एसीसी महिला टि-२० : नेपालको लगातार दोश्रो जित



मलेसियामा जारि एसीसी महिला टि-ट्वान्टी च्याम्पियनसिप अन्तर्गत नेपालले लगातार दोश्रो खेलमा जित हात पारेको छ। नेपालले कुवेतलाई २५ रनले पराजित गर्यो।

क्वालालम्पुर स्थित किनरारा ओभल मैदानमा नेपालले दिएको १०८ रनको लक्ष पछ्याएको कुवेतले पुरै २० ओभर ब्याटिंग गर्दै ७ विकेट क्षतिमा ८२ रन मात्र बनायो। स्कोरकार्ड 

कुवेतको लागि ओपनर प्रियादा मुरलीले ३१, मरियम्मा हैदरले १६ तथा अम्ना तारिकले १४ रन योगदान दिए। नेपालको बलिंगमा देब्रे हाते स्पिनर सिता राना मगरले २ विकेट तथा अश्मिना कर्माचार्य, संगीता राई र इन्दु बर्माले १/१ विकेट लिए।

यस अघि टस हारेर ब्याटिंग गरेको नेपालले २० ओभरमा ४ विकेट क्षतिमा १०७ रन बनायो।

खराब सुरुवात गरेको नेपालले पहिलो ४ विकेट ४७ रन बनाउदा गुमायो। पाँचौ विकेटको लागि इन्दु बर्मा र कप्तान रुबिना क्षेत्रीले अविजित ६० रनको साझेदारी गरे। रुबिनाले २७ बलमा ४ चौका मद्दतले ३४ तथा इन्दुले ३३ बलमा २ चौका मद्दतले २८ रन बनाईन्। ज्योति पाण्डेले १५ तथा बिन्दु रावलले ११ रन बनाए।

कुवेत बलर मरीयम्मा हैदरले २ तथा मर्याम ओमर र खादिजा खलिलले १/१ विकेट लिए।

प्रतियोगिताको पहिलो खेलमा नेपालले भुटानलाई ५० रनले पराजित गरेको थियो। नेपालले तेश्रो खेल सोमबार बहराइनसंग खेल्नेछ भने चौथो खेलमा २१ तारिख हङकङसँग प्रतिस्पर्धा गर्नेछ ।

प्रतियोगिताको समुह ‘बि’ मा नेपालसंगै भुटान, कुवेत, बहराइन र हंगकंग छ भने समुह ‘ए’ मा  मलेसिया, ओमान, कतार, सिंगापुर र संयुक्त अरव इमिरेट्स (यूएई) रहेको छ । समूहका शीर्ष दुई टोली सेमिफाइनलमा प्रवेश गर्नेछन् । फाइनल पुग्ने दुई टिम महिला एसिया कप खेल्न छनोट हुनेछन्। सेमिफाइनल जुन २४ र फाइनल खेल २५ तारिख हुनेछ ।

 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]