कुमार थापाले सनसनीपूर्ण बलिंग गर्दा प्रदेश-२ को विशाल जित



कुमार थापाले सनसनीपूर्ण बलिंग प्रदर्शन गर्दा प्रदेश-२ ले प्रदेश-१ लाई ठुलो अन्तरले पराजित गरेको छ।

प्रधानमन्त्री कप अन्तर्गत मुलपानी मैदानमा भएको खेलमा टस जितेर ब्याटिंग गर्दै प्रदेश-२ ले दिएको २६६ रनको लक्ष्य पछ्याउने क्रममा प्रदेश-१ ले १०४ रनमै सम्पूर्ण विकेट गुमाएपछि १६१ रनको हार बेहोरेको हो।

लक्ष्य पछ्याउने क्रममा प्रदेश-१ लाई सस्तोमै समेट्न प्रदेश-२ का लेग स्पिनर कुमार थापा एक्लैले ७ विकेट हात पारे। त्यस क्रममा थापाले ८ ओभरमा २ मेडन ओभर गर्दा २२ रन मात्रै खर्चिए। यस्तै दिभ्याँशु मल्लिकले २ विकेट लिए।

थापाले यस अघि कर्णाली प्रदेश संगको खेलमा पनि ३ विकेट लिएका थिए। प्रतियोगिताकै हालसम्म यो उत्कृस्ट बलिंग प्रदर्शन हो।

प्रदेश-१ को लागि मिनास थापाले सर्वाधिक ३६ र सन्नी पुनले २९ रन बनाए भने अन्य कुनै ब्याट्सम्यानले दोहोरो अंकमा रन बनाउन सकेनन्। एक समय ६६/१ ( १३.१ ओभर ) को अवस्थामा रहेको प्रदेश-१ ले बाँकी ३८ रन बनाउदा ९ विकेट गुमाउन पुग्यो।

Province-2 Team

प्रदेश-२ को ब्याटिंग 

यस अघि पहिले ब्याटिंग गर्ने क्रममा प्रदेश-२ ले ५० ओभरमा ९ विकेट गुमाएर २६५ रनको योगफल तयार गरेको थियो।

प्रदेश-२ को लागि सुरज पटेलले सर्वाधिक ७८ रन बनाए। अविजित इनिंग खेलेका उनले ७० बलमा ६ चौका र ३ छक्का प्रहार गरे। यस्तै राशिद खानले ४७ रन बनाउन आक्रामक ब्याटिंग गर्दै ३१ बलमा २ चौका र ५ छक्का प्रहार गरे। सुरज र राशिदले सातौँ विकेटको लागि ६७ रनको साझेदारी गरेका थिए।

हासिम अन्सारी, रभी शाह र बिशाल सुशलिंगले समान २० तथा मेहबुब आलमले १९ रन बनाए।

प्रदेश-१ को लागि पुष्प थापाले ३ विकेट ( ८-१-३६-३ ) , सरोज बस्नेतले २ विकेट ( ६.३-१-३७-२ ) तथा कमल खत्री, फिर्दोश अन्सारी र मुकुन्द यादबले १/१ विकेट लिए। स्कोरकार्ड 





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]