हातमा आएको जित खोसीएपछि राहुलले भने “यो हार पचाउन गाह्रो छ।”



पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान रोयल्स फ्यानहरुले आफ्नो टिमले खेल जित्ने सोच्नु समेत परको कुरा हो। तर अन्तिम २ ओभरमा राजस्थानले अपत्यारिलो पुनरागमन गर्दै खेल २ रनले आफ्नो पक्षमा पार्यो। इनिंग्सको १९ औं ओभरमा मुस्तफिजुर रहमानले ४ रन मात्र खर्चिए पछि जित्न पन्जाबलाई ६ बलमा ४ रन मात्र आवस्यक थियो र साथमा अझै ८ विकेट। क्रिजमा २५ रन बनाएका एडेन मारक्रम र ३२ रन बनाएका निकोलस पुरन थिए। तर दायाँ हाते पेसर त्यागीले पहिलो ३ बलमा १ रन मात्र खर्चेर क्रिजमा जमेका निकोलस पुरनको विकेट लिंदा पन्जाब दबाबमा आयो। त्यागीले चौथों बलमा रननै दिएनन् भने पाँचौ बलमा दिपक हुडाको विकेट लिए। ३ रन आवस्यक हुँदा अन्तिम बलमा त्यागीले पुनः डट बल गरे र सनसनीपूर्ण जित दिलाए। अविजित २६ रन बनाएका मारक्रम अपत्यारिलो खेलको मुकदर्शक बन्न पुगे।

खेलको दोश्रो इनिंग्समा पूर्णतः हावी रहेर सहज जिततर्फ अघि बढेको पन्जाबले खेल हार्ने आंकलन कसैको थिएन। राजस्थानले दिएको १८६ रनको लक्ष्य पछ्याउने क्रममा ४ विकेट मात्र गुमाएता पनि पन्जाबले १८३ रन मात्र बनाउन सक्यो। कप्तान केएल राहुल र मायाँक अग्रवालले १२० रनको ओपनिंग साझेदारी गरेता पनि अन्तिममा दबाब झेल्न नसक्दा पन्जाबले निराशाजनक हार व्यहोर्न पुग्यो।

हारपछि प्रतिक्रिया दिने क्रममा पन्जाब कप्तान राहुलले हार पचाउन गाह्रो भएको प्रतिक्रिया दिए – “यो हार पचाउन गाह्रो छ। हामीले दबाबलाई सम्हाल्न्ने राम्रो तरिका सोच्नने जरुरत छ। यो खेलमा आफ्नो सर्वोत्कृष्ट दिएपछि पनि आएको नतिजा हो। यसलाई निल्न गाह्रो छ किनकि हामीले आफ्नो पछिल्लो गल्तिबाट सिकेनौ। हामी बाँकि ५ खेलमा अझ उत्कृस्ट पुनरागमन गर्न प्रयास गर्नेछौँ।”

राहुलले खेलमा गरेको बलिंग र आफु लगायत ब्याट्सम्यानको लय सकारात्मक बताए – “हामीले पहिलो ६ ओभरमा राम्रो लेन्थमा बलिंग गर्यौं। त्यसपछि नियमित अन्तरलमा विकेट पायौं। त्यसपछि म, मायाँक र एडेनले पहिलो खेलमा रन बनाए जुन महत्वपूर्ण कुरा हो।” पहिले ब्याटिंग गर्ने क्रममा राजस्थानले पहिलो ४ विकेट गुमाउदा १६६ रन बनाएता पनि पन्जाबले उत्कृस्ट पुनरागमन गर्दै अन्तिम ६ विकेट लिंदा मात्र १९ रन खर्चेको थियो। पन्जाब पेसर अर्शदिप सिंहले करियरको उत्कृस्ट स्पाल ( ४-०-३२-५ ) दर्ता गर्दै टिमलाई खेलमा फर्काएका थिए। यस्तै अर्का पेसर मोहम्मद शामीले पनि मात्र २१ रन खर्चेर ३ विकेट लिए।

अपत्यारिलो अन्तिम ओभर बलिंग गरेपछि राजस्थानका २० वर्षीय पेसर कार्तिक त्यागिले जितमा विशेष योगदान दिन पाउँदा खुसि व्यक्त गरे – “म आईपीएलको पहिलो लेगमा घाइते भएको थिए तर म फिट हुँदा प्रतियोगितानै रोकियो। त्यति बेला दुख लागेको थियो। मैले धेरैजना संग कुरा गर्दा यो फर्म्याट दिनहु परिवर्तन भएको कुरा सुनाउथे त्यसैले मैले आफूमाथ विश्वास कायमै राख्नु पर्थ्यो। मैले यो खेलमा अचम्मको कुरा भएको सुनेको र देखेको छु। आज म भाग्यमानी छु कि जितमा विशेष योगदान दिन पाएँ। म अगाडी सर्ट बल गरिरहेको थिएँ जसबारे धेरै फिडब्याक पाएपछि त्यसमा काम गरें।” त्यागिले बताए।

जितपछि राजस्थान कप्तान संजु स्यामसनले खेल कसरि जितेको पत्याउन नसकेको प्रतिक्रिया दिए। “यो बुझ्न गाह्रो छ कि हामीले कसरि जित्यौं। हामीसंग मुस्तफिजुर रहमान र कार्तिक त्यागि जस्ता बलर थिए र मलाई आफ्नो बलरबाट विश्वास थियो। योजना स्पस्ट थियो कि वाइड योर्कर फाल्ने जुन योजनाले राम्रो काम पनि गर्यो। हामीले केहि क्याच छोड्यौ तर राम्रो भयो कि हामीले पुनरागमन गर्न सक्यौं।” उनले बताए।

जितपछि राजस्थान रोयल्स लिग अंकतालिकामा ८ खेलमा ४ जित र ४ हार बेहोर्दै पाँचौ स्थानमा उक्लेको छ। पन्जाब भने ९ खेलमा छैठौं हार पछि ६ अंक सहित सातौं स्थानमा पुगेको छ। लिग अन्तर्गत बुधबार दिल्ली क्यापिटल्स र सनराइजर्स हैदरावादले प्रतिस्पर्धा गर्नेछन्।





थप समाचार

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]