ललितपुरद्वारा पोखरा पराजित, ईलिमिनेटरमा पुनः भिड्ने



  • विकेटनेपाल, पौष ११ – मंगलबार

एभरेस्ट प्रिमियर लिग अनतर्गत लिग चरणको अन्तिम खेलमा ललितपुर प्याट्रीयट्सले पोखरा राइनोजलाई अन्तिम बलमा ६ विकेटले पराजित गरेको छ । यो  सँगै ५ खेलबाट समान ४ अंक बटुल्दै अंकतालिकामा तेस्रो र चौथो स्थानमा रहदै प्ले-अफको यात्रा गरेका छन् । दुवै टोलि भोलि हुने ईलिमिनेटरमा एक अर्का बिरुद्द पुनः प्रतिस्पर्धा गर्ने छन् ।

|| स्कोरकार्ड ||

यसअघि बिराटनगरले लिग चरणका सम्पूर्ण खेलहरु जित्दै तथा भैरहवाले एक खेलमात्र हार्दै प्ले-अफमा आफ्नो स्थान सुरक्षित गरेका छन्। पहिलो क्वालिफायर भैरहवा र बिराटनगरबीच भोलि बिहान हुनेछ।

आज भएको दोश्रो खेलमा ललितपुर प्याट्रीयट्सले पोखरा राइनोज दिएको १३३ रनको लक्ष्य मात्र ४ विकेट गुमाएर अन्तिम बलमा पुरा गरेको थियो । उसका लागि   जयकिशन कोल्सावालाले अर्धशतक प्रहार गर्ने क्रममा ५६ रन बनाए । ४५ बल खेलेका उनले ३ छक्का र ४ चौका प्रहार गर्दै पहिलो विकेटको लागि शंकर रानासँग मिलेर ८४ रनको साझेदारी गरे । शंकर रानाले ३५ रन बनाउन ३९ बलमा ५ चौका प्रहार गरे ।

कोल्सावाला र शंकर रानाले पहिलो विकेटको लागि ८४ रनको साझेदारी गरेका थिए

त्यसपछि आएका कुशल भुर्तेलले ४ बलमा १ चौका सहित मात्र ५ रन बनाउदै पेभेलियनको यात्रा गरे । दिपेश भण्डारीले पनि १४ बलमा ८ रन मात्र बनाउन सके । कप्तान ज्ञानेन्द्र मल्ल १७ बलमा २७ रन मा अविजित रहे, उनले जितका लागि अन्तिम बलमा एक रन आबश्यक रहेको अवस्थामा छक्का प्रहार गर्दै खेल जिताए ।

पोखराको लागि बलिंगतर्फ इस्रार उल्लाहले २६ रन खर्चेर २ विकेट लिदा शक्ति गौचन र सुशन भारीले १/१ विकेट लिए ।

म्यान अफ द म्याच जयकिशन कोल्सावालाले अर्धशतक प्रहार गरेका थिए

यसअघि पहिले ब्याटिंग गरेको पोखराले ओपनर सुनिल धमलाले अविजित ७० रनको पारि खेलेपछि २० ओभरमा ५ विकेट गुमाएर १३२ रनको योगफल तयार पारेको थियो । धमलाले नेपाली ब्याट्सम्यानको प्रतियोगितामा सर्बाधिक रन बनाउने क्रममा ६२ बलमा ५ छक्का र २ चौका प्रहार गरे । त्यस्तै राजेश पुलामी मगरले ३१ रन बनाउन ३२ बलमा १ छक्क र २ चौका प्रहार गर्दा बिनोद भण्डारीले पनि १२ रन बनाउन ७ बलमा २ चौका प्रहार गरे । अन्य ब्याट्सम्यानले दोहोरो अंक छुन नसकेको अवस्थामा १० रन अतिरिक्त पायो ।

बलिंगतर्फ ललितपुरका लागि दिपेश भण्डारी, रसिद खान, ललित राजबंशी र सन्दिप लामिछानेले समान १/१ विकेट हातपारे ।

अर्धसतक प्रहार गर्दै ललितपुरलाई राम्रो सुरुवात दिलाएका जयकिशन कोल्सावाला म्यान अफ द म्याच घोषित भए ।

राजेश पुलामी र सुनिल धमलाले अर्धशतक साझेदारी गरेका थिए

नेपाली क्रिकेटको लागि खेलाडी, प्रशिक्षक तथा अम्पायरको रुपमा लामो समयदेखि योगदान दिएका श्रीष उपाध्यायलाई नगद रु २५,००० र मायाको चिनोले सम्मान गर्दै लाइफ टाइम अचिभमेन्ट अवार्डले प्रदान गरिएको छ ।





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]