आईपीएल २०२० बाट बाहिरीएपछि कोहलीले के भने



इलिमीनेटरमा सनराइजर्स हैदरावादसंग पराजित हुँदै आईपीएल २०२० बाट बाहिरिएपछि रोयल च्यालेन्जर्स बैंगलोरका कप्तान बिराट कोहलीले टिमले पहिले ब्याटिंग गर्दै पर्याप्त रन बनाउन नसक्नु हारको कारण बनेको बताएका छन्।

शेख जायद स्टेडियममा टस हारेर ब्याटिंग गरेको बैंगलोरले २० ओभरमा ७ विकेट गुमाएर १३१ रन मात्र बनाउन सकेको थियो। हैदरावादले मात्र ४ विकेट गुमाएर लक्ष्य पुरा गर्दै दोश्रो क्वालीफायरमा स्थान बनायो।

“यदी तपाई पहिलो इनिंगको कुरा गर्नुहुन्छ भने मलाई लाग्दैन हामीले पर्याप्त योगफल बनाउन सक्यौं। दोश्रो इनिंगमा हामिले योजनाहरु राम्रो लागु गर्न सक्यौं। मेरो बिचारमा हामीले पहिलो इनिंगमा पर्याप्त रन बनाउन सकेनौं।”

“उनीहरुले हामीलाई पहिलो इनिंगमा दबाबमा राखे। केहि दुर्भाग्यपूर्ण तरिकाले आउट भए जसपछि हामीले पर्याप्त रन बनाउन सकेनौं। हामी खेलको कुनै पनि बेला बिपक्षी भन्दा पर थिएनौं। बलरहरुले सहि ठाउँमा बलिंग गर्दै दबाब बनाए।”  कोहलीले बताए।

लिगको पहिलो चरणमा उत्कृस्ट प्रदर्शन गरेता पनि दोश्रो चरणमा इलिमिनेटरको हार अघि बैंगलोर लगातार ४ खेलमा पराजित भएको थियो। कोहलीले भाग्यलाई पनि दोष दिए –

“पछिल्लो २-३ खेलमा हामीले हानेको सट सोझै फिल्डर भए ठाउँमा पुग्थ्यो , धेरै राम्रो सटहरु फिल्डरतिर पुग्थ्यो। पछिल्लो ४-५ खेल निकै अनौठो थियो।”

खेलमा बिराट कोहलीको विकेट लिएपछि हैदरावाद फास्ट बलर जेसन होल्डरको खुसि

कोहलीले लिगको पछिल्लो खेलहरुमा टिमले रन बनाउन नसक्नु पछाडीको कारण सोध्दा बताए – “थोरै नर्भस भएर हुन सक्छ र थोरै दुबिधा। हामीले ब्याटबाट बढी प्रयास गर्न सक्नुपर्थ्यो।”

कोहलीले टिमको सकारात्मक पक्षहरुबारे बोल्दै यो सिजन डेब्यु गरेका ओपनर देभदत्त पडीक्कलको तारिफ गरे –

“केहि खेलाडीहरुको लागि सिजन राम्रो रह्यो। देभदत्त ति मध्ये एक हुन् भने सिराजले पनि राम्रो पुनरागमन गरे। युजी ( युजभेन्द्र ) सधै जस्तै उत्कृस्ट थिए, एबि सधै जस्तै उत्कृस्ट थिए। ४०० रन बनाउनु सहज कुरा हैन उनले ( देभदत्त ) कला र विश्वास देखाए। उनको लागि खुसि छु। अरुले पनि योगदान दिएका छन् तर पर्याप्त थिएन।”

पडीक्कलले यो सिजन बनाएको ४७३ रन डेब्यु सिजनमा अन-क्याप्ड भारतीय खेलाडीले बनाएको सर्वाधिक रन हो।

“यसले पनि आईपीएलमा टिमहरुको बलियो पक्ष देखाउछ। सबै टिमसंग बलियो खेलाडीहरु रहेका छन्। अर्को कुरा यो पटक मात्र ३ वटा मैदानमा खेल्दा होम-अवे फाइदा पनि थिएन। सबैको लागि उही अवस्था थियो। त्यसैले पनि यो सिजन निकै प्रतिस्पर्धात्मक रह्यो।”

“हामिलाई समर्थन गर्ने सम्पूर्ण फ्यानहरुलाई धन्यवाद भन्न चाहन्छु।” कोहलीले बताए।

हारसंगै बैंगलोरको पहिलो आईपीएल उपाधि जित्ने सपना चकनाचुर भएको छ। लिगमा बैंगलोरको यो लगातार पाँचौ हार हो। यस अघि लगातार ४ हार बेहोरेता पनि लिगको चौथो स्थानमा रहँदै बैंगलोर प्ले-अफ प्रवेश गरेको थियो। हैदरावादको लिगमा यो लगातार चौथो जित हो।

हैदरावादले दोश्रो क्वालीफायरमा फाइनल प्रवेशको लागि दिल्ली क्यापिटल्ससंग प्रतिस्पर्धा गर्नेछ। खेल आइतबार अबुधाबीमा खेलिनेछ। मुम्बईले दिल्लीलाई पहिलो क्वालीफायरमा पराजित गर्दै फाइनल प्रवेश गरिसकेको छ।

विलियमसन र होल्डर चम्किदा हैदरावादको रोमान्चक जित, बाहिरियो बैंगलोर

राष्ट्रिय क्रिकेट टिमले प्रशिक्षण सुरु गर्ने

रोहितको बिर्सनलायक ‘डक’ कीर्तिमान, बुम्राहले छोए नयाँ उचाइ

‘हामि बलियो मानसिकताको साथ आउनु पर्छ’ – दिल्ली कप्तान श्रेयस ऐयर





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]