लाराद्वारा पन्जाब कप्तान केएल राहुलको तारिफ



महान वेस्टइन्डिज ब्याट्सम्यान ब्रायन लाराले भारतीय ब्याट्सम्यान तथा आईपीएल टिम किंग्स-११ पन्जाबका कप्तान केएल राहुलको ठूलो तारिफ गरेका छन्। लाराले राहुलको ब्याटिंगबाट प्रभावित हुँदै उनलाई आफ्नो टेस्ट, वानडे र टि-२० गरि तिन वटै फर्म्याटको क्रिकेटमा स्थान दिन लायक क्रिकेटर मानेका हुन्।

राहुलले जारी आईपीएलमा लगातार ३ सिजन ५ सय भन्दा बढी रन बनाउने पहिलो भारतीय खेलाडीको कीर्तिमान कायम गरेका छन्। राहुल जारि सिजन १० खेलमा ५४० रन बनाउदै सर्वाधिक रनकर्ता समेत हुन् जसले ६७.५० को औशत र १३५.६७ को स्ट्राइक रेटमा १ शतक र ५ अर्धशतक प्रहार गरिसकेका छन्। यस क्रममा उनले बैंगलोर बिरुद्ध बनाएको १३२ रन जारि सिजनकै व्यक्तिगत उच्च योगफल समेत हो।

“उनि मेरो टेस्ट ब्याट्सम्यान हुन्, उनि मेरो ५० ओभर ब्याट्सम्यान हुन् र उनि मेरो टि-२० ब्याट्सम्यान हुन्।” लाराले स्टार स्पोर्ट्ससंग कुराकानीमा बताए।

“एउटा कप्तानको रुपमा उनले राम्रो गरेका छन्। उनको ब्याटिंग मलाई अत्यन्त मन पर्छ। उनले कप्तानी र ब्याटिंगलाई राम्रोसंग अघि बढाएका छन्। हो उनले खेल अन्त्य गर्न सकीरहेका थिएनन् तर अहिले त्यो कुरामा पनि उनले सुधार गरिसकेका छन्।” लाराले थपे। राहुलले मुम्बई बिरुद्ध सुपर ओभरमा जित दर्ता गर्ने क्रममा ५१ बलमा ७७ रनको उत्कृस्ट इनिंग खेलेका थिए। त्यसपछि लाराले राहुलको तारिफ गरेका हुन्।

लाराले राहुलको तारिफ गरेको यो पहिलो पटक हैन। यस अघि पनि उनले राहुलको ब्याटिंग टेक्निकको तारिफ गर्दै प्रिय ब्याट्सम्यान बताएका थिए।

“मलाई उनि मन पर्छ। उनिसंग गजबको कला र स्टाइल छ तथा आक्रामक पनि छन्। मलाई उनले ब्याटिंग गरेको हेर्न मन पर्छ। म प्रत्येक दिन उनको ब्याटिंग हेर्न सक्छु। उनि उत्कृस्ट मनोरञ्जन दिने गर्छन्।” लाराले आईपीएल सुरु हुनु अघि एक अन्तर्वार्तामा बताएका थिए।

भारतको लागि ३६ टेस्ट, ३२ वानडे र ४१ टि-२० खेलीसकेका राहुलले क्रमशः २००६, १,२३९ तथा १,४६१ रन बनाएका छन्। उनले तिन वटै फर्म्याटमा गरि ११ शतक प्रहार गरिसकेका छन्। आईपीएल करियरमा राहुलले ७७ खेलमा ४५.७६ को औशतले १,८२९ रन बनाएका छन् जुन क्रममा २ शतक र २१ अर्धशतक प्रहार गरिसकेका छन्।

दिल्ली कप्तान ऐयरले बताए पन्जाबसंग हारको कारण

हारका बाबजुद कीर्तिमानी ब्याट्सम्यान धवन बने ‘प्लेयर अफ द म्याच’

दिल्लीलाई पराजित गर्दै पन्जाब पाँचौ स्थानमा उक्लियो

भारतले अनुमति नदिंदा मुख्य प्रशिक्षक राजपुत बिनै पाकिस्तान पुग्यो जिम्बाब्वे क्रिकेट टिम





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]