लोकेश राहुलले प्रहार गरे आईपीएलकै सबैभन्दा छिटो अर्धशतक



  • विकेटनेपाल, चैत्र २५ – आइतबार 

इन्डियन प्रिमियर लिग (आइपिएल) अन्तर्गत किंग्स ईलाभेन पन्जाब र दिल्ली डेयरडेभिल्सबिचको खेलमा पन्जाबका खेलाडी लोकेश राहुलले विस्फोटक ब्याटिंग गर्दै नयाँ किर्तिमान कायम गरेका छन्।

दिल्लीले पहिले ब्याटिंग गर्दै निर्धारित २० ओभरमा ७ विकेट गुमाएर १६६ रन बनाएपछि लक्ष्य पछ्याउने क्रममा राहुलले मात्र १४ बलमा अर्धशतक प्रहार गरेका हुन्। राहुलले अर्धशतक बनाउनेक्रममा ६ चौका र ४ छक्का प्रहार गरे।

सुरुवातबाटनै आक्रामक खेल देखाएका उनले ट्रेन्ट बोल्टले गरेको पहिलो ओभरमा १६ रन बनाएका थिए भने त्यसपछि मोहम्मद शामीले गरेको दोश्रो ओभरमा पनि ३ बलको सामना गर्दै ११ रन प्रहार गरेका थिए।

त्यसपछि अमित मिश्रले गरेको ओभरको पहिलो ५ बलमा उनले २ छक्का र ३ चौका प्रहार गर्दै अर्धशतक पुरा गरेका थिए। अन्त्यमा ५१ रनको स्कोरमा १६ बलको सामना गर्दै ट्रेन्ट बोल्टको बलमा मोहम्मद शमीबाट समातिए। राहुल आउट हुँदा पन्जाबको स्कोर ५ ओभरको समाप्तीमा २ विकेट गुमाएर ६४ रन पुगेको थियो।

आईपीएलमा सर्बाधिक छिटो अर्धशतक बनाउने खेलाडीहरु :- 

लोकेश राहुल (पन्जाब) -१४ बल Vs दिल्ली
सुनिल नारायण (कोलकत्ता) – १५ बल Vs बेंगलोर
युसुफ पठान (कोलकत्ता) – १५ बल Vs हैदरावाद
सुरेश रैना (चेन्नाई) – १६ बल Vs पन्जाब

के-के भयो राहुलले सामना गरेको १४ बलमा – 

डट बल, २ रन, डट बल, छक्का ,चौका, चौका, छक्का, चौका, १ रन , चौका, छक्का, छक्का, चौका, चौका

टि-२० मा छिटो अर्धशतक बनाउने खेलाडीहरु 

युबराज सिंह – १२ बलमा ( सन् २००७ )
क्रिस गेल – १२ बलमा ( सन् २०१६ )
मार्कस थ्रेसकोथिक – १३ बलमा ( सन् २०१० )
इमरान नजिर –  १४ बलमा ( सन् २००५ )
जीएल ब्रोफी – १४ बलमा ( सन् २००६ )





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]