कुशल मल्लको नयाँ विश्वकीर्तिमान, अर्धशतक बनाउने विश्वकै कान्छो ब्याट्सम्यान



नेपाली खेलाडी कुशल मल्ल टि-ट्वान्टी अन्तर्राष्ट्रिय क्रिकेट इतिहासमै सबैभन्दा कम उमेरमा अर्धशतक बनाउने ब्याट्सम्यान बनेका छन्।

कुशलले त्रिकोणात्मक टि-ट्वान्टी सिरिज अन्तर्गत शनिवार सम्पन्न फाइनलमा नेदरल्याण्ड बिरुद्ध आफ्नो पहिलो टि-ट्वान्टी अन्तर्राष्ट्रिय अर्धशतक बनाउने क्रममा उक्त विश्वकीर्तिमान बनाएका हुन्।

१७ वर्ष ५० दिनको उमेरमा कुशलले अर्धशतक बनाएका हुन्। यस क्रममा कुशलले यस अघिको कान्छो अर्धशतक बनाउने किर्तिमान मात्र २ दिनले तोडेका छन्।

यो रेकर्ड यस अघि युगान्डाका ब्याट्सम्यान फ्रान्क आकांकवासाको नाममा रहेको थियो जसले गत वर्ष फेब्रुअरीमा कतार बिरुद्ध ६६ रन बनाउदै उक्त किर्तिमान बनाएका थिए। त्यति बेला आकांकवासाको उमेर १७ वर्ष ५२ दिन रहेको थियो।

 

नेपालको लागि दशौँ टि-२० अन्तर्राष्ट्रिय खेल्ने क्रममा कुशलले पहिलो अर्धशतक बनाएका हुन्। उनले मात्र २४ बलमा अर्धशतक पुरा गर्ने क्रममा २ चौका र ५ छक्का प्रहार गरेका थिए। उनि ५० रनमा अविजित रहे।

सन्दिप जोराको नाममा थियो रेकर्ड 

नेपालकै ब्याट्सम्यान सन्दिप जोराको नाममा पनि यो रेकर्ड एक समय रहेको थियो। जोराले २०१९ जनवरीमा युएई बिरुद्ध डेब्युमा अविजित ५३ रन बनाउने क्रममा कान्छो अर्धशतक बनाउने ब्याट्सम्यानको किर्तिमान बनाएका थिए। जोराले १७ वर्ष १०३ वर्षको उमेरमा उक्त विश्वरेकर्ड बनाएका थिए। हाल जोरा कान्छो अर्धशतक बनाउने सुचीमा तेश्रो नम्बरमा रहेका छन्।

कुशल एकदिवसीय अन्तर्राष्ट्रियमा पनि अर्धशतक बनाउने कान्छो खेलाडी 

टि-२० अन्तर्राष्ट्रियमा अर्धशतक बनाउने कान्छो खेलाडी कुशल मल्लकै नाममा एकदिवसीय अन्तर्राष्ट्रिय क्रिकेटमा अर्धशतक बनाउने कान्छो खेलाडीको किर्तिमान रहेको छ।

कुशलले गत वर्ष फेब्रुअरीमा अमेरिका बिरुद्ध आफ्नो डेब्यु एकदिवसीय अन्तर्राष्ट्रियमा ५० रन बनाउदै उक्त किर्तिमान बनाएका थिए। त्यति बेला कुशलको उमेर १५ वर्ष ३४० दिन रहेको थियो।

Kushal Malla

रोचक कुरा त के छ भने कुशलले उक्त रेकर्ड बनाउदा नेपाली खेलाडी रोहित पौडेलको रेकर्ड तोडेका थिए। रोहितले २०१९ जनवरीमा युएई बिरुद्ध अर्धशतक बनाउदै उक्त किर्तिमान बनाएका थिए। रोहितको उमेर त्यो बेला १६ वर्ष १४६ दिन रहेको थियो। रोहित अझै पनि दोश्रो स्थानमा रहेका छन्।

कुशलको नाममा सर्वाधिक स्ट्राइक रेटको रेकर्ड

नेपालको लागि १० वटा टि-२० अन्तर्राष्ट्रिय खेलेका कुशल मल्लले नेपालको सर्वाधिक स्ट्राइक रेट भएका ब्याट्सम्यानको किर्तिमान पनि आफ्नो नाम गरेका छन्।

मल्ले नेदरल्याण्डसंग फाइनलमा २०८.३३ को स्ट्राइक रेटले २४ बलमा ५० रन बनाएका थिए। १० खेलमा ८ इनिंग्समा ब्याटिंग गरेका कुशलले कुल १४९ रन बनाएका छन् जुन क्रममा उनको स्ट्राइक रेट १६५.५५ रहेको छ। कुशल पछि धेरै स्ट्राइक रेट करन केसीको रहेको छ जसले ३३ खेलको २० इनिंग्समा ब्याटिंग गर्दा १५२.०० को स्ट्राइक रेटले २२८ रन बनएका छन्। तेश्रो धेरै कुशल भुर्तेलले १३०.४० , चौथो धेरै आसिफ शेखको १३८.४० तथा पाँचौ धेरै पारस खड्काको १२८.०४ स्ट्राइक रेट रहेको छ।

यो पनि पढ्नुस 

च्याम्पियन नेपाली टिम आईसीसीको कभरमा

इतिहासकै विशाल जित दर्ता गर्दै नेपालले जित्यो त्रिकोणात्मक सिरिजको उपाधि

कुशल भुर्तेल प्रतियोगिताकै उत्कृस्ट खेलाडी , बनाए ६ ठुला किर्तिमान





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]