केपीएल : मध्य-पश्चिमको जितमा आकास बिस्ट उत्कृस्ट

  • विकेटनेपाल, बैशाख-१५ 

सुर्खेतमा जारि वाईवाई कर्णाली प्रिमियर लिग-२ अन्तर्गत चौथो दिनको पहिलो खेलमा मध्य-पश्चिम क्रिकेट क्लबले लालीगुराँस क्रिकेट एकेडेमीलाई ७ विकेटले पराजित गरेको छ।

खेलमा टस जितेर ब्याटिंग गरेको लालीगुराँसले २० ओभरमा ९ विकेट गुमाएर १११ रन बनाएको थियो। ११२ रनको लक्ष्य मध्य-पश्चिम क्रिकेट क्लबले ३ विकेट गुमाएर १६.१ ओभरमा पुरा गर्यो।

मध्य-पश्चिमको जितमा बलिंगमा आकास बिस्ट र अजय साहनीले ३/३ विकेट लिए। यस्तै ब्याटिंगमा सैलेन्द्र यादबले अविजित ५३ रन तथा बिशाल गुप्ताले अविजित ४५ र बनाए। सैलेन्द्रले ३५ बलमा ९ चौका र १ छक्का तथा बिशालले ४३ बलमा ५ चौका प्रहार गरे।

यस अघि लालीगुराँसको लागि ब्याटिंगमा प्रकास पटेलले सर्वाधिक ३० तथा धनुश थापाले १८ रन बनाएका थिए। स्कोरकार्ड 

खेलको प्लेयर अफ द म्याच ३ विकेट लिएका अफ स्पिनर आकास बिस्ट घोषित भए। बिस्ट नेपाली अन्डर-१९ राष्ट्रिय क्रिकेट टिमका पुर्व क्रिकेटर हुन् समेत हुन्।

समुह ‘ए’ अन्तर्गत प्रतियोगितामा दोश्रो खेल खेल्दा मध्य-पश्चिमको पहिलो जित हो। लालीगुराँसले भने ३ वटै खेलमा पराजित हुँदै प्रतियोगिताबाट बाहिरिने निश्चित भएको छ। समुहको शिर्ष स्थानमा रहेको कर्णाली-११ ले २ खेल खेल्दा २ वटैमा जित हाँसिल गरेको छ भने त्रिभुवन आर्मीले १ खेलमा जित हाँसिल गरेको छ। अंकतालिका 

खेलको फोटोहरु –