EPL : एकै खेलमा बन्यो ४१५ रन, ललितपुरको जितमा ओमरजाईको उत्कृस्ट अलराउण्ड प्रदर्शन



एभरेस्ट प्रिमियर लिग टि-२० अन्तर्गत शुक्रबारको पहिलो खेलमा ललितपुर पेट्रिएट्सले बिराटनगर वारियर्सलाई ३७ रनले पराजित गर्दै लिगमा पहिलो जित दर्ता गरेको छ। बिराटनगर खेलेको सबै ३ खेलमा पराजित भएको छ।

टियु मैदान कीर्तिपुरमा सम्पन्न खेलमा ललितपुरले दिएको २२७ रनको लक्ष्य पछ्याउने क्रममा बिराटनगरले दिएको २२७ रनको लक्ष्य पछ्याउने क्रममा बिराटनगरले २० ओभरमा ८ विकेट क्षेतीमा १८९ रन मात्र बनाउन सक्यो। दुई इनिंग्स जोड्दा बनेको ४१५ रन ईपीएल इतिहाँसमै एकै खेलमा बनेको दोश्रो सर्वाधिक रन हो। सबैभन्दा बढी २०१८ मा भैरहवा र चितवन बीचको खेलमा सर्वाधिक ४३१ रन बनाएको थियो।

बिराटनगरको ब्याटिंगमा दिलशान मुनविराले सर्वाधिक ५९ रन बनाए जुन क्रममा ३९ बलमा ५ चौका र ४ छक्का प्रहार गरे। यस्तै आसिफ शेखले ३७ रन, चन्द्रपौलले २८ तथा सिकन्दर रजाले २४ रन बनाए।

लक्ष्य पछ्याउने क्रममा बिराटनगर ओपनर चन्द्रपौल हेमराज र आसिफ शेखले ५० रनको साझेदारी गरे। हेमराजलाई चौंथो ओभरमा अज्मतुल्लाह ओमरजाईले क्याच आउट गरे। दोश्रो विकेटको लागि आसिफले दिलशान मुनाविरासंग ५५ रन जोडे। एघारौं ओभरमा आसिफलाई ललित राजबंशीले क्याच आउट गरे। मुनाविराले तेश्रो विकेटको लागि सिकन्दर रजासंग ४५ रन जोडे।  १५ औं ओभरमा ललित राजबंशीले रजालाई क्याच आउट गरेपछि ललितपुर खेलमा हावी रह्यो। लगत्तै ओभरमा अज्मतुल्लाह ओमरजाईले एकै ओभरमा तिन विकेट लिने क्रममा मुनविरा, करन केसी र सौरभ खनाललाई पेभेलियन फर्काए। त्यसपछि बिराटनगर खेलमा फर्कन सकेन।

ललितपुरको बलिंगमा अफगानिस्तानका फास्ट बलर अज्मतुल्लाह ओमरजाईले सर्वाधिक ४ विकेट ( ४-०-४२-४ ) लिए।  ललित राजबंशीले २ विकेट ( ४-०-२५-२ ) तथा योगेन्द्र सिंह कार्कीले १ विकेट लिए।

सन्दुन विराक्कोडीले सर्वाधिक ७३ रन बनाए

टियु अन्तर्राष्ट्रिय मैदानमा टस हारेर ब्याटिंग गरेको ललितपुरले जारि लिग इतिहासकै सर्वाधिक योगफल बनाउने क्रममा २० ओभरमा ५ विकेट गुमाएर २२६ रन बनाएको थियो।

ललितपुरको ब्याटिंगमा श्रीलंकन ब्याट्सम्यान सन्दुन विराक्कोडीले सर्वाधिक ७३ रन बनाए जुन क्रममा ४३ बलमा १० चौका र ३ छक्का प्रहार गरे। यस्तै अफगानी ब्याट्सम्यान अज्मतुल्लाह ओमरजाईले मात्र २४ बलमा ७ छक्का मद्दतले अविजित ५८ रन बनाए। उनले २१ बलमै अर्धशतक पुरा गरेका थिए जुन ईपीएल इतिहाँसकै सबैभन्दा छिटो अर्धशतक हो। यस्तै कप्तान कुशल भुर्तेलले १७ बलमा ४ चौका र २ छक्का मद्दतले ३२ रन तथा योगेन्द्र सिंह कार्कीले १८ बलमा १ चौका र ३ छक्का मद्दतले २७ रन बनाए। यस्तै नारायण जोशीले अन्तिममा आक्रामक ब्याटिंग गर्दै ४ बलमा ३ छक्का मद्दतले अविजित १८ रन बनाए।

ललितपुरको सुरुवात उत्कृस्ट रह्यो। पावरप्लेको पहिलो ६ ओभरमा विराक्कोडी र भुर्तेलले ७० रनको साझेदारी गरे। छैठौं ओभरको अन्तिम बलमा भुर्तेललाई दिल्शान मुनविराले विकेटपछाडी क्याच आउट गरे। दोश्रो विकेटको लागि विराक्कोडीले योगेन्द्र सिंह कार्कीसंग ४१ रन जोडे। एघारौं ओभरमा योगेन्द्रलाई सिकन्दर राजाले क्याच आउट गरे। त्यसपछि पवन सर्राफ मात्र २ रन बनाएर आउट भए भने १५ औं ओभरमा विराक्कोडीलाई करन केसीले विकेट पछाडी आसिफ शेखबाट क्याच आउट गरे। त्यसपछि ओमरजाईले जयकिशन कोल्सवालासंग ६० रनको साझेदारी गर्दै योगफल २ सय पुर्याए। कोल्सवाला आउट भएपछि अन्तिम ओभरमा नारायण जोशीले आक्रामक ब्याटिंग गरे।

बिराटनगरको बलिंगमा करन केसीले सर्वाधिक २ विकेट ( ४-०-४३-२ ) तथा सिकन्दर राजा ( २-०-२७-१ ) , प्रतिस जिसी ( ३-०-४३-१ ) र दिल्शान मुनविराले ( ३-०-१३-१ ) विकेट लिए।

जितपछि ललितपुर पेट्रिएट्स अंकतालिकामा ४ खेलमा १ जित, १ हार र १ बराबरी नतिजा पछि ३ अंक सहित चौंथो स्थानमा उक्लेको छ। बिराटनगर भने खेलेको तिनवटै खेलमा पराजित हुँदै पुछारमा छ। अब प्लेअफ पुग्न बिराटनगरलाई दुई वटै खेलमा जित आवस्यक रहेको छ।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]