अन्तिम ओभरसम्म पुगेको खेलमा काठमाण्डौको रोमान्चक जित

Kathmandu Goldens


धनगढीमा आजदेखि सुरु भएको तेस्रो संस्करणको धनगढी प्रिमियर लिग (डिपिएल) क्रिकेट अन्तर्गत काठमान्डौ गोल्डेन्सले धनगढी स्टार्सलाई ४ विकेटले पराजित गर्दै बिजयी सुरुवात गरेको छ।

धनगढीले दिएको १३३ रनको बिजयी लक्ष्य काठमाण्डौले एकबल अगावै ६ विकेट गुमाएर पुरा गर्यो।

काठमाण्डौको लागि गौरव तोमर र अनिल शाहले राम्रो सुरुवात दिलाएका थिए। पहिलो विकेटको रुपमा आउट हुनुअघि तोमरले २८ रनको पारि खेल्दै ६ ओभरमा ३२ रनको साझेदारी गरे।

दोश्रो विकेटको लागि भारतीय खेलाडी अंकित दबासले अनिलसँग मिलेर ५७ रनको साझेदारी गरे। दबास २३ बलमा २ चौका र त्यतिनै छक्का हान्दै २६ रन बनाएर मुस्तफाको पहिलो सिकार बनेका थिए। टिमको तेस्रो विकेटको रुपमा अनिल शाह पनि २४ रनको स्कोर बनाएर मुस्तफाकै सिकार बने।

त्यसपछि लगातार ज्ञानेन्द्र मल्ल ३ रन, सोनु तामांग २ रन, योगेन्द्र कार्की २ रन बनाएर आउट भएपछी धनगढी कुनै समय १०४/६ को स्थितिमा थियो।

टिमलाई जितको लागि अन्तिम ओभर ८ रन आबश्यक रहेको बेला बिक्रम भुसाल र मेहबुब आलम क्रिजमा थिए। सोमपाल कामिले युएईका बलर आमिर ह्यातलाई बलिंग गराएका थिए।

पहिलो बल: आलम १ रन
दोश्रो बल: बिक्रम नो रन
तेस्रो बल: बिक्रम १ रन
चौथो बल: मेहबुब २ रन
पाचौं बल: मेहबुब चौका

यो संगै सातौँ विकेटको लागि बिक्रम भुसाल र मेहबुब आलमले २.५ ओभरमा २९ रनको साझेदारी गर्दै टिमलाई जित दिलाए। बिक्रमले अविजित १४ रन तथा आलमले अविजित १२ रन बनाए। 

बलिंगतर्फ रोहन मुस्तफाले ४ विकेट लिनेक्रममा ४ ओभरमा २७ रन खर्चिए पनि जितको लागि पर्याप्त हुन सकेन। त्यस्तै अमिर ह्यात र बिपिन खत्रीले १/१ विकेट लिए।

फाप्ला क्रिकेट मैदानमा टस हारेर पहिले ब्याटिंग गरेको धनगढी स्टार्सले निर्धारित २० ओभरमा ५ विकेट गुमाएर १३२ रनको स्कोर बनायो। उसका लागि अमित श्रेष्ठले पहिलो खेलमा नै अर्धशतक प्रहार गरे।

अमित श्रेष्ठले ५० रनको पारि खेल्दै बोल्ड आउट हुनुअघि ५० बलमा ४ चौका र २ छक्का प्रहार गरे।

रोहन मुस्तफा खाता नखोल्दै रन आउट भएका थिए। धमलाले ३ रन बनाए भने सन्दिप रजाइलीले २८ रन (३५ बल, ४ चौका) को पारि खेल्दै अमितसँग तेस्रो विकेटको लागि ४८ रनको साझेदारी गरे।

त्यस्तै पवन सर्राफले १८ बलमा १ चौका सहित १९ रन बनाउँदा सौरभ खनालले उत्कृस्ट फिनिशिंग गरे। खनालले अविजित २५ रन बनाउन मात्र १० बलमा ३ चौका र १ छक्का हाने। सोमपाल कामि २ बल खेलेर बिना कुनै रन अविजित रहे।

बलिंगतर्फ काठमाण्डौका नन्दन यादवले ३ ओभरमा मात्र ८ रन खर्चेर २ विकेट लिए। त्यस्तै ललित राजबंशी र अंकित दबासले समान १/१ विकेट लिए।

खेलमा ब्याटिंग तर्फ २९ रन तथा बलिंगमा १ विकेट लिएर २१ रन खर्चिएका अंकित दबास प्लेयर अफ द म्याच घोषित भए। उनले १५ हजार रुपैया हात पारे। यस्तै उत्कृस्ट क्याच गर्ने फ़िल्डर सन्दिप रजाइली र गेम चेन्जर खेलाडी बिक्रम भुसाल घोषित भए। बिक्रमले १० बलको सामना गर्दै दबाब समयमा २ छक्का सहित १४ रन बनाएका थिए।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]