EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत



डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी सुरुआत गरेको छ।

टियु अन्तर्राष्ट्रिय क्रिकेट मैदान किर्तिपुरमा सम्पन्न खेलमा ललितपुरले दिएको १५८ रनको लक्ष्य काठमाडौँले मात्र १४.२ ओभरमा ३ विकेट गुमाएर भेटायो।

काठमाडौँको लागि जिम्बाब्वेका देब्रे हाते ब्याट्सम्यान रायन बर्लले आक्रामक ब्याटिंग गर्दै अविजित ७३ रन बनाए जुन क्रममा उनले ३४ बलमा ३ चौका र ७ छक्का हिर्काए। यस्तै अफगानिस्तानका ब्याट्सम्यान रहमनुल्लाह गुर्बजले ५९ रन बनाए जुन क्रममा ३६ बलमा ४ चौका र ४ छक्का हिर्काए। राजु रिजालले अविजित १९ रन बनाए।

लक्ष्य पछ्याउने क्रममा काठमाडौँको सुरुवात खराब रह्यो। सुबास खकुरेल खाता नखोली पहिलो ओभरमै तथा दोश्रो ओभरमा ४ रन बनाएका अमित श्रेष्ठ रन आउट भए। दुवैलाई शंकर रानाले रन आउट पारे। त्यसपछि अफगानिस्तान ओपनर रहमनुल्लाह गुर्बजले आक्रामक ब्याटिंग गरे। ललित राजबंशीले गरेको पाँचौ ओभरमा उनले ३ छक्का प्रहार गरे। मात्र २४ बलमा अर्धशतक पुरा गरेपछि गुर्बज एघारौं ओभरमा पवन सर्राफबाट विकेटपछाडी समातिए। त्यसपछि बर्ल र रिजालले चौथों विकेटको लागि ७२ रनको साझेदारी गर्दै टिमलाई जितसम्म पुर्याए।

शाहिद अफ्रिदी विकेटविहिन रहे

यस अघि टस हारेर ब्याटिंग गरेको ललितपुरले निर्धारित २० ओभरमा ८ विकेट क्षेतीमा १५७ रन बनाएको थियो।

ललितपुरको सुरुवात अत्यन्त खराब रह्यो। पहिलो ओभरमै उसका दुई ओपनर कुशल भुर्तेल खाता नखोली तथा सन्दुन विराक्कोडी २ रन बनाएर जितेन्द्र मुखियाबाट क्याच आउट भए। भुर्तेल पहिलो बलमै आउट भए। दोश्रो ओभरमा ओशाडा फर्नान्डो ४ रन बनाएर गुल्सन झाबाट एलबिडब्लु भए।

७ रन बनाउदा ३ विकेट गुमाएको अवस्थामा पवन सर्राफले आक्रामक ब्याटिंग गर्दै टिमलाई दबाब मुक्त गरे। सर्राफले शाहिद अफ्रिदीको स्पेलको पहिलो ओभरमा छक्का र चौका प्रहार गरे। उनले चौंथो विकेटको लागि शंकर रानासंग ५६ रनको साझेदारी गरे। दशौँ ओभरमा शंकरलाई मुखियाले तेश्रो शिकार बनाए। त्यसपछि सर्राफले योगेन्द्र सिंह कार्कीसंग ६.२ ओभरमा ६२ रनको साझेदारी गरे। सर्राफ र कार्की दुवैलाई लेग स्पिनर रायन बर्लले लगातार बलमा पेभेलियन फर्काए।

काठमाडौँ किंग्स-११ को बलिंगमा जितेन्द्र मुखियाले सर्वाधिक ४ विकेट लिए जुन क्रममा ४ ओभरमा मात्र १८ रन खर्चिए। यस्तै गुल्सन झाले २ ( ४-०-३५-२ ) तथा रायन बर्लले २ विकेट ( ४-०-२०-२ ) लिए। पाकिस्तानी स्टार स्पिनर शाहिद अफ्रिदी ४ ओभरमा ३२ रन खर्चेर विकेटविहिन रहे। यस्तै कप्तान सन्दिप लामिछानेले पनि ४ ओभरमा ४४ रन खर्चिंदा विकेट लिन सकेनन्।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]