पीएसएल : सन्दिप आवद्ध लाहोरको शानदार जित



पाकिस्तान सुपर लिग अन्तर्गत आइतबार राति सम्पन्न ११ औं खेलमा नेपाली लेग स्पिनर सन्दिप लामिछाने आवद्ध लाहोर कलन्दर्सले कराची किंग्सलाई ६ विकेटले पराजित गरेको छ।

नेसनल स्टेडियम, कराचीमा सम्पन्न खेलमा कराचीले दिएको १८७ रनको लक्ष्य लाहोरले ४ बल बाँकी रहँदै पुरा गर्यो।

लक्ष्य पछ्याउने क्रममा कमजोर सुरुवात गरेको लाहोरले सुरुवात ३ विकेट ३३ रनको स्कोरमा गुमाउन पुगेको थियो। कप्तान तथा ओपनर सोहेल अख्तर र जो डेनलि पहिलो ओभरमा खत नखोली आउट भए भने मोहम्मद हफिज १५ रन बनाए चौथो ओभरमा आउट भए।

चौथो विकेटको लागि ओपनर फखर जमान र बेन डंकले शतकीय साझेदारी गर्दै टिमलाई जिततर्फ डोर्याए। ११९ रनको साझेदारी पछि १८ औं ओभरमा जमानलाई ड्यान क्रिस्टिएनले क्याच आउट गर्दै कराचीलाई खेलमा फर्काए। जमानले ५४ बलमा ८ चौका र ४ छक्का प्रहार गर्दै ८३ रन बनाए।

अन्तिम २ ओभरमा जितको लागि ३० रन आवस्यक हुँदा मोहम्मद आमिरले गरेको १९ औं ओभरमा बेन डंकले १ चौका तथा डेभिड वेसले २ चौका र १ छक्का प्रहार गरे। ओभरमा आमिरले २० रन खर्चिए पछि अन्तिम ओभरमा जित्न लाहोरलाई १० रन आवस्यक रह्यो। ड्यान क्रिस्टीएनले गरेको अन्तिम ओभरको पहिलो २ बलमा वेसले लगातार छक्का प्रहार गर्दै लाहोरलाई जित दिलाए। बेन डंकले अविजित ५७ रन बनाए जुन क्रममा ४३ बलमा ५ चौका र २ छक्का प्रहार गरे। यस्तै डेभिड वेसले ९ बलमा ३१ रन बनाउने क्रममा ३ चौका र ३ छक्का प्रहार गरे। डंक र वेसले मात्र १२ बलमा ३७ रनको साझेदारी गरे।

कराचीको बलिंगमा मोहम्मद आमिर, वाकस मक्सुद र ड्यानियल क्रिस्टिएनले समान १ विकेट लिए।

प्लेयर अफ द म्याच शाहिन अफ्रिदी

यस अघि टस हारेर ब्याटिंग गरेको कराचीले निर्धारित २० ओभरमा ९ विकेट क्षेतीमा १८६ रन बनाएको थिए।

कराचीले माथिल्लो क्रमको ३ विकेट ३७ रनको योगफलमा गुमाउन पुगेको थियो। अघिल्लो २ खेलमा अर्धशतक बनाएका बाबर आजम ५ रन, जोए क्लार्क ४ रन तथा कोलिन इन्ग्राम खाता नखोली आउट भए। चौथो विकेटको लागि ओपनर शर्जिल खानले मोहम्मद नाबीसंग ७६ रनको साझेदारी गरे। १३ औं ओभरमा शर्जिल आउट भएपछि नाबीले ड्यानियल क्रिस्टीएनसंग ४५ रनको साझेदारी गरे। नाबी १६ औं ओभरमा आउट भए।

शर्जिलले ३९ बलमा ५ चौका र ६ छक्का प्रहार गर्दै ६४ रन तथा नाबीले ३५ बलमा ४ चौका र ३ छक्का प्रहार गर्दै ५७ रन बनाए। क्रिस्टीएनले १४ बलमा ५ चौका मद्दतले २७ रन बनाए।

लाहोरको बलिंगमा पेसर शाहिन अफ्रिदीले सर्वाधिक ३ विकेट लिए जुन क्रममा ४ ओभरमा २७ रन खर्चिए। यस्तै हरिश रौफ, एहमद ड्यानियल, डेभिड वेस र समित पटेलले समान १ विकेट लिए।

जित पछि ४ खेलमा ३ जित र १ हार बेहोरेको लाहोर ६ अंक सहित अंकतालिकाको दोश्रो स्थानमा रहेको छ। समान अंक रहेता पनि पेशावर नेट रन रेटमा अघि रहँदै शिर्ष स्थानमा छ। कराची किंग्स ४ खेलमा २ जित र २ हार पछि तेश्रो स्थानमा छ। इश्लामावाद चौथो, मुल्तान पाँचौ र क्वेटा छैठौं स्थानमा रहेको छ।

सन्दिप लामिछाने आगमी खेलमा उपलब्ध हुने 

पाकिस्तान सुपर लिग खेल्न शनिवार कराची पुगेका नेपाली लेग स्पिनर सन्दिप लामिछाने लाहोरले बिहिबार खेल्ने इश्लामावाद युनाइटेड बिरुद्धको खेलको लागि उपलब्ध हुनेछन्। सन्दिप ३ दिन क्वारेन्टाइन बस्नेछन् जुन दौरान २ पटक उनको कोरोना रिपोर्ट नेगेटिभ आएमा उनि टिमसंग जोडिनेछन्। मंगलबार उनको क्वारेन्टाइन अवधि सकिनेछ। सन्दिपलाई मङ्सिरमा कोरोना संक्रमण देखिएको थियो जसबाट उनि मुक्त भएपछि बिग ब्यास लिग खेल्न अस्ट्रेलिया पुगेका थिए।

सन्दिपलाई लाहोरले अफगानिस्तानका लेग स्पिनर राशिद खानको प्रतिस्थापनमा टिममा भित्र्याएको हो। राशिद २ खेल खेलेपछि अफगानिस्तानको लागि खेल्न स्वदेश प्रस्थान गरेका थिए।

एभरेस्ट प्रिमियर लिगको नयाँ मिति सार्वजनिक

युसुफ पठानद्वारा सन्यास घोषणा, जसको नाममा छ यस्तो रोचक रेकर्ड





थप समाचार

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]

६४ वर्ष पछि फास्ट बलर बने अस्ट्रेलियाको कप्तान

टिम पेनले कप्तानी पद छाडेको एक हफ्ता पछि अस्ट्रेलियाले प्याट कमिन्सलाई टिमको नयाँ कप्तान घोषणा गरेको छ। आफ्नो महिला सहकर्मीलाई […]