बिराट कोहली “आइसीसी क्रिकेटर अफ द ईयर”



  • विकेटनेपाल, माघ ४ – बिहिबार

अन्तर्राष्ट्रिय क्रिकेट परिषद् (आइसीसी) ले जारि गरेको सन् २०१७ को क्रिकेटर अफ द ईयर भारतीय क्रिकेट टिमका कप्तान विराट कोहली घोषित भएका छन् ।

सन् २०१६ सेप्टेम्बर २१ तारिख देखि सन् २०१७ को डिसेम्बर अन्तिमसम्मको प्रदर्शनलाई आधार मान्दै आईसीसीले अवार्डको घोषणा गरेको हो ।

यस्तै कोहलीले एकदिवसीय क्रिकेटर अफ द ईयर अवार्डका साथसाथै आइसीसीले जारि गरेको एकदिवसीय क्रिकेट टिम अफ द ईयर र टेस्ट क्रिकेट टिम अफ द ईयरको कप्तान समेत बनेका छन् । उनले तोकिएको समयमा एकदिवसीय क्रिकेटमा ७६.८४ को औसतमा ६ शतक सहित १८१८ रन तथा टेस्ट क्रिकेटमा ७७.८० को औसतमा ६ दोहोरो शतक सहित २२०३ रन प्रहार गरेका छन् ।

कोहलीले अहिलेसम्म ६५ टेस्ट, २०२ एकदिवसीय र ५५ टी२० क्रिकेट खेलेका छन् जसमा सबै फर्म्याटमा ५० भन्दा माथिको औसतमा क्रमश: ५४५९ रन, ९०३० रन तथा १९५६ रन बनाएका छन् ।

(Credit: @BCCI)

कोहलीले एकदिवसीय क्रिकेटर अफ द ईयरको अवार्ड सन् २०१२ मा पहिलो पल्ट पाएका थिए ।

कोहली भारतको सन् २०१४ को अस्ट्रेलिया सिरिजमा डिसेम्बर ३० मा धोनीले सन्यास लिएसँगै कप्तान बनेका थिए भने एकदिवसीय तथा टी२० मा जनवरी ६ २०१७ देखि कप्तान बनेका थिए ।

त्यस्तै अस्ट्रेलियाका कप्तान स्टिव स्मिथ भने आइसीसी टेस्ट क्रिकेटर अवार्बाट सम्मानित भएका छन् । अवार्डको लागि तोकिएको समयमा उनले टेस्ट क्रिकेटमा ७८.१२ को औसतमा १८७५ रन बनाउन ८ शतक प्रहार गरेका छन् ।

यस्तै पाकिस्तानलाई च्याम्पियन्स ट्रफी जिताउन महत्त्वपूर्ण भूमिका खेलेका हसन अलि ईमर्जिंग क्रिकेटर अफ द ईयर घोषित भएका छन् ।

हेर्नुहोस् अवार्डको सुची

क्रिकेटर अफ द ईयर: विराट कोहली
टेस्ट क्रिकेटर अफ द ईयर: स्टिव स्मिथ
एकदिवसीय क्रिकेटर अफ द ईयर: विराट कोहली
टी २० अन्तर्राष्ट्रिय पर्फर्मर अफ द ईयर: युज्बेन्द्र चाहल
ईमर्जिंग क्रिकेटर अफ द ईयर: हसन अलि
एसोसिएट प्लेयर अफ द ईयर: रशिद खान
अम्पाएर अफ द ईयर: मारिस ईरास्मस
स्पिरिट अफ द ईयर अवार्ड: अन्या श्रुब्सोले

हेर्नुहोस् एकदिवसीय क्रिकेट टिम अफ द ईयर

 

(Credit: @ICC)

हेर्नुहोस् टेस्ट क्रिकेट टिम अफ द ईयर

(Credit: @ICC)





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]