फाइनल प्रवेशका लागि काठमाडौंलाई १११ रनको लक्ष्य



तेस्रो संस्करणको धनगढी प्रिमियर लिग अन्तर्गत जारि पहिलो क्वालिफायर खेलमा सिवाइसी अत्तरियाले काठमाण्डौ गोल्डेन्सलाई १११ रनको लक्ष्य दिएको छ।

जारि खेलमा बिजयी हुने टिम सिधै फाइनलमा प्रवेश गर्नेछ भने पराजित हुने टिमले बिहिबार हुने महेन्द्रनगर र रुपन्देहीको बिजेतासँग दोश्रो क्वालिफायरमा प्रतिस्पर्धा गर्नेछ।

टस जितेर पहिले ब्याटिंग गरेको अत्तरियाले निर्धारित २० ओभरमा ८ विकेट गुमाएर ११० रनको योगफल तयार पारेको छ। अत्तरियाको लागि जयकिशन कोल्सवाला र सुबेन्दु पाण्डेले २६ रनको साझेदारी गरेका थिए। पहिलो विकेटको रुपमा आउट हुनुअघि कोल्सवालाले २० बलमा २ चौका सहित १३ रन बनाएका थिए।

राम्रो सुरुवात गरेको अत्तरियाका लागि झट्का दिनेक्रममा काठमाडौंका अंकित दबासले छैठौं ओभरको तेस्रो र चौथो लगातार दुई बलमा कोल्सवाला र रित गौतमलाई आउट गरे। गौतम गोल्डेन डक भए।

कप्तान ऐरीले सुबेन्दु पाण्डेसँग ४० रनको साझेदारी गरे। उक्त साझेदारीमा ऐरीले एघारौँ र बाह्रौं ओभरको तेस्रो र चौथो बलमा लगातार चौका प्रहार गरेका थिए। ऐरीले ३३ रन बनाउन ३४ बलमा ५ चौका हानेका थिए। लगत्तै सुबेन्दु पाण्डेपनि सुर्य तामांगको सोहि ओभरमा १६ रन बनाएर आउट भए।

१४ ओभरको समाप्तीमा ६८/४ को स्थितिबाट सन्नी पटेल र जितेन्द्र ठकुरीले ३५ रनको साझेदारी गरे। साझेदारीको क्रममा सन्नी पटेलले २ छक्का र १ चौका समेत हानेका थिए। पाचौं विकेटको रुपमा १९  औं ओबरको अन्तिम बलमा ठकुरी ६ रनको व्यक्तिगत स्कोरमा स्टम्प आउट भए। लगत्तै अन्तिम ओभरको तेस्रो बलमा बिक्रम भुसालको क्याचमा सन्नी पटेल पनि २४ बलमा आक्रामक २८ रन बनाएर पेभेलियन फर्किए।

पाचौं बलमा सन्दिप जोरा २ रन लिन खोज्दा १ रन पुरा गरेपछि व्यक्तिगत ३ रनमा रन आउट भए भने अन्तिम बलमा समेत भुवन कार्की १ रनमा रन आउट भए। कमल ऐरी कुनै बल सामना नगरी अविजित रहे।

बलिंगतर्फ काठमाडौंका लागि सुर्य तामांग (३-०-१४-२) र अंकित दबास (४-०-११-२) ले समान २/२ तथा राशिद खानले १ विकेट लिए।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]