कोहलीको बिशाल शतकमा भारतको लगातार तेस्रो जित



  • विकेटनेपाल, माघ २४ – बुधबार

भारतको दक्षिण अफ्रिका भ्रमण अन्तर्गतको तेस्रो एकदिवसीय क्रिकेटमा भारतले दक्षिण अफ्रिकालाई १२४ रनले पराजित गर्दै लगातार तेस्रो जित दर्ता गरेको छ । यसअघि भएका दुई एकदिवसीयमा पनि भारतले फराकिलो जित दर्ता गरेको थियो ।

केपटाउनमा भएको खेलमा पहिले ब्याटिंग गरेको पाहुना टोलिले विराट कोहलीको बिशाल शतकसँगै ५० ओभरमा ६ विकेट गुमाएर ३०३ रनको योगफल तयार पारेको थियो ।

३०४ रनको लक्ष्य पछ्याएको दक्षिण अफ्रिकाले ४० ओभरमा मात्र १७९ रन बनाउदा सबै विकेट गुमाउन पुग्यो र १२४ रनको फराकिलो अन्तरले पराजित भयो ।

स्पिनरको अगाडी धरासायी दक्षीण अफ्रिका

हसिम अमला मात्र १ रन बनाउदै आउट भएपनि दोश्रो विकेटको लागि कप्तान एईडेन मार्क्रम र जेपि डुमिनिले ७८ रनको साझेदारी गरेका थिए । डुमिनीले ५१ रन (६७ बल, ४ चौका) र मार्क्रमले ३२ रन (४२ बल, २ चौका, १ छक्का) प्रहार गरे ।

जेपि डुमिनीले अर्धशतक प्रहार गरे

तर जव भारतका लागि स्पिनरले बलिंग सुरु गरे यसअघिका दुई खेलमा जस्तै घरेलु टिम धरासायी देखियो । युज्बेन्द्र चाहल   र कुलदीप यादवले समान ४/४ विकेट हात पारेपछि दक्षिण अफ्रिकाका लागि कुनै पनि ब्याट्सम्यानले सम्हाल्लिएर खेल्न सकेनन् ।

कुलदीपले ४ विकेट लिन ९ ओभरमा १ मेडन राख्दै २३ रन खर्चिदा चाहलले पनि समान ४ विकेट लिन ९ ओभरमा ४६ रन खर्चे । जस्प्रित बुम्राहको नाममा २ विकेट रह्यो ।

कोहलीको स्मरणीय पारि

यसअघि पहिलो विकेटको रुपमा खाता नखोल्दै पहिलो ओभरको अन्तिम बलमा रोहित शर्मालाई गुमाएको भारतको पारि कप्तान कोहली र शिखर धवनले सम्हाले । दोश्रो विकेटको लागि १४० रनको साझेदारी गर्नेक्रममा कोहलीले अविजित १६० रन (१५९ बल, १२ चौका, २ छक्का ) तथा धवनले ७६ रन (६३ बल, १२ चौका) को पारि खेलेका थिए ।

शिखर धवनले अर्धशतक प्रहार गरेपछि तारिफ गर्दै कोहली

त्यसपछि टिमको खातामा थप २० रन जोड्दै गर्दा अजिंक्या रहाणे ११ रनको व्यक्तिगत स्कोरमा आउट भए । हार्दिक पान्ड्यले १४, महेन्द्र   सिंह धोनीले १० र केदार जाधवले १ रन प्रहार गर्दै आउट भए ।

त्यसपछि आएका भुवनेश्वर कुमारले अविजित १६ रन (१९ बल, १ चौका ) बनाउदै ७ औं विकेटको लागि कोहलीसँग अविजित मिलेर ६७ रनको साझेदारी गरे ।

दक्षिण अफ्रिकाको लागि जेपि डुमिनीले २ विकेट लिन १० ओभरमा ६० रन खर्चे भने कागीसो रबाडा, क्रिस मोरिस, अन्दिले फेहलुक्क्वायो र इमरान ताहिरले समान १/१ विकेट हात पारे ।

खेलमा आफ्नो एकदिवसीय करियरको सर्बाधिक दोश्रो १६० रनको पारि खेलेका भारतीय कप्तान विराट कोहली म्यान अफ द म्याच घोषित भए ।

यस्तो छ खेल तालिका

चौथो एकदिवसीय: १० फेब्रुअरी, जोहानेसवर्गमा

पाचौं एकदिवसीय: १३ फेब्रुअरी, पोर्ट एलिजावेद

छैठौं एकदिवसीय: १६ फेब्रुअरी, सेन्चुरियन

सम्बन्धित:

दोश्रो एकदिवसीय: चाहलको स्पिन नबुझ्दा दक्षिण अफ्रीकाको घरमा इतिहासकै कमजोर ब्याटिंग

पहिलो एकदिवसीय: कोहलीको शतकमा दक्षिण अफ्रिका पराजित

 





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]