कोहली र क्रुनलको प्रदर्शनमा भारतको जित



  • विकेटनेपाल, मङ्सिर-९ 

अस्ट्रेलियालाई तेश्रो टि-२० मा पराजित गर्दै भारतले ३ टि-२० खेलको सिरिज १-१ को बराबरीमा टुंग्याएको छ। यस अघि सम्पन्न पहिलो टि-२० मा अस्ट्रेलिया ४ रनले विजयी भएको थियो भने दोश्रो टि-२० वर्षाको कारण पुरा हुन पाएको थिएन।

क्रुनलको उत्कृस्ट बलिङ्ग 

सिड्नीमा भएको खेलमा टस जितेर ब्याटिंग रोजेको अस्ट्रेलियाले पहिलो इनिंगमा ६ विकेट गुमाएर १६४ रनको योगफल तयार गरेको थियो।

ओपनर ड्यार्सी सर्ट र आरोन फिंचले पहिलो विकेटको लागि ६८ रनको साझेदारी गर्दै अस्ट्रेलियालाई राम्रो सुरुवात दिलाएका थिए। कुलदिप यादबले फिंच ( २८ रन ) को विकेट लिएपछि सर्ट पनि ३३ रन बनाएर क्रुनल पान्ड्याको बलमा आउट हुँदा अस्ट्रेलियाको विकेट पतन सुरु भएको थियो।

क्रुनलले म्याक्स्वेल ( १३ ) , बेन म्याकडरमट ( ० ) , एल्स्क्स केरे ( २७ ) को विकेट लिएका थिए ६८/१ को अवस्थाबाट अस्ट्रेलिया ९०/४ खराब स्थितिमा पुगेको थियो। तल्लो क्रममा ,मार्कस स्टोइनिस र नाथन नाइलले सातौँ विकेटको लागि ३३ रनको साझेदारी गर्दै अस्ट्रेलियालाई राम्रो अवस्थामा पुर्याएका थिए।  स्टोइनिसले २५ रन ( १५ बल, ३ चौका ) तथा नाइलले १३ रन ( ७ बल, २ चौका ) बनाए।

क्रुनल पान्ड्याले ४ ओभरमा ३६ रन खर्चेर सर्वाधिक ४ विकेट लिए भने कुलदिप यादबले १ विकेट ( ४-०-१९-१ ) लिए।  क्रुनल पान्ड्या अस्ट्रेलियामा कुनै पनि टि-२० अन्तर्राष्ट्रियमा ४ विकेट लिने पहिलो स्पिनर पनि बनेका छन्।

कोहलीको कप्तानी इनिंगमा भारतको जित 

भारतलाई जित दिलाउन कप्तान बिराट कोहलीले अविजित ६१ रन बनाएर महत्वपूर्ण योगदान दिए।

अन्तिम ओभरमा भारतलाई जित्न ५ रन आवस्यक रहेको बेला कोहलीले एन्ड्रु टाईको तेश्रो र चौथो बलमा लगातार चौका प्रहार गर्दै जित दिलाएका थिए। ४१ बलमा कोहलीले ४ चौका र २ छक्का प्रहार गर्दै अस्ट्रेलियको टि-२० सिरिज जित्ने चाहना समाप्त गरे।

अस्ट्रेलियाले दिएको १६५ रनको लक्ष्य पछ्याउने क्रममा  भारतले राम्रो सुरुवात गरेको थियो। ओपनर रोहित शर्मा र शिखर धवनले पहिलो विकेटको लागि ६७ रन बनाए। आक्रमक ब्याटिंग गरेका धवनले मात्र २२ बलमा ६ चौका र २ छक्का प्रहार गर्दै  ४१ रन बनाएर विकेट गुमाए पछि भने भारतले लगातार विकेट गुमाएको थियो।

६७ रनमा धवनको विकेट गुमाएको भारतले रोहित शर्मा ( २३ ) , केएल राहुल ( १४ ) र रिशभ पन्त ( ० ) लाई लगातार गुमायो। १३.१ ओभरमा १०८/४ को अवस्थामा पुगेको भारतलाई दिनेश कार्तिक र कप्तान कोहलीले पाँचौ विकेटको लागि ६० रनको साझेदारी गर्दै जितसम्म लागेका थिए।

अस्ट्रेलियाको लागि मिचेल स्टार्क, एडम जाम्पा, ग्लेन म्याक्सवेल र एन्ड्रु टाईले समान १ विकेट लिए।

फाइनल खेलको प्लेयर अफ द म्याच क्रुनल पान्ड्या तथा प्रतियोगिताकै उत्कृस्ट खेलाडी शिखर धवन घोषित भए।

दुई टिम बीच डिसेम्बर १० देखि ४ वटा टेस्टको सिरिज सुरु हुनेछ भने जनवरी १२ देखि ३ एकदिवसीय सिरिज सुरु हुनेछ।





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]