काठमाडौँ मेयर कप फाल्गुन २२ गते देखि, ५ वटा टिम सहभागी हुने



काठमाडौँ महानगरपालिकाको सहयोगमा नेपाल क्रिकेट संघले आयोजना गर्ने पहिलो संस्करणको काठमाडौँ मेयर कप एकदिवसीय क्रिकेट प्रतियोगिता यही फाल्गुन २२ गते देखि सुरु हुने भएको छ।

प्रतियोगिताको लागि काठमाडौँ महानगरपालिकाले नेपाल क्रिकेट संघलाई ५० लाख रुपैयाँ उपलब्ध गराउनेछ। चैत मसान्तभित्र प्रतियोगिता आयोजना सम्पन्न गर्ने गरि नेपाल क्रिकेट संघ ( क्यान ) र काठमाडौँ महानगरपालिका बीच गत महिना सम्झौता भएको थियो।

नेपाल क्रिकेट संघले बुधबार प्रेस बिज्ञप्ति जारि गर्दै प्रतियोगिताको मिति घोषणा गरेको हो। ८ दिन चल्ने प्रतियोगिता फाल्गुन २२ गते देखि २९ गते सम्म संचालन हुने छ।

प्रतियोगिताको खेलहरु त्रिभुवन अन्तर्राष्ट्रिय क्रिकेट मैदान, किर्तिपुर र मुलपानी क्रिकेट मैदानमा आयोजना हुनेछ।

प्रतियोगितामा गत महिना काठमाडौँमा सम्पन्न प्रधानमन्त्री कप एकदिवसीय राष्ट्रिय प्रतियोगिताको सेमीफाइनलमा पुग्ने टिमहरु त्रिभुवन आर्मी क्लब, एपीएफ क्लब, नेपाल पुलिस क्लब र बागमती प्रदेशले तथा काठमाडौँ महानगरपालिका टिम गरि ५ टोलि प्रतिस्पर्धा गर्नेछन्।

काठमाडौँ महानगरपालिकाको टिममा प्रदेश-२, प्रदेश-२, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशबाट छानिएका खेलाडीहरु रहनेछन्।

प्रतियोगिता सिंगल राउण्ड रोबिन फर्म्याटमा खेलाइने बताईएको छ जस अन्तर्गत सहभागी ५ टोलिले एकअर्का संग १-१ खेल खेल्नेछन् जसपछि अंकतालिकामा उत्कृस्ट हुने दुई टिमले उपाधिको लागि खेल्नेछ। तथापी क्यानले अधिकारिक रुपमा प्रतियोगिताको फर्म्याट र खेल तालिका भने सार्वजनिक गरेको छैन।

प्रधानमन्त्री कप एकदिवसीय राष्ट्रिय प्रतियोगिताको समाप्ति पछि नेपाल क्रिकेट संघले सुरु गरेको राष्ट्रिय खेलाडीहरुको बन्द प्रशिक्षण मंगलबार समाप्त भए पछि अब खेलाडीहरुले मेयर कपको तयारी थाल्नेछन्। क्यानले खेलाडीहरुलाई बन्द प्रशिक्षणबाट बाहिर पठाईसकेको छ।

यो पनि पढ्नुस :-

आईपीएल : क्रिकेट अस्ट्रेलियाद्वारा आफ्ना खेलाडीलाई बिज्ञापनमा प्रयोगमा सिमितता

गम्भीर भन्छन् ‘सन्दिपलाई जान दिंदा दिल्लीको रिस्ट स्पिन पक्ष कमजोर’





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]