टि-२० विश्वकप पछि कोहलीले भारतको टि-२० कप्तानी छाड्ने, कारण यस्तो



भारतको तिन वटै फर्म्याटको कप्तान बिराट कोहलीले टि-ट्वान्टी विश्वकप २०२१ पछि भारतको टि-२० टिमको कप्तानी छाड्ने घोषणा गरेका छन्।

बिहिबार ट्वीटरमा बिज्ञप्ति जारि गर्दै कोहलीले सबैभन्दा छोटो फर्म्याटको कप्तानी छाड्ने निर्णय लिएको बताएका हुन्। कामको भार कम गर्न कोहलीले उक्त निर्णय लिएको बताएका छन्। निर्णयमा पुग्नु अघि कोहलीले यस बारे प्रशिक्षक रवी शास्त्री र सिमित ओभरको उपकप्तान रोहित शर्मासंग सल्लाह लिएका थिए। कोहलीको स्थान कसले लिनेछन् त्यसको घोषणा विश्वकप पछि गरिनेछ। अधिकारिक घोषणा नभएता पनि रोहित शर्माले उनको स्थान परिपूर्ति गर्ने निश्चित जसो मानिएको छ।

कप्तानी छोड्ने घोषणा गर्दै कोहलीले लेखेका छन् – “मैले भारतको प्रतिनिधित्व पुरै क्षमता दिएर गर्ने सौभाग्य पाएँ। मलाई कप्तानको यात्रामा साथ दिने सबैप्रति आभारी छु। उनीहरुको साथ बिना यो सम्भव थिएन। साथी खेलाडी, सहयोगी स्टाफ,छनोट समिति, प्रशिक्षक र प्रत्येक भारतीय जसले हाम्रो जितको लागि प्रार्थना गरे।”

बिराटले थप बताएका छन् – “वर्कलोडलाई बुझ्नु महत्वपूर्ण कुरा हो। पछिल्लो ८-९ वर्ष देखि तिन वटै फर्म्याटमा खेल्ने क्रममा मलाई यो महसुस भयो कि टेस्ट र वानडेमा कप्तानी गर्नको लागि आफुलाई समय दिन जरुरि छ। मैले टि-२० कप्तानको रुपमा टिमलाई सबै कुरा दिएको छु र म ब्याट्सम्यानको रुपमा अगाडी बढेर टिमको लागि त्यो काम गर्न निरन्तरता दिनेछु।”

“कुनै शंका छैन कि यो निर्णय लिन मलाई निकै समय लाग्यो। मेरो नजिकका व्यक्ति रबि भाई ( रवी शास्त्री ) र रोहित ( शर्मा ) जो नेतृत्व समुहका अनिवार्य हिस्सा हुन्, उनीहरुसंग सल्लाह गरेपछि युएईमा हुने टि-२० विश्वकप पछि टि-२० कप्तानको रुपमा पद छोड्ने निर्णयमा पुगेको हुन्। मैले बिसीसीआईको सचिव जय शाह र अध्यक्ष सौरभ गांगुली सहित सबै चयनकर्तासंग यो बारे कुरा गरेक छु। म आफ्नो क्षमताको मुताविक अगाडी भारतीय क्रिकेट र भारतीयहरुको सेवा जारि राख्नेछु।”


कोहलीले २०१७ मा पहिलो पटक टि-२० अन्तर्राष्ट्रियमा भारतको कप्तानी गरेका थिए। त्यसपछि ४५ खेलमा टिमको नेतृत्व गर्ने क्रममा भारतले २७ खेलमा जित र १४ खेलमा हार बेहोर्यो। दुई खेल बराबरी हुँदा दुई खेल नतिजाविहिन रहेको थियो।

टि-२० अन्तर्राष्ट्रिय क्रिकेटमा कोहली ३ हजार रन पुरा गर्ने विश्वकै एक मात्र क्रिकेटर हुन् जसले ९० खेलमा ५२.६५ को औशतले ३,१५९ रन बनाएका छन्।

टि-ट्वान्टी विश्वकप अक्टोबर १७ तारिख देखि ओमान र युएईमा संयुक्त रुपमा आयोजना हुनेछ जसमा कोहलीले अन्तिम पटक भारतीय टि-२० टिमको कप्तानी गर्नेछन्। भारतले विश्वकपको सुरुवात पाकिस्तानसंग अक्टोबर २४ तारिखमा खेल्दै गर्नेछ। खेलतालिका हेर्नुस





थप समाचार

T20WC : आज दुई खेल हुँदै, ४ ठूला टिम आमनेसामने हुँदै

युएईमा जारी टि-ट्वान्टी विश्वकपको सुपर-१२ चरण अन्तर्गत मंगलबार दुई खेल हुँदैछन्। समुह ‘१’ अन्तर्गत दिउँसो ३:४५ बजे दुबई अन्तर्राष्ट्रिय स्टेडियममा दक्षिण […]

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]