सचिन र लारालाई पछि छाड्दै कोहलीको नयाँ विश्व किर्तिमान



इंग्ल्याण्डमा जारि आईसीसी विश्वकप अन्तर्गत वेस्ट इन्डिज र भारत बीच जारि खेलमा भारतीय कप्तान बिराट कोहलीले अर्को ठुलो विश्वकिर्तिमान कायम गरेका छन्। खेलमा भारतले टस जितेर ब्याटिंग गरिरहेको छ।

वेस्ट इन्डिजसंग कोहलीले ३७ रन पुरा गर्ने वितिकै कोहलीले अन्तर्राष्ट्रिय क्रिकेटमा २० हजार रन पुरा गरेका छन्।

टेस्ट, एकदिवसीय र टि-२० गरि २० हजार रन पुरा गर्ने कोहली विश्वकै सबैभन्दा छिटो क्रिकेटर बनेका हुन्। यस क्रममा कोहलीले विश्व क्रिकेटमा २ ठुला क्रिकेटर सचिन तेन्दुलकर र ब्रायन लाराको रेकर्ड तोडेका छन्।

कोहलीले ३७५ खेलको ४१७ औं इनिंगमा २० हजार रन पुरा गरेका हुन्। यस क्रममा कोहलीले कुल ६६ शतक र ९२ अर्धशतक प्रहार गरेका छन्।

सचिन र लारा दुवैले २० हजार अन्तर्राष्ट्रिय रन पुरा गर्न ४५३ इनिंग लगाएका थिए। कोहलीले ३६ इनिंगले सचिन र लारालाई उछिनेका हुन्। यो रेकर्ड छिटो बनाउने सुचीमा तेश्रो स्थानमा रहेका अस्ट्रेलियाका पुर्व कप्तान रिकी पोंटिंग रहेका छन् जसले ४६८ खेलमा यो सफलता हाँसिल गरेका थिए।

Credit – Espncricinfo

कोहलीले टेस्टमा १३१, एकदिवसीय २२४ तथा टि-२० मा ६२ इनिंग खेलेका छन्। यस क्रममा टेस्टमा ६,६१३ रन, एकदिवसीयमा ११,९४० ( खेल जारि ) तथा टि-२० मा २२६३ रन बनाएका छन्। टेस्टमा उनले २५ शतक र २० अर्धशतक, एकदिवसीयमा ४१ शतक र ५२ अर्धशतक तथा टि-२० मा २० अर्धशतक बनाएका छन्।

टेस्टमा कोहलीले ५३.७६, एकदिवसीयमा ५९.६० तथा टि-२० मा ५०.२८ को औशतले उनले रन बनाएका छन्। टेस्टमा उनको सर्वाधिक व्यक्तिगत स्कोर २४३, एकदिवसीयमा १८३ तथा टि-२० मा ९०* रहेको छ।

२० हजार माथि अन्तर्राष्ट्रिय रन बनाउने अन्य क्रिकेटरहरु :- सचिन तेन्दुलकर ( ३४,३५७ ) , कुमार साँगाकारा ( २८,०१६ ) , रिकी पोंटिंग २७४८३, महेला जयवर्धने २५९५७, ज्याक कालिस ( २५५३४ ) , राहुल द्रविड ( २४२०८ ) , ब्रायन लारा ( २२३५८ ) , सनथ जयसूर्या ( २१०३२ ) , शिभनारायण चन्द्रपाल ( २०९८८ ) , इन्जमाम उल हक ( २०५८० ) , एबि डी भिल्लीयर्स ( २००१४ )

सबैभन्दा धेरै अन्तर्राष्ट्रिय रन बनाउने क्रिकेटर सचिन तेन्दुलकर हुन् जसले ६६४ खेलको ७८२ इनिंगमा ३४,३५७ रन बनाएका छन् जुन क्रममा ४८.५२ को औशतले रन बनाउदै १०० शतक र १६४ अर्धशतक बनाएका छन्। दोश्रो स्थानमा रहेका कुमार संगाकाराले ५९४ खेलको ६६६ इनिंगमा २८,०१६ रन बनाएका छन् जसले ४६.७७ को औशतले रन बनाउदै ६३ शतक र १५३ अर्धशतक बनाएका छन्।

कोहलीले गत वर्ष अक्टोबरमा वेस्ट इन्डिजसंग एकदिवसीय अन्तर्राष्ट्रियमा १०,००० रन पुरा गरेका थिए। सो क्रममा पनि उनले सचिन सबै भन्दा छिटो १०,००० रन बनाउने ब्याट्सम्यानको रेकर्ड तोड्दै २०५ इनिंगमा उक्त रन बनाएका थिए।

सचिन तेन्दुलकर पछि एकदिवसीयमा धेरै शतक बनाउने रेकर्ड पनि कोहलीकै नाममा रहेको छ। सचिनले ४९ शतक बनाएका थिए भने कोहली उनको रेकर्ड तोड्न अब मात्र ९ शतक टाढा रहेका छन्। ५० शतक बनाउने पहिलो ब्याट्सम्यान बन्ने समेत कोहलीको सम्भावना रहेको छ। कोहली पछि धेरै शतक बनाउनेमा तेश्रो नम्बरमा रहेका रिकी पोंटिंगको ३० शतक रहेको छ।

जारि विश्वकपमा फर्ममा रहेका कोहलीले दक्षिण अफ्रीकासंग १८, अस्ट्रेलियासंग ८२, पाकिस्तानसंग ७७ तथा अफगानिस्तानसंग ६७ रन बनाएका थिए।

३१ वर्षीय कोहलीले सन् २००८ मा श्रीलंका बिरुद्ध भारतको लागि एकदिवसीयमा डेब्यु गरेका थिए।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]