लक्ष्मीले लिईन् ह्याट्रिक विकेट, सुदूरपश्चिमसंग प्रदेश-१ पराजित



प्रदेश नम्बर-१ लाई ४० रनले पराजित गर्दै सुदुरपश्चिम प्रदेशले ललितपुर मेयर्स महिला च्याम्पियनसिपमा दोश्रो जित दर्ता गरेको छ। पहिलो खेलमा ललितपुर मेयर्स-११ लाई ७ विकेटले पराजित गरेको सुदूरपश्चिम दोश्रो खेलमा एपीएफसंग ३७ रनले पराजित भएको थियो। जित पछि सुदूरपश्चिम अंकतालिकाको दोश्रो स्थानमा उक्लदै फाइनल पुग्ने सम्भावना बलियो बनाएको छ।

टियु मैदान किर्तिपुरमा सम्पन्न खेलमा सुदूरपश्चिमले दिएको १३० रनको लक्ष्य पछ्याउने क्रममा प्रदेश नम्बर-१ ले १८.५ ओभरमा ८९ रनमै सम्पूर्ण विकेट गुमाउन पुग्यो। स्कोरकार्ड, अंकतालिका 

प्रदेश नम्बर-१ को लागि कप्तान रुबिना क्षेत्रीले सर्वाधिक २७ रन, अप्सरी बेगमले २२ रन, संगीता राईले १३ रन तथा निग्मा तामांगले १० रन योगदान दिईन्।

सुदूरपश्चिमको बलिंगमा लेग स्पिनर लक्ष्मी साउदले ह्याट्रिक विकेट सहित सर्वाधिक ४ विकेट हात पारिन्। साउदले ३.५ ओभरमा १९ रन खर्चिन्। कविता कुँवरले २ तथा सुनिता लुहारले १ विकेट लिईन्।

इनिंग्सको १९ औं ओभरमा बलिंग गर्ने क्रममा लक्ष्मीले तेश्रो, चौथो र पाँचौ बलमा विकेट लिंदै ह्याट्रिक पुरा गरेकी थिईन्। यस क्रममा उनले सबनम राईलाई रितु कनोजियाबाट क्याच आउट, स्मृति कटुवाललाई एलबिडब्लु तथा ह्याट्रिक पुरा गर्ने क्रम मा ज्योति दनुवारलाई कविता कुँवरबाट क्याच आउट गरिन्।

यस अघि टस जितेर ब्याटिंग रोजेको सुदुरपश्चिमले २० ओभरमा ४ विकेट गुमाएर १२९ रन बनाएको थियो।

सुदूरपश्चिमको लागि बिन्दु रावलले सर्वाधिक ५२ रन बनाईन् जुन क्रममा ५८ बलमा ४ चौका प्रहार गरिन्। रेवती धामीले ३० रन तथा कविता जोशीले २१ रन योगदान दिईन्।

Bindu Rawal

प्रदेश नम्बर-१ को बलिंगमा सबनम राईले २ विकेट तथा ज्योति दनवारले १ विकेट लिए।

मंगलबारनै सम्पन्न पहिलो खेलमा एपीएफले ललितपुर मेयर्स-११ लाई पराजित गर्दै फाइनलमा स्थान पक्का गरिसकेको छ।

प्रतियोगितामा प्रदेश नम्बर-१, शशस्त्र प्रहरी बल ( एपिएफ ), सुदूरपश्चिम प्रदेश, लुम्बिनी प्रदेश र ललितपुर मेयर्स-११ गरि पाँच टिमको सहभागिता रहेका छन्। लिग चरणमा सबै टिमले एकअर्का बिरुद्ध खेलेपछि अंकतालिकामा उत्कृस्ट हुने दुई टिम फाइनल प्रवेश गर्नेछन्।

धेरैले पढेको 

IPL : बैंगलोरबाट ओपनिंग गर्न सक्छन् यी युवा खेलाडी

एपीएफ ललितपुर मेयर्स महिला च्याम्पियनसिपको फाइनलमा

फखर जमानको विश्व कीर्तिमानी इनिंग्सका बाबजुद पाकिस्तान पराजित





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]