कुलदीपको गुगलीमा फस्यो इंग्ल्याण्ड



  • विकेटनेपाल, असार २० – बुधबार

भारतको ७० दिन लामो इंग्ल्याण्ड भ्रमण अन्तर्गत हिजो राति भएको पहिलो अन्तर्राष्ट्रिय टि२० खेलमा इंग्ल्याण्ड भारतसँग ८ विकेटको अन्तरले पराजित भएको छ। भारतले यसअघिका इंग्ल्याण्डमा घरेलु टिमबिरुद्द भएका ३ भिडन्तमा जित निकाल्न सकेको थिएन।

ओल्ड ट्राफोर्डमा टस हारेर पहिले ब्याटिंग गरेको इंग्ल्याण्डले निर्धारित २० ओभरमा ८ विकेट गुमाएर १५९ रनको योगफल तयार पारेको थियो। उसका लागि ओपनर जोस बट्लरले ६९ रन बनाउन ४६ बलमा ८ चौका र २ छक्का तथा जेसन रोयले ३० रन बनाउन २० बलमा ५ चौका प्रहार गर्दै पहिलो विकेटका लागि २९ बलमा ५० रनको साझेदारी गरेका थिए। मध्यक्रम ध्वस्त भएको खेलमा तल्लो क्रममा आएका डेविड विल्लीले अविजित २९ रनको आक्रामक पारि खेल्न १५ बलमा २ चौका र समान छक्का प्रहार गरे।

भारतका लागि म्यान अफ द म्याच घोषित कुलदीप यादवले ४ ओभरमा ५ विकेट लिन मात्र २४ रन खर्चे भने उमेश यादवले २ विकेट लिन मात्र २१ रन खर्चिंदै किफायती बलिंग गरे। कुलदीप यादवले घरेलु टिमलाई आफ्नो गुगलीमा नचाउनेक्रममा खेलको १४ औं ओभरमा बलिंग गर्दै सुरुवाती ४ बलमा मात्र १ विकेट खर्चेर कप्तान ईयान मोर्गान, जोन्नी बेयारिस्टो तथा टेस्ट कप्तान जोए रुटलाई आउट गरे।

जवाफमा लक्ष्य पछ्याउँदा शिखर धवनलाई पहिलो ओभरमा नै गुमाएको भारतका लागि तेस्रो नम्बरमा बढुवा गरिएका लोकेश राहुलले अविजित १०१ रनको पारी खेल्दै टि२० अन्तर्राष्ट्रियमा आफ्नो दोश्रो शतक पुरा गरे। मात्र ५४ बलको सामना गरेका उनले १० चौका र ५ छक्का प्रहार गर्दै दोश्रो विकेटका लागि रोहित शर्मासँग १२३ रन तथा तेस्रो विकेटका लागि कप्तान विराट कोहलीसँग अविजित ३३ रनको साझेदारी गरे। रोहितले ३२ रन (३० बल) तथा कोहलीले २० रन (२२ बल) बनाए।

विराट कोहलीले १९ औं ओभरको दोश्रो बलमा मोईन अलीको लेग स्टम्पको बललाई लङअनको माथिबाट छक्का प्रहार गर्दै खेल जिताएका थिए। जितसँगै भारतले ३ खेलको शृंखलामा १-० को अग्रता लिएको छ।

कुलदीप यादवले बनाएको २४ रन खर्चेर ५ विकेटको किर्तिमान भारतका लागि टि२० अन्तर्राष्ट्रिय क्रिकेटमा भुवनेश्वर कुमारकोसँगै दोश्रो उत्कृस्ट हो। यसअघि इंग्ल्याण्ड भारतमा खेल्दा युज्वेन्द्र चाहलले २५ रन खर्चेर ६ विकेट लिएका थिए। यस्तै कप्तान विराट कोहलीले ८ रन बनाएसँगै यस फर्म्याटमा सबैभन्दा छिटो २००० रन पुरा गर्ने खेलाडी बनेका छन् भने पहिलो भारतीय पुरुष क्रिकेटर बने (भारतीय महिला किकेट टिमकी कप्तान मिथाली राजले यसअघि नै यो किर्तिमान बनाएकी छिन्)।

 





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]