नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

Lokesh Bam


युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख देखि ओमानमा आयोजना हुने टि-२० विश्वकप ग्लोबल छनोट प्रतियोगिताको लागि नेपाल क्रिकेट संघ ( क्यान ) ले घोषित गरेको टिममा दुई युवा क्रिकेटरले मौका पाएका हुन्। बिबेक र लोकेश दुवै आक्रामक स्वभावका ब्याट्सम्यान हुन्। प्रधानमन्त्री कप टि-२० राष्ट्रिय प्रतियोगितामा लोकेशले नेपाल एपीएफ क्लबको तथा बिबेकले प्रदेश-२ को प्रतिनिधित्व गरेका थिए। दुई खेलाडी मध्ये लोकेश बमलाई नजिकबाट चिनाउने प्रयास यो लेखमा गरेका छौँ –

को हुन् लोकेश बम

नेपाली क्रिकेटमा अहिलेसम्मकै आक्रामक ब्याट्सम्यान मध्ये चिनिएका लोकेशले राष्ट्रिय टिममा बिनोद भण्डारी जस्ता खेलाडीलाई प्रतिस्थापन गर्दै स्थान बनाएका छन्। दायाँ हाते ब्याट्सम्यान पावरप्ले अथवा जुन सुकै स्थानमा ब्याटिंग गर्दै आक्रामक ब्याटिंग गरि खेल जिताउने क्षमता राख्ने गर्छन्।

प्रधानमन्त्री कपमा लोकेशले दुई वटा अर्धशतक बनाएका थिए। उनले सेमीफाइनलमा आर्मी बिरुद्ध नेपाली घरेलु टि-२० इतिहासकै छिटो १४ बलमै अर्धशतक प्रहार गरेका थिए जुन क्रममा मात्र १८ बलमा २ चौका र ९ छक्का मद्दतले ६६ रन बनाएका थिए। उक्त इनिंग्समा उनले उत्कृस्ट लयमा रहेका आर्मीका पेसर जितेन्द्र मुखियालाई ६ वटा छक्का प्रहार गरेका थिए।

यस्तै लोकेशले प्रधानमन्त्री कप टि-२० मा बागमती प्रदेश बिरुद्ध २१ बलमा अर्धशतक बनाएका थिए र २४ बलमा १० चौका र १ छक्का मद्दतले ५० रन बनाएका थिए। त्यस क्रममा उनले रामनरेश गिरिको एकै ओभरमा ५ चौका र १ छक्का प्रहार गरेका थिए।

लोकेशले यस अघि नेपाली अन्डर-१९ राष्ट्रिय टिमको लागि खेलीसकेका छन्। सन् २०१८ मा भारतको लखनउमा आयोजित त्रिकोणात्मक सिरिजमा उनले पहिलो पटक युवा राष्ट्रिय टिममा मौका पाएका थिए। उनले उक्त सिरिजमा अफगानिस्तान यु-१९ बिरुद्ध दुई खेलमा मौका पाउदा १६ र २५ रन बनाएका थिए। त्यस अघि उनले २०१७ को धनगढी प्रिमियर लिग अघि खेलिएको नेपाल-११ र धनगढी-११ बीचको खेलमा धनगढी-११ टिमको प्रतिनिधित्व गरेका थिए। उक्त खेलमा उनले अविजित १० रन बनाउदा ७ बलमा २ चौका प्रहार गरेका थिए।

२०१७ मा धनगढी-११ को प्रतिनिधित्व गर्दै लोकेश बमले नेपाल-११ बिरुद्ध खेलेका थिए

धनगढीका लोकेशको आक्रामक ब्याटिंग क्षमताको पहिलो परिचय २०१९ मा आयोजित पोखरा प्रिमियर लिगमा भएको थियो। उक्त प्रतियोगितामा उनले बिराटनगर टाईटन्सको प्रतिनिधित्व गरेका थिए। उक्त प्रतियोगितामा पारस खड्का कप्तानीको चितवन राइनोज बिरुद्ध उनले मात्र ३६ बलमा ५ चौका र ५ छक्का मद्दतले ६२ रन बनाएका थिए। उक्त खेलमा उनले करन केसी, बिक्रम सोब, रोहन मुस्तफा, पारस खड्का जस्ता बलर बिरुद्ध आक्रामक सटहरु प्रहार गरेका थिए।

गत वर्ष प्रधानमन्त्री कप एकदिवसीय राष्ट्रिय प्रतियोगितामा लोकेशले आर्मीको प्रतिनिधित्व गर्दै ६ खेलमा १२७ रन बनाएका थिए जुन क्रममा उनको स्ट्राइक रेट ११३.३९ थियो। उक्त प्रतियोगितामा सय रन भन्दा बढी रन बनाउने ब्याट्सम्यानमा १०० माथिको स्ट्राइक रेट भएका लोकेश मात्र तेश्रो ब्याट्सम्यान थिए। उनि गत वर्ष नेदरल्याण्ड र मलेसियासंग खेलिएको त्रिकोणात्मक टि-२० सिरिजमा समेत प्रारम्भिक टिममा थिए। यस्तै उनि गत वर्ष विश्वकप लिग-२ को ओमान र अमेरिकासंग फेब्रुअरीमा हुने भनिएको सिरिजमा समेत प्रारम्भिक २४ सदस्यीय टिममा थिए तर उक्त प्रतियोगितानै कोरोनाका कारण स्थगित भएको थियो।

दिपेन्द्र चौधरीले चिनेको प्रतिभा

धनगढी क्रिकेट एकेडेमीमा २०१५ देखि क्रिकेट प्रशिक्षण सुरु गरेका लोकेशको ब्याटिंग प्रतिभा सबैभन्दा पहिले पूर्व राष्ट्रिय क्रिकेटर दिपेन्द्र चौधरीले चिनेका थिए। एकेडेमीमा नेटमा अभ्यास गर्दै गर्दा चौधरीले उनको ब्याटिंग देखेपछि अन्य खेलाडीलाई उनि बारे सोधेका थिए। त्यसपछि चौधरीले उनलाई माथिल्लो स्तरमा खेल्न सक्ने विश्वास देखाएका थिए। दिपेन्द्रलेनै उनलाई यु-१९ राष्ट्रिय टिममा स्थान दिलाउन महत्वपूर्ण भूमिका निभाएका थिए।

उनि त्यसपछि दिल्लीमा क्रिकेट सिक्न समेत पुगे। दिल्लीमा उनको आन्टि बसोबास गर्ने गर्थे। आन्टिकोमा बसेर उनले दिल्लीको एमआरीबि स्कुल स्थित द्वारिका क्रिकेट एकेडेमीमा तिन महिना क्रिकेट सिके। दिल्लीमा गरेको अभ्यासले उनलाई निकै सहयोग गर्यो।

पछिल्लो प्रधानमन्त्री कप टि-२० राष्ट्रिय प्रतियोगिता त्रिभुवन आर्मी क्लबको लागि खेलेका उनले यो वर्ष आर्मी छाडेर एपीएफको लागि खेल्ने निर्णय गरेका थिए। आर्मीमा रहन ९ महिना ट्रेनिंग गर्नु पर्ने भएपछि उनले आर्मी छाड्ने निर्णय गरे। आर्मीमा जाँदा सुरुवातमा तिन महिना अभ्यास गरे पुग्ने बताइएको भएता पनि पछि खेल छोडेर लामो अभ्यास गर्नु पर्ने हुँदा उनले उक्त निर्णय लिएका थिए। लामो समय अभ्यास गर्दा करियरमा असर पुग्ने उनले सोचेका थिए। उनको उक्त निर्णय सहि सावित हुन पुग्यो र शरद भेसावकर कप्तानीको एपीएफमा उनले शानदार प्रदर्शन गर्दै राष्ट्रिय टिममा स्थान बनाउन सफल भए।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]