ललितपुर मेयर महिला टि-२० : सुदूरपश्चिमद्वारा मेयर्स-११ पराजित



पहिलो संस्करणको ललितपुर मेयर महिला च्याम्पियनसिप टि-२० प्रतियोगिता अन्तर्गत पहिलो दिन सम्पन्न दोश्रो खेलमा सुदूरपश्चिम प्रदेशले ललितपुर मेयर्स-११ लाई ७ विकेटले पराजित गर्दै विजयी सुरुवात गरेको छ।

टियु मैदान किर्तिपुरमा समपन्न खेलमा मेयर्स-११ ले दिएको १०८ रनको लक्ष्य सुदूरपश्चिमले ३ विकेट गुमाएर १९ ओभरमा भेटायो। स्कोरकार्ड, अंकतालिका

सुदूरपश्चिमको ब्याटिंगमा ओपनर मंजु बोकटिले सर्वाधिक ४१ रन योगदान दिईन्। डली भट्टले २२ रन, रेवती धामीले १८ रन तथा कविता जोशीले अविजित १० रन योगदान दिए। पहिलो विकेटको लागि मंजु र रेवतीले ५२ रनको साझेदारी गरेका थिए।

मेयर्स-११ को बलिंगमा सुमन खतिवडा र आरति बिडारीले समान १ विकेट हात पारे।

Kanchan Shrestha

यस अघि टस जितेर ब्याटिंग गरेको ललितपुर मेयर्स-११ ले निर्धारित २० ओभरमा ५ विकेट क्षेतीमा १०७ रन बनाएको थियो।

मेयर्स-११ को लागि तेश्रो नम्बरमा ब्याटिंग गरेकी कन्चन श्रेष्ठले सर्वाधिक ६३ रन योगदान दिईन्। करियरकै पहिलो अर्धशतक बनाउने क्रममा उनले ५६ बलमा ८ चौका प्रहार गरिन्। सुमन खतिवडाले १६ तथा अस्मिना कर्माचार्यले १३ रन योगदान दिईन्। कन्चनले पाँचौ विकेटको लागि अस्मिनासंग ६२ रनको साझेदारी गरेकी थिईन्।

सुदूरपश्चिमको बलिंगमा कविता कुँवर, ऋतु कनौजिया र सम्झना खड्काले समान १ विकेट हात पारिन्।

प्रतियोगिता अन्तर्गत शनिवारनै सम्पन्न पहिलो खेलए विभागीय टोलि शशस्त्र प्रहरी बल ( एपीएफ ) ले प्रदेश नम्बर-१ लाई ८ विकेटले परजित गर्दै विजयी सुरुवात गरेको थियो।

प्रतियोगिता अन्तर्गत आइतबार दुईवटा खेल खेलिनेछन्। बिहान ९ बजे सुरु हुने पहिलो खेलमा एपीएफ र सुदूरपश्चिम प्रदेश तथा १ बजे सुरु हुने दोश्रो खेलमा ललितपुर मेयर्स-११ र लुम्बिनी प्रदेशले प्रतिस्पर्धा गर्नेछन्। दुवै खेल टियु मैदान किर्तिपुरमा खेलिनेछ।

ललितपुर महानगरपालिकाको आर्थिक सहयोग र नेपाल क्रिकेट संघको आयोजनामा जारि प्रतियोगितामा प्रदेश नम्बर-१, शशस्त्र प्रहरी बल ( एपिएफ ), सुदूरपश्चिम प्रदेश, लुम्बिनी प्रदेश र ललितपुर मेयर्स-११ गरि पाँच टिमको सहभागिता रहेको छ।

सम्बन्धित 

ललितपुर मेयर महिला टि-२० : एपीएफको जितमा सिताको अर्धशतक

बाबर प्रेरित पाकिस्तानको रोमान्चक जित

यो सिजन आईपीएल गुमाउने ४ स्टार खेलाडी





थप समाचार

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]

६४ वर्ष पछि फास्ट बलर बने अस्ट्रेलियाको कप्तान

टिम पेनले कप्तानी पद छाडेको एक हफ्ता पछि अस्ट्रेलियाले प्याट कमिन्सलाई टिमको नयाँ कप्तान घोषणा गरेको छ। आफ्नो महिला सहकर्मीलाई […]