राष्ट्रिय क्रिकेटर ललित भण्डारी नगद सहित सम्मानित

Lalit Bhandari


  • विकेटनेपाल, २९ – कार्तिक 

राष्ट्रिय क्रिकेट टिमका देब्रे हाते तीव्र गति बलर ललित सिंह भण्डारीलाई कन्चनपुरको शुक्लाफाँटा नगरपालिकाले नगदसहित सम्मान गरेको छ।

बुधवार शुक्लाफाँटा नगरपालिकाले प्रमुख दिलबहादुर ऐरको हातबाट ललितलाई रु. १ लाख ११ हजार १११ र समानपत्रले सम्मान गरेको हो।

राष्ट्रिय र अन्तर्राष्ट्रिय जगतमा उत्कृष्ट प्रदर्शन गर्दै खेलको माध्यमबाट नगरपालिकाको नाम उच्च राख्न सफल भएको भन्दै खेलाडी भण्डारीलाई सम्मान गरिएको ऐरले बताए। नगरप्रमुख ऐरले भने, ‘प्रतिभावान् खेलाडीको मनोबल उच्च राख्नका लागि यस्ता कार्यक्रमले सघाउ पुर्‍याउँछ।’

खेलाडी भण्डारीले सम्मान हुन पाउँदा निकै खुशी भएको बताए। खेल मैदान बनाएर प्रतिभावान् युवालाई खेलप्रतिको आकर्षण बढाउन सकिने उनले बताए।

कैलालीको धनगढीमा आयोजना गरिएको डीपीएल-२ मा भण्डारीले ‘मोस्ट भ्यालुएबल प्लेयर’ घोषित भई ‘गोल्डन बुट’ जितेका थिए। भण्डारीले सन् २०१७ देखि राष्ट्रिय क्रिकेट टोलीमा सहभागी भई क्रिकेट खेल्दै आएका छन्।

Lalit Singh Bhandari
Lalit Singh Bhandari

२०१७ डिसेम्बरको बिश्व क्रिकेट लिग च्याम्पियनसिपमा युएईसंग खेल्दै डेब्यु गरेका भण्डारी त्यसपछि नियमित रुपमा टिममा रहेका छन्।

नेपालले नेदरल्याण्डसंग यसै बर्ष अगस्टमा खेलेको एकदिवसीय सिरिज अन्तर्गत टिममा रहेका भण्डारीले नेपाल १ रनले विजयी हुँदै पहिलो एकदिवसीय अन्तर्राष्ट्रिय जित हँसिल गर्ने क्रममा २ विकेट लिएका थिए।

नेपाल पुलिस क्लबको लागि नियमित घरेलु क्रिकेट खेल्ने भण्डारीले सन् २०१३ को यु-१९ युथ एसिया कपमा नेपाली अन्डर-१९ टिमको लागि पहिलो पटक खेल्ने मौका पाएका थिए। डेब्युमा पाकिस्तानसंग २ विकेट लिएका उनले त्यस प्रतियोगितामा कुल ३ खेलमा ५ विकेट लिंदै प्रभावित बनाएका थिए।

( फोटो – पहिलोपोस्ट )





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]