रुपन्देही सुपर लिग: कृष्ण कार्कीको ४ विकेटमा शिवशक्तिको जित

Krishna Karki


फिचर फोटो: कृष्ण कार्की (फाइल)

  • विकेटनेपाल, फाल्गुन १६ – बुधबार

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगितामा लिग चरण अन्तर्गत बुधबार भएको डिभिजन ‘ए’ को समूह (ए) को खेलमा शिवशक्ति क्रिकेट क्लब भैरहवाले शंकरनगर क्रिकेट क्लब शंकरनगरलाई ३१ रनले पराजित गरेको छ ।

टस जितेर पहिला व्याटिङ गरेको शिवशक्तिले निर्धारित ५० ओभरको खेलमा ३० ओभर १ बलमा सबै विकेट गुमाई १ सय २७ रनको लक्ष्य प्रस्तुत गरेको थियो । उसका लागि सिद्धान्त अधिकारीले ३८, मनोज सुनारले ३२ र सुमन अधिकारीले १४ रन बनाए । बलिङमा शंकरनगरका अनिल खरेलले ५, धिरज शाहीले ४ र केयरसिंह भण्डारीले १ विकेट लिए ।

५ विकेट लिएका अनिल खरेललाई बल प्रदान


प्रतिउत्तरमा १ सय २८ रनको लक्ष्यसहित मैदान उत्रेको शंकरनगरले निर्धारित खेलमा २६ ओभर ३ बलमा सबै विकेट गुमाई जम्मा ९४ रन मात्रै बनायो । उसका लागि प्रकाश केसीले ३९ रन बनाए पनि अन्य ब्याट्सम्यानले दोहोरो अंक बटुल्न नसक्दा टिमले झिनो लक्ष्य पनि भेट्टाउन सकेन र हार व्यहोर्यो । बलिङमा खेलका म्यान अफ द म्याच समेत रहेका शिवशक्तिका कृष्ण कार्कीले ४ विकेट लिए । यस्तै अमरसिंह रौटेलाले ३ र हरजित सिंहले १ विकेट लिए । 


बिहीबार समूह (सि) मा रहेका होराइजन क्रिकेट क्लब बुटवल र प्रोफेसनल मास्टर्स–११ क्रिकेट क्लब भैरहवाबीच प्रतिस्पर्धा हुने छ । प्रतियोगितामा विजेता क्लबले नगद ७० हजार प्राप्त गर्ने छ भने उपविजेताले नगद ३५ हजार प्राप्त गर्ने छ । यस्तै उत्कृष्ट खेलाडीले १० हजार, बेष्ट बलर र बेष्ट ब्याट्स म्यानले नगद ५/५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् । प्रतियोगिता फागुन २६ गतेसम्म चल्ने छ ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]