कप्तान राहुलको अर्धशतक, पन्जाबद्वारा चेन्नाईलाई १७९ रनको लक्ष्य



युएईमा जारि आईपीएल टि-२० अन्तर्गत आइतबारको दोश्रो खेलमा चेन्नाई सुपर किंग्स र किंग्स-११ पन्जाब प्रतिस्पर्धा गरिरहेका छन्।

दुबई अन्तर्राष्ट्रिय स्टेडियममा टस जितेर ब्याटिंग गरेको पन्जाबले २० ओभरमा ४ विकेट गुमाएर १७८ रन बनाउदै चेन्नाईलाई १७९ रनको लक्ष्य दिएको छ।

पन्जाबको लागि कप्तान केएल राहुलले उत्कृस्ट फर्म कायम राख्ने क्रममा सर्वाधिक ६३ रन बनाए। उनले ५२ बलमा ७ चौका र १ छक्का प्रहार गरे। उनलाई १८ औं ओभरमा शार्दुल ठाकुरले विकेटकिपर धोनीबाट क्याच आउट गराएका थिए। राहुलले यस अघि राजस्थान बिरुद्ध ६९ तथा बैंगलोर बिरुद्ध १३२ रन बनाएका थिए।

निकोलस पुरनले १७ बलमा ३३ ( १ चौका र ३ छक्का ), मन्दिप सिंहले १६ बलमा २७ ( २ छक्का ) तथा मायाँक अग्रवालले १९ बलमा २६ ( ३ छक्का ) रन बनाए। सरफराज खान र ग्लेन म्याक्सवेलले क्रमशः अविजित १४ रन ११ रन बनाए।

राहुलले पहिलो विकेटको लागि अग्रवालसंग ६१, दोश्रो विकेटको लागि मन्दिप सिंहसंग ३३ तथा तेश्रो विकेटको लागि निकोलस पुरनसंग ५८ रनको साझेदारी गरे।

पुरन र केएल राहुलको साझेदारीले पन्जाबठूलो योगफलतर्फ अघि बढी रहेको अवस्थामा शार्दुल ठाकुरले पुरन र राहुललाई १८ औं ओभरमा लगातार आउट गर्दै चेन्नाईलाई खेलमा फर्काएका थिए।

पुरन र राहुलको विकेटपछि सरफराज खान र ग्लेन म्याक्सवेलले पाँचौ विकेटको लागि १६ बलमा अविजित २६ रनको साझेदारी गरे।

डेथ ओभरमा राम्रो बलिंग गर्ने क्रममा चेन्नाईले अन्तिम ५ ओभरमा ४८ रन खर्चेर २ विकेट हात पार्यो।

केएल राहुलको विकेट लिंदा शार्दुल ठाकुरको खुसि

चेन्नाईको बलिंगमा शार्दुल ठाकुरले सर्वाधिक २ विकेट लिए जुन क्रममा ४ ओभरमा ३९ रन खर्चिए। रभीन्द्र जडेजा ( ४-०-३०-१ ) र पियुष चावलाले ( २-०-२२-१ ) समान १ विकेट लिए। दिपक चाहर ( ३-०-१७-० ) , स्याम करन ( ३-०-३१-० ) र ड्वेन ब्राभो ( ४-०-३८-० ) विकेटविहिन रहे।

लिग अंकतालिकामा ४ खेलमा समान १ जित र ३ हार पछि २ अंक सहित पन्जाब सातौँ र चेन्नाई आठौँ स्थानमा रहेको छ।

चेन्नाई अघिल्लो खेलमा हैदरावादसंग ७ रनले पराजित भएको थियो जुन क्रममा १६५ रनको लक्ष्य पछ्याउन असफल रहेको थियो। पन्जाब मुम्बईसंग ४८ रनले पराजित हुँदा मुम्बईले दिएको १९२ रनको लक्ष्य पछ्याउने क्रममा १४३ रन मात्र बनाउन सकेको थियो।

“अन्तिममा सम्भवतः ७-८ वटा फुल टस मैले गने”- वार्नर

हैदरावादलाई पराजित गर्दै मुम्बई अंकतालिकाको शिर्षमा

कोरोनाका कारण डिपीएलको चौथो संस्करण सर्यो

‘कार्तिकको सट्टा कोलकाताको कप्तानी मोर्गनले गर्नुपर्छ’ – श्रीसंत

आईपीएलमा सट्टेबाजको सक्रियता, एक खेलाडीलाई गरियो सम्पर्क





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]