कृष्नप्पा गोथामले आक्रामक पारि खेल्दै राजस्थानलाई जिताए



  • विकेटनेपाल, बैशाख १० – सोमबार

इन्डियन प्रिमियर लिग (आइपिएल) क्रिकेट अन्तर्गत गएराती भएको दोश्रो खेलमा राजस्थान रोयल्सले मुम्बई इन्डियन्सलाई ३ विकेटले पराजित गर्दै अंक तालिकामा सुधार गरेको छ । यस्तै हिजो नै भएको पहिलो खेलमा चेन्नाई सुपरकिंग्सले सनराइजर्स हैदराबादलाई ४ रनले पराजित गर्दै अंकतालिकाको शीर्ष स्थानमा उक्लेको छ (बिस्तृत विवरण) ।

प्रतियोगितामा ६ खेल खेलेको राजस्थानले ३ जित र समान ३ हारसँगै अंकतालिकाको पाँचौ स्थानमा उक्लेको छ भने मुम्बई इन्डियन्सले ५ खालमा १ मात्र जित दर्ता गर्दा सातौँ स्थानमा रहेको छ ।

राजस्थानको घरेलु मैदान जयपुरमा टस जितेर पहिले ब्याटिंग गरेको मुम्बईले निर्धारित २० ओभरमा ७ विकेट गुमाएर १६७ रन बनाएको थियो । खराब सुरुवात गरेको उसका ओपनर ईभान लुइस मात्र १ रनमा आउट भएपनि दोश्रो विकेटको लागि सुर्यकुमार यादवले ७२ रन र इशान किशनले ५८ रन बनाउंदै १२९ रनको साझेदारी गरेका थिए ।

त्यसपछि राजस्थानका जोफ्रा आर्चरले ३ विकेट लिन ४ ओभरमा मात्र २२ रन खर्चेपछी मुम्बईले २९ रन जोड्दा थप ६ विकेट गुमाएको थियो । मुम्बईका किरोन पोलार्डले अविजित २१ रन बनाएभने अन्य ब्याट्सम्यान चल्न सकेनन् । बलिंगतर्फ   राजस्थान  का धवल कुल्कर्नीले २ विकेट लिन ३२ रन खर्चे भने थप १ विकेट जयदेव उनाद्काटको नाममा रह्यो ।

जवाफमा १६८ रनको लक्ष्य पछ्याएको राजस्थानले कृष्नप्पा गोथामले अविजित ३३ रन बनाउन मात्र ११ बल सामना गरेपछि खेल २ बल अगावै ७ विकेट गुमाएर जितेको थियो । गोथामले ४ चौका र २ छक्का प्रहार गरे । यस्तै संजु सामसनले ५२ रन (३९ बल, ४ चौका) र बेन स्टोक्सले ४० रन (२७ बल, ३ चौका, १ छक्का) प्रहार गर्दै तेस्रो विकेटको लागि ७२ रनको साझेदारी गरेका थिए ।

बलिंगतर्फ मुम्बईका जस्प्रित बुम्राह र हार्दिक पान्ड्यले समान २/२ विकेट तथा मिचेल मेक्लेनेघन, क्रुनाल पान्ड्य र मुस्ताफिजुर रहमानले १/१ विकेट लिए । राजस्थानका जोफ्रा आर्चर म्यान अफ द म्याच घोषित भए ।





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]