कुशल, करन र सोमपाल टि-१० लिग खेल्न छनोट



युएईमा आगामी वर्ष जनवरी २८ देखि सुरु हुने अबु धाबी टि-१० लिगको चौथो संस्करणमा तिन जना नेपाली खेलाडीहरु पनि छनोट भएका छन्।

मंगलबार राति अबुधाबीमा सम्पन्न ड्राफ्टमार्फत सोमपाल कामि, करन केसी र कुशल मल्ललाई टिमहरुले आबद्ध गरेका छन्।

एकै पटक विदेशी लिगमा तिन जना नेपाली खेलाडी छनोट भएको यो पहिलो पटक हो। यस अघि गत संस्करणको ग्लोबल टि-२० लिग क्यानडामा सोमपाल कामि र सन्दिप लामिछाने छनोट भएका थिए भने गत संस्करणको टि-१० लिगमा पारस खड्का र सन्दिप लामिछाने छनोट भएका थिए।

नेपाली टिमका दायाँ हाते फास्ट बलिंग अलराउण्डर सोमपाललाई मराठा अरबियन्सले टिममा लिएको हो। यस्तै अर्का दायाँ हाते फास्ट बलिंग अलराउण्डर करन केसीलाई पुने डेभिल्सले आबद्ध गरेको छ। अर्का राष्ट्रिय क्रिकेट टिमका देब्रे हाते आक्रामक ब्याट्सम्यान कुशल मल्ललाई टिम अबु धाबीले आबद्ध गरेको छ।

टि-१० लिगको अघिल्लो संस्करणमा सन्दिप लामिछाने र पारस खड्का सहभागी रहेका थिए। सन्दिप यो पटक बिग ब्यास लिग खेल्न अस्ट्रेलियामा हुने हुँदा लिग खेल्ने छैनन्। पारसलाई भने टिम अबु धाबीले खेलाडीको रुपमा आबद्ध नगरी सल्लाहकारको रुपमा आबद्ध गरेको छ।

पारस मेन्टर रहेको टिम अबु धाबीबाट कुशल मल्ल खेल्नेछन्। मल्ल रहेको अबुधाबीमा स्टार वेस्टइन्डिज ब्याट्सम्यान क्रिस गेल आइकन खेलाडीको रुपमा आबद्ध रहेका छन्। यस्तै टिममा क्रिस मोरिस, लुक राइट, अभिसका फर्नान्डो, हेडन वाल्स, नाजिबुल्लाह जद्रान, एलेक्स हेल्स जस्ता खेलाडीहरु पनि रहेका छन्।

करन केसी आबद्ध टिम पुने डेभिल्समा आइकन खेलाडीको रुपमा श्रीलंकाका थिसरा परेरा रहेका छन्। यस्तै टिममा मोहम्मद आमिर, स्याम बिलिंग्स, डेभन थोमस, अजन्था मेन्डीस, चमरा कपुगेद्रा जस्ता खेलाडीहरु रहेका छन्।

सोमपाल कामि आबद्ध डिफेन्डिङ च्याम्पियन टिम मराठा अरबियनसको आइकन खेलाडीको रुपमा पाकिस्तान क्रिकेटर शोयब मलिक रहेका छन्। यस्तै टिममा मोहम्मद हफिज, प्रभिन ताम्बे, तस्किन एहमद, लौरी इभान्स जस्ता खेलाडीहरु रहेका छन्।

तिन जना नेपाली खेलाडीहरु कति रकममा बिक्रि भएको खुलेको छैन।

कुशल र करन विदेशी लिग खेल्न छनोट भएको यो पहिलो पटक हो। सोमपाल कामिले यस अघि गत वर्ष ग्लोबल टि-२० लिग क्यानडा खेलेका थिए। पारस खड्का गत सिजन पहिलो पटक विदेशी लिग खेल्न छानिएका थिए जुन क्रममा अबु धाबीको प्रतिनिधित्व गरेका थिए। सन्दिपले टि-१० लिग लगायत विश्वको अधिकांश लिगहरु खेलीसकेका छन्।

नेपाली राष्ट्रिय टिमको लागि गत वर्ष जिम्बाब्वे बिरुद्ध सिंगापुर त्रिकोणात्मक सिरिजमा डेब्यु गरेका कुशल मल्ल यसै वर्ष नेपालमा सम्पन्न विश्वकप लिग-२ मा अमेरिका बिरुद्ध अर्धशतक बनाएपछि चर्चामा आएका थिए। १५ वर्ष ३४० दिनको उमेरमा अमेरिका बिरुद्ध एकदिवसीय अन्तर्राष्ट्रिय डेब्युमा अर्धशतक बनाएका मल्ल विश्वकै कान्छो उमेरका क्रिकेटर बनेका थिए।

घातक दायाँ हाते पेस बलिंग तथा तल्लो क्रममा आएर विस्फोटक ब्याटिंग गर्न सक्ने करन केसी २०१५ देखि नेपाली राष्ट्रिय टिमको लागि खेलेका छन्। तर करनलाई २०१८ को डिभिजन-२ प्रतियोगितामा क्यानडा बिरुद्ध अपत्यारिलो ब्याटिंग गर्दै नेपाललाई जित दिलाउद ४२ रनको अपत्यारिलो इनिंगको लागि चिनिने गरिन्छ।

२०१४ देखि नेपाली राष्ट्रिय टिमको प्रतिनिधित्व गरेका सोमपाल कामि पनि फास्ट बलिंग तथा भरपर्दो ब्याटिंगको लागि चिनिने गर्छन्। उनले हंगकंग बिरुद्ध २०१४ मा १० औं नम्बरमा ब्याटिंग गर्दै बनाएको ४० रन अझै पनि त्यस क्रममा टि-२० अन्तर्राष्ट्रियमा कुनै पनि ब्याट्सम्यानले बनाएको सर्वाधिक रन हो। १४० को गतिमा बलिंग गर्न सक्ने सोमपाल नेपाली क्रिकेट टिमको सबैभन्दा तिब्र गतिका बलर हुन्।

अबुधाबी टि-१० लिगमा यो सिजन अबु धाबी, मराठा अरबियन, बंग्ला टाइगर्स, डेक्कन ग्ल्याडीएटर्स, कलन्दर्स, दिल्ली बुल्स, नर्थर्न वारियर्स र पुने डेभिल्स गरि ८ टिम सहभागी रहेका छन्। गत सिजनको उपाधि मराठा अरबीयन्सले जितेको थियो।  मराठाको आइकन खेलाडी शोयब मलिक, बंगलाको इसुरु उडाना, दिल्लीको ड्वेन ब्राभो, पुनेको थिसारा परेरा, टिम अबु धाबीको क्रिस गेल, कलन्दर्सको शाहिद अफ्रिदी तथा डेक्कन ग्ल्याडीएटर्सको सुनिल नारायण रहेका छन्।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]