टि-१० लिग : डेब्युमा कुशल मल्लको राम्रो प्रदर्शन



अबुधाबी टि-१० लिग अन्तर्गत नेपाली अल-राउण्डर कुशल मल्लले डेब्यु खेलमा कलन्दर्सविरुद्ध राम्रो प्रदर्शन गरेका छन्। तिन नम्बरमा ब्याटिंग गर्न आएका कुशलले १२ बलमा समान १ चौका र १ छक्काको मद्धतमा १८ रन बनाए। लिग चरण र प्ले-अफ खेलमा मौका नपाएका कुशलले तेस्रो स्थानको लागि कलन्दर्सविरुद्धको खेलमा पहिलो पटक मौका पाएका हुन्। नियमित ओपनर क्रिस गेल र ब्याट्सम्यान जो क्लार्क टोलि बाहिर रहँदा कुशलले डेब्यु गर्न पाएका थिए।

टस हारेर पहिले ब्याटिंगको निम्तो पाएको टिम अबुधाबीले निर्धारित १० ओभरमा ६ विकेट गुमाएर १२४ रन बनाएको छ। उसको लागि नाजिबुल्लाह जर्दानले १६ बलमा सर्वाधिक ४५, ओपनर पौल स्टर्लिङले ९ बलमा २६, लिओनार्डो जूलियनले १२ बलमा १९ तथा नेपाली युवा खेलाडी कुशल मल्लले १२ बलमा १८ रन बनाए।

कलन्दर्सको बलिंगतर्फ मोहम्मद झहीद (२-०-१०-२) ले सर्वाधिक २ विकेट लिए। सोहेल तन्विर, ड्यानल अहमद, अलि खान र खुर्सिद अन्वारले समान १ विकेट लिए।


यस्तो रह्यो कुशलको प्रदर्शन :-

पौल स्टर्लिङ आउट भएपछि तेस्रो नम्बरमा ब्याटिंग गर्न आएका कुशलले जिम्मेवारीपूर्वक ब्याटिंग गर्दै १२ बलमा १८ रन बनाए। तेस्रो ओभरमा क्रिजमा आएका कुशलले पहिलो बलमै १ रन लिंदै खाता खोले। दोस्रो बल डट खाएका कुशलले तेस्रो बलमा एक रन लिए भने चौथौं बलमा लेग बाइको रुपमा १ रन बटुले। ४ बलमा २ रन बनाएर सुस्त ब्याटिंग गरेका कुशलले पाचौं बलमा २ रन तथा (अलि खानको बलिंग) छैटौं बलमा छक्का हिर्काए। सातौँ बलमा लेग बाइको रुपमा १ रन लिएका कुशलले आठौँ बलमा पनि १ रननै लिए।

एक किनारबाट विकेट गुमाएता पनि कुशलले एक किनार सम्हालेका थिए। नवौं बलमा (खुर्सिद अन्वारको बलिंगमा) चौका प्रहार गरेका कुशलले दशौँ बलमा १ रन लिए। त्यसपछि ११ वौं बलमा १ रन लिएका कुशललाई आफुले फेस गरेको १२ औं बलमा मोहम्मद झहीदले आउट पारे। उत्कृष्ट योर्कर गरेका झहीदको बलमा कुशलले डिफेन्स गर्न खोजेता पनि बोल्ड भए।

गत सिजन सन्दिप लामिछाने र पारस खड्का टि-१० लिगमा सहभागी थिए भने यो सिजन कुशल मल्ल, सोम्पाल कामी र कारन केशी खेलाडीको रुपमा तथा पारस खड्का मेन्टरको रुपमा प्रतियोगितामा सहभागी छन्।

सोम्पालले प्रतिनिधित्व गरेका मराठा अरेवियन्स तथा करन सम्मिलित पुणे डेभिल्स यसअघिनै प्रतियोगिताबाट बाहिरि सकेका छन्।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]