ललित सिंह भण्डारी उत्कृष्ट : फाइनल समिकरण पुरा ( एसएसपी कप )



विकेटनेपाल
– चितवन, पुष २५ 

चौथो क्याची एसएसपी कपमा साविक बिजेता भरतपुरको ग्रेस वीरेन्द्रलाई १३ रनले पाखा लगाउदै साविक उप–बिजेता काठमान्डौको हर्टल्याण्ड कलेज फाइनलमा प्रवेश गरेको छ । यससंगै हर्टल्याण्डले गतवर्षको फाइनल व्यहोरेको हारको बदला लिन सफल भएको छ ।

विशाल चोकस्थित नौ बिगाहा मैदानमा टस हारेर ब्याटिङको निम्तो पाएको हर्टल्याण्डले २० ओभरमा ८ विकेटको क्षतिमा १ सय १२ रनको योगफल तयार पारेको थियोे । हर्टल्याण्डको लागि पदम केसीले सर्वाधिक ४९ रन बनाए । ५८ बल खेलेका उनले १ छक्का र ४ चौका हिर्काए । त्यस्तै यज्ञमान कुमालले १९ रन जोडे ।

बलिङतर्फ वीरेन्द्रका प्रदीप ऐरी, ललित राजवंशी र करन केसीले २/२ विकेट लिए ।

१ सय १२ रनको विजय लक्ष्य लिएर जवाफी ब्याटिङ गरेको वीरेन्द्र १७ दशमलव १ ओभरमा सबै विकेट गुमाएर १०० रनमा रोकियो । हर्टल्याण्डलाई जिताउन यज्ञमान कुमाल र दिनेश आग्रीले ३/३ विकेट लिए । अलराउण्ड प्रदर्शन गरेका यज्ञमान कुमाल खेलको म्यान अफ द म्याच बने ।

यसैगरी सेमिफाइनलको अर्को खेलमा क्यापिटल कलेजले रामपुरको कृषि तथा वन विश्वविद्यालयलाई ६ विकेट हराउदै फाइनल प्रवेश गर्यो ।

टस जितेर ब्याटिङ राजेको रामपुरले १९ दशमलव २ ओभरमा अलआउट हुदै ६६ रनमा समेटियो । सम्हालिन नसकेको रामपुरका लागि सनम बुढाथोकीले १६ र अभिनव कुमार यादवले १२ रन बनाएका थिए । अन्य खेलाडीले दोहोरो अंकमा रन बनाउन सकेनन् । बलिङतर्फ ललित सिंह भण्डारीले ४ र दिपेन्द्र ऐरीले २ विकेट लिए ।

६७ रनको झिनो लक्ष्य पछ्याएको क्यापिटल कलेजले ६ ओभरमा ४ विकेट गुमाएर जित निकालेको हो । क्यापिटलको जितमा अमर सिंह रटौलाले १६ रन बनाएका थिए । ९ बल खेलेका उनले १ छक्का र २ चौका प्रहार गरेका हुन् । उत्कृष्ट बलिङ गरेका ललित सिंह भण्डारी खेलका म्यान अफ द म्याच घोषित भए ।

त्यस्तै आजनै एक कार्यक्रमकाबिच नेपाली राष्ट्रिय टोलीका विकेट किपर सुवास खकुरेल र पुर्व अन्डर १९ का खेलाडी प्रेम तामाङलाई सम्मान गरिएको थियो । चौथो क्याची शिव पौडेल स्मृति कप २०७३ को फाइनल खेल माघ ६ गते हुनेछ । १२ टोली सहभागी प्रतियोगिताको मुख्य प्रायोजक क्याची एजुकेशन कन्सल्टेन्सी हो ।





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]