कर्णाली प्रिमियर लिग ( केपीएल ) को दोस्रो संस्करण बैशाखमा हुने

केपीएल


  • विकेटनेपाल – १९ फाल्गुन, आइतवार

कर्णाली प्रिमियर लिग ( केपीएल ) टि-ट्वान्टी राष्ट्रिय टुर्नामेन्टको दोस्रो संस्करणको आगामी बैशाखमा हुने भएको छ। प्रतियोगिता कर्णाली प्रदेशको राजधानी विरेन्द्रनगरको रंगशालामा आयोजना हुनेछ।

प्रतियोगिता आयोजकले आइतवार पत्रकार सम्मेलन गर्दै प्रतियोगिताको दोस्रो संस्करणको घोषणा गरेको हो। कर्णाली क्रिकेट एकेडेमी आयोजक रहेको प्रतियोगिता आउँदो बैशाख १२ बाट सुरुभइ बैशाख २१ गतेसम्म सञ्चालन हुने आयोजक एकेडेमीका अध्यक्ष जीवन शाहीले जानकारी दिए। कर्णाली प्रदेशबाट राष्ट्रिय खेलाडी उत्पादन गर्ने उद्देश्यका साथ प्रतियोगिता आयोजना गर्न लागिएको उनले बताए।

प्रतियोगितामा देशभरका ८ वटा क्लबहरुको सहभागिता रहने उनको भनाई छ। राष्ट्रियस्तरमा ख्याति कमाएका खेलाडीहरुको सहभागिता रहने प्रतियोगिता प्रदेशकै सर्वाधिक धनराशी हुने समेत आयोजकले बताएको छ।

१० दिनसम्म सञ्चालन हुने प्रतियोगिताको लागत ६० लाख अनुमान गरिएको छ। यस्तै खेलमा सहभागी हुने क्लबहरुले प्रत्येक टिममा २ जना विदेशी खेलाडी सहभागी गराउन समेत सक्ने छन्।

प्रतियोगितामा ८ टिमलाई २ वटा समुहमा बिभाजन गरि प्रत्येकले एक–अर्कासंग १–१ खेल खेलेपछि समुहको उत्कृष्ट दुई टिमले सेमीफाइनलमा खेल्न पाउने छन्।

लिग–कम नक–आउट आधारमा आयोजना हुने प्रतियोगिता आईसीसीको नियम अनुसार खेलाइने आयोजकले जानकारी गराएको छ। प्रतियोगितामा सहभागी हुने प्रत्येक खेलाडीको आवास र खानाको व्यवस्था आयोजकलेनै गर्ने अध्यक्ष शाहीले बताए।

यस अघि कर्णाली प्रिमियर लिगको पहिलो संस्करण बन्धु विकास बहुउद्देश्यीय सहकारी संस्थाले आयोजना गरेको थियो।

स्रोत : पूर्णबहादुर खड्का





थप समाचार

ओमान भ्रमण सकेर नेपाली टिमको स्वदेश आगमन, प्रशिक्षक व्हाटमोर फर्केनन्

आईसीसी विश्वकप लिग-२ अन्तर्गत त्रिकोणात्मक एकदिवसीय अन्तर्राष्ट्रिय सिरिजमा सहभागिता पछि ओमान पुगेको नेपाली क्रिकेट टिम मंगलबार बिहान स्वदेश आगमन गरेको […]

ओमानद्वारा अमेरिका ७२ रनले पराजित, सिरिज समाप्तिमा अंकतालिकाको अवस्था

अमेरिकालाई ७२ रनले पराजित गर्दै ओमानले आईसीसी विश्वकप लिग-२ अन्तर्गत एघारौं जित दर्ता गर्न सफल भएको छ। अल अमिरात मैदानमा […]

IPL : बैंगलोरलाई सहजै पराजित गर्दै कोलकाता पाँचौ स्थानमा उक्लियो

रोयल च्यालेन्जर्स बैंगलोरलाई ९ विकेटले पराजित गर्दै कोलकाता नाइट राईडर्सले युएईमा सुरु भएको आईपीएलको दोश्रो फेजको शानदार सुरुवात गरेको छ। […]

चक्रवर्तीले घातक बलिंग गर्दा बैंगलोर ९२ रनमै सिमित

युएईमा जारि आईपीएलको दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता नाइट राइडर्स प्रतिस्पर्धा गरिरहेका छन्। […]

ICCWCL2 : मक्सुदको अर्धशतक, ओमानद्वारा अमेरिकालाई चुनौतीपूर्ण लक्ष्य

आईसीसी विश्वकप लिग-२ अन्तर्गत ओमानमा जारी नेपाल, ओमान र अमेरिका सम्मिलित त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमान र अमेरिका […]

IPL : कोलकाता बिरुद्ध बैंगलोरले पहिले ब्याटिंग गर्ने, दुई खेलाडीले डेब्यु गर्दै

युएईमा जारी इन्डियन प्रिमियर लिगको ( आईपीएल ) दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता […]