कोहलीको शतकमा भारतको जित, सिरिज बराबरीमा



  • विकेटनेपाल – १ माघ, मंगलवार

कप्तान बिराट कोहलीको शतक र पुर्व कप्तान महेन्द्र सिंह धोनीको अर्धशतकमा भारतले अष्ट्रेलिया बिरुद्धको दोस्रो एक दिवसीय खेलमा ६ विकेटको जित हात पारेको छ। भारतको जितसंगै ३ खेलको शृंखला १-१ को बराबरीमा पुगेको हो।

यसअघि सम्पन्न पहिलो एक दिवसीय खेलमा अष्ट्रेलियाले भ्रमणकारी टोलि भारतलाई ३४ रनले पराजित गरेको थियो। शृंखला अन्तर्गतको तेस्रो तथा अन्तिम एक दिवसीय खेल आउने शुक्रवार मेलबर्नमा खेलिनेछ।

एडिलेडमा मंगलवार सम्पन्न खेलमा भारतलाई जित दिलाउन कप्तान कोहलीले सानदार शतक प्रहार गरे। पहिले ब्याटिंग गर्दै अष्ट्रेलियाले दिएको २९९ रनको लक्ष्य भारतले खेल सकिन ४ बल बाँकी रहंदा ४ विकेट गुमाएर पुरा गर्यो।

Virat Kohli
Virat Kohli

टोलीलाई जित दिलाउने क्रममा बिराट कोहलीले सर्वाधिक १०४, महेन्द्रसिंह धोनीले अविजित ५५ तथा रोहित शर्माले ४३ रनको योगदान गरे। एक दिवसीय करियरको ३९ औं शतक बनाउने क्रममा कोहलीले ११२ बलमा ५ चौका र २ छक्का प्रहार गरे।

यस्तै पछिल्लो खेलमा कम स्ट्राइक रेटमा ब्याटिंग गरेको भन्दै आलोचनाको शिकार बनेका महेन्द्र सिंह धोनीले ५४ बलमा अविजित ५५ रन जोडे। त्यसक्रममा उनले २ छक्का समेत प्रहार गरे।

जेसन बेरेनड्रफले गरेको अन्तिम ओभरमा ७ रन आवश्यक हुँदा धोनीले पहिलो बलमा छक्का र दोस्रो बलमा १ रन लिंदै टोलीलाई जितसम्म पुर्याएका थिए।

Ms Dhoni
Ms Dhoni

अष्ट्रेलियाको बलिंगतर्फ जेसन बेरेनड्रफ, झाए रिचर्डसन्, ग्लेन म्याक्स्वेल र मार्कस स्टोइनिसले समान १-१ विकेट लिएपनि त्यो जितका लागि पर्याप्त भएन।

यसअघि पहिलो इनिंगमा टस जितेर ब्याटिंग गर्न उत्रिएको अष्ट्रेलियाले शन् मार्शको उत्कृस्ट शतकको सहयोगमा निर्धारित ५० ओभरमा ९ विकेट गुमाएर २९८ रन जोडेको थियो।

Shaun Marsh
Shaun Marsh

शतक बनाउने क्रममा मार्शले १२३ बलमा ११ चौका र ३ छक्का सहित १३१ रन जोडेका थिए।  यस्तै ग्लेन म्याक्स्वेलले मात्र ३७ बलमा ५ चौका र १ छक्का सहित ४८ रनको योगदान  गरेका थिए।

भारतको बलिंगतर्फ भुवनेश्वर कुमारले सर्वाधिक ४ विकेट ( १०-०-४५-४ ) चट्काए। यस्तै मोहम्मद शामीको नाममा ३ विकेट ( १०-०-५८-३ ) रहेको थियो।

तस्बिर स्रोत : (@ICC)





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]