कोहली र ऐयर पछि स्मिथलाई पनि लगाइयो जरिवाना



बैंगलोर कप्तान बिराट कोहली र दिल्ली कप्तान श्रेयस ऐयर पछि राजस्थान रोयल्सका कप्तान स्टिभ स्मिथलाई पनि ढिला ओभर रेटका कारण आईपीएलले कारबाही गरेको छ।

स्मिथलाई आईपीएल २०२० अन्तर्गत मंगलबार सम्पन २० औं खेलमा मुम्बई इन्डीएन्ससंगको खेलमा ढिलो ओभर रेटका कारण १२ लाख भारतीय रुपैयाँ ( १९ लाख २० हजार नेपाली रुपैयाँ ) जरिवाना गरिएको छ।

“राजस्थान रोयल्सका कप्तान स्टिभ स्मिथलाई मुम्बई इन्डीएन्स बिरुद्धको खेलमा ढिलो ओभर रेटका कारण जरिवाना गरिएको छ। पहिलो पटक भएका कारण आईपीएलको निम्नतम ओभर रेटको नियम उल्लंघन बापत उन्ला १२ लाख भारु जरिवाना गरिएको हो।” आईपीएलले जारि गरेको विज्ञप्तिमा बताईएको छ।

यस अघि बिराट कोहलीलाई पन्जाब बिरुद्धको खेलमा तथा श्रेयस ऐयरलाई हैदरावाद बिरुद्धको खेलमा सोहि कारवाही गरिएको थियो

आईपीएलमा फिल्डिंग टिमका कप्तानले सामान्य अवस्थामा कम्तिमा १ घण्टा ३० मिनेटमा ( टाईम आउट सहित ) इनिंग समाप्ति गर्नु पर्छ। यदी दोश्रो पटक पनि स्मिथले लिगमा ढिलो ओभर रेट गरेको पाइएको खण्डमा जरिवाना दोब्बर अर्थात् २४ लाख भारु हुने नियम छ। दोश्रो पटक कप्तानलाई मात्र हैन खेलेका अन्य खेलाडीहरुको म्याच फिबाट २५ प्रतिशत काट्ने नियम रहेको छ। तेश्रो पटक ढिलो ओभर रेटमा कप्तानले ३० लाख भारु तिर्नुपर्नेछ र १ खेल समेत खेल्न नपाउने नियम छ।

मुम्बई बिरुद्ध स्मिथले मात्र ६ रन बनाउन सकेका थिए

लिगको २० औं खेलमा राजस्थानलाई मुम्बईले ५७ रनले पराजित गरेको थियो। सुर्यकुमारले करियरकै उत्कृस्ट आईपीएल स्कोर ४७ बलमा ७९ रन बनाउदा मुम्बईले १९३/४ को योगफल तयार गरेको थियो। लक्ष पछ्याउने क्रममा सुरुवाती ३ विकेट १२ रनमै गुमाएको राजस्थान खेलमा फर्कन सकेन र जोस बटले ७० रन बनाउनुको बाबजुद टिम भारि अन्तरले चुक्न पुग्यो। ४ विकेट लिएका मुम्बई पेसर जस्प्रित बुम्राहले करियरकै उत्कृस्ट बलिंग स्पेल दर्ता गरे।

“विकेट चाडै गुमाएर हुँदैन” खेलपछि प्रतिक्रिया दिने क्रममा कप्तान स्मिथले बताए।

“हामि पछिल्लो ३ खेलमा राम्रो सुरुवात गर्न असफल छौँ। मलाई लाग्दैन हामीले धेरै आतिनु जरुरिछ। मात्र हामीले हाम्रो योजनाहरु लागु गर्नुपर्छ। अन्तिम ३ खेल राम्रो गएको छैन हामीले लय पाउन अघि बढ्नुपर्छ।”

लिगमा राजस्थानको यो लगातार तेश्रो हार हो। पहिलो २ खेलमा चेन्नाई र पन्जाबलाई पराजित गरेपछि अघिल्लो २ खेलमा कोलकाता र बैंगलोरसंग राजस्थान पराजित भएको थियो।

हारपछि राजस्थानले अंकतालिकाको पुछारतिर यात्रा गरेको छ। खेल अघि पाँचौ स्थानमा रहेको राजस्थान २ स्थान तल झर्दै सातौँ स्थानमा पुगेको छ। समान ४ अंक रहेता पनि कोलकाता, चेन्नाई र हैदरावाद क्रमशः चौथो, पाँचौ र छैठौं स्थानमा रहेको छ।

राजस्थानले आगामी खेल शुक्रबार दिल्ली क्यापिटल्ससंग खेल्ने तालिका रहेको छ।

IPL : पर्पल क्याप रेसमा रबाडालाई बुम्राहको प्रतिस्पर्धा, यस्तो छ अंकतालिकाको अवस्था

बुम्राहको करियरकै उत्कृस्ट स्पेल, ह्याट्रिक जित पछि मुम्बई शिर्षमा

‘युनिभर्स बोस’ गेलले कहिले पाउनेछन् मौका ? ब्याटिंग प्रशिक्षक जाफरले दिए अपडेट

क्यानको साधारणसभा भर्चुअल हुने

प्रशिक्षक पोन्टिङले बताए पृथ्वी शको आक्रामक लयको कारण

को हुन् भुवनेश्वरलाई प्रतिस्थापन गर्ने बलर जसले गत सिजन वार्नरको विकेट लिएका थिए





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]