विश्वकप लिग -२ : लगातार चौध हार पछि पपुवा न्यु गिनीको पहिलो जित



युएईलाई ६ विकेटले पराजित गर्दै पपुवा न्यु गिनीले आईसीसी विश्वकप लिग-२ मा पहिलो जित दर्ता गरेको छ।

लगातार चौध खेलमा हार पछि पन्ध्रौँ खेलमा पपुवा न्यु गिनीले पहिलो जित दर्ता गरेको हो। सिरिजको पहिलो खेलमा पपुवा न्यु गिनी युएईसंग ७ विकेटले तथा नेपालसंग २ विकेटले पराजित भएको थियो।

दुबई अन्तर्राष्ट्रिय स्टेडियममा सम्पन्न खेलमा युएईले दिएको १४८ रनको लक्ष्य पपुवा न्यु गिनीले ४ विकेट क्षेतीमा ३६.२ ओभरमा भेटायो।

पपुवा न्यु गिनीको जितमा कप्तान असद भालाले सर्वाधिक ६८ रन बनाए जुन क्रममा उनले अविजित रहँदै ९७ बलमा ६ चौका प्रहार गरे। यस्तै चार्ल्स अमिनीले ३६ रन बनाए। भाला र अमिनीले तेश्रो विकेटको लागि ७१ रनको साझेदारी गर्दै जितको आधार तयार गरे।

टस जितेर ब्याटिंग गरेको युएईले ५० ओभरमा १४७ रनमा सम्पूर्ण विकेट गुमाएको थियो।

१६ रनमै ५ विकेट गुमाएको युएईको इनिंग्स रोहन मुस्तफाले उकासेका थिए। मुस्तफाले बसिल हमिदसंग छैठौं विकेटको लागि ४२ रनको साझेदारी गरे। त्यसपछि पुनः लगातार विकेट गुमाएको युएई ७७/९ को अवस्थामा पुग्यो। दशौँ विकेटको लागि मुस्तफाले जहुर खानसंग ७० रनको साझेदारी गरे। एकदिवसीय क्रिकेट इतिहासमै दशौँ विकेटको लागि यो आठौँ उच्च साझेदारी हो।

१४४ बलमा ११ चौका र १ छक्का मद्दतले ८८ रन बनाएका मुस्तफा अन्तिम बलमा आउट भए। बसिल हमिदले २० रन बनाए।

पपुवा न्यु गिनीका बलर अले नाओले ४ विकेट, चाड सोपरले ३ विकेट तथा राइली हेकुरेले २ विकेट लिए।

सिरिज अन्तर्गत पाँचौ खेल नेपाल र युएई बीच मार्च २१ तथा छैठौं खेल पपुवा न्यु गिनी र नेपाल बीच मार्च २२ तारिखमा हुनेछ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]