको छ।

समुह विभाजनबाट साबिक बिजेता एनआईसि एसिया बैंकसंगै, दराज डट् कम्, म्याक्स लेजेन्स र डीस् होम् समुह ” ए “मा परेका छन्। यस्तै आईएमएस ग्रुप, नेपाल लाइफ इन्स्योरेन्स, सिद्धार्थ बैंक र एसके भेन्चर्स समुह ” बि ” मा रहंदा आयोजक टेलिटक, सेन्चुरी बैंक र युनिभर्सल इलेक्ट्रोकम् समुह ” सि ” मा रहेका छन्। यस्तै अन्तिम समुह ” डी ” मा क्लाउड फ्याक्ट्री, नयाँ पत्रिका, स्मार्टसेल र युनाइटेड सिमेन्ट रहेका छन्।

प्रतियोगिताका खेलहरु आउँदो भाद्र २ गतेबाट राजधानीको गोल्फुटार स्थित रोयल केसिटिसी इन्डोर क्रिकेटमा संचालन हुनेछन्। दश ओभरको इनिंग रहने प्रतियोगिताको हरेक टोलीमा ८ खेलाडी समावेश रहनेछन्।

बिनोद दासलाई सम्मान :

कर्पोरेट कपको अन्तिम तयारी घोषणाका लागि आयोजित  “मिट एण्ड ग्रिट ” कार्यक्रममा आयोजक काठमाण्डौ किंग्स एलेभेनले बिनोद दासलाई सम्मान गरेको छ। राष्ट्रिय टोलीका पूर्व कप्तान तथा यूवा टोलीका बर्तमान प्रशिक्षक दास काठमाण्डौ किंग्स एलेभेनका डाइरेक्टर अफ क्रिकेट समेत हुन्। फ्रेन्चाईजलाई टोलीको रुपमा मझ्बुत बनाउन र परिवारका रुपमा जोडेर राख्न बिनोद दासले महत्वपूर्ण भूमिका खेलेको भन्दै आयोजकले सम्मान गरेको हो।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]