विराट कोहलीलाई आइसीसीको कारवाही



भारतीय टोलीका कप्तान विराट कोहलीलाई अन्तर्राष्ट्रिय क्रिकेट परिषद् ( आइसीसी ) ले कारवाही गरेको छ। जारी विश्वकप क्रिकेट अन्तर्गत शनिवार सम्पन्न अफगानिस्तान बिरुद्धको खेलका क्रममा नियम तोडेको आरोपमा कोहली कार्वाहीमा परेका हुन्।

अफगानिस्तान बिरुद्धको खेलका क्रममा धेरै अपिल गरेको भन्दै कोहलीलाई आइसीसीले कारवाही गरेको हो। आइसीसीको लेभल १ नियम अनुसार कुनै खेलाडीले खेलका दौरान अत्यधिक अपिल गरेमा उसलाई कार्वाही गर्ने गरिन्छ। कोहलीले अब आफ्नो म्याच फि को  २५% रकम जरिवाना स्वरूप आइसीसीलाई बुझाउनु पर्नेछ।

कोहलीलाई खेलको २९ औं ओभरमा जबर्जस्ति एलबिडब्ल्युको अपिल गरेको र अम्पाएर अलिम दारतर्फ औला इंकित गरेको भन्दै कार्वाही गरेको म्याच रेफ्री क्रिस ब्रोडले जनाएका छन्। कोहलीले पनि आफ्नो गल्ति स्वीकारिसकेका छन्।

जरिवानासंगै कोहलीले आफ्नो अनुशासन रेकर्डमा १ डिमेरिट अंक समेत प्राप्त गरेका छन्। यसअघि सन् २०१८ मा दक्षिण अफ्रिकासँगको टेस्ट सिरिजको दौरान समेत १ डिमेरिट अंक प्राप्त गरेका थिए। कुनै खेलाडीले २४ महिना भित्रको समयमा कुल ४ डिमेरिट अंक प्राप्त गरेमा १ टेस्ट वा २ एक दिवसीय अन्तर्राष्ट्रिय वा ट्वान्टी-२० अन्तर्राष्ट्रिय खेल खेल्नबाट प्रतिबन्ध लगाईन्छ।

अत्यन्त रोमान्चक खेलमा शनिवार अफगानिस्तानलाई ११ रनले पराजित गर्दै भारतले आईसीसी विश्वकपमा चौथो जित दर्ता गरेको थियो।

भारतले पहिले ब्याटिंग गर्दै बनाएको २२४ रनको जवाफमा ब्याटिंग गरेको अफगानिस्तानले ४९.५ ओभरमा सबै विकेट गुमाएर २१३ रन बनाउदा भारतले कठिन जित हाँसिल गरेको थियो।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]