EPL : लगातार तेश्रो जित पछि चितवन शिर्षमा, यस्तो छ अंकतालिकाको अवस्था



एभरेस्ट प्रिमियर लिग टि-२० अन्तर्गत शुक्रबारको दोश्रो खेलमा चितवन टाइगर्सले पोखरा राइनोजलाई पराजित गर्दै लिग अंकतालिकाको शिर्ष स्थानमा पुगेको छ भने प्लेअफमा स्थान समेत बनाउने समेत पहिलो टिम बनेको छ। दिनको पहिलो खेलमा ललितपुर पेट्रिएट्सले बिराटनगर वारियर्सलाई पराजित गर्यो।

टियु अन्तर्राष्ट्रिय मैदान कीर्तिपुरमा सम्पन्न खेलमा पोखरा राइनोजले दिएको १२४ रनको लक्ष्य चितवन टाइगर्सले १६.४ ओभरमा मात्र १ विकेट क्षेतीमा पुरा गर्यो। चितवनको लागि अफगानिस्तान ब्याट्सम्यान मोहम्मद शहजादले सर्वाधिक ६३ तथा भिम शार्कीले ५३ रन बनाए। शहजादले ५२ बलमा ७ चौका र २ छक्का तथा शार्कीले ४२ बलमा ५ चौका र २ छक्का प्रहार गरे।

लक्ष्य पछ्याउने क्रममा ओपनर इशान पाण्डे खाता नखोली आउट भएपछि दोश्रो विकेटको लागि शहजाद र भिम शार्कीले दोश्रो विकेटको लागि अविजित १२२ रनको साझेदारी गर्दै जितसम्म पुर्याए।

यस अघि टस जितेर ब्याटिंग गरेको पोखराले निर्धारित २० ओभरमा ७ विकेट क्षेतीमा १२३ रन बनाएको थियो। उसको लागि विवेक यादवले सर्वाधिक ५३ रन बनाए जुन क्रममा अविजित रहेका उनले ४५ बलमा ३ चौका र ३ छक्का प्रहार गरे। यस्तै असेला गुनरत्नेले २५ तथा रिचर्ड लेभीले २० रन बनाए।

खराब सुरुवात गरेको पोखराले पहिलो ५ विकेट ४२ रन बनाउदा गुमाएको थियो। त्यस मध्ये ३ विकेट पावरप्लेको ओभरमा गुमायो। त्यसपछि छैठौं विकेटको लागि विवेकले गुनरत्नेसंग ५६ रनको साझेदारी गर्दै योगफल सय नजिक पुर्याए। गुनरत्ने आउट भएपछि यादवले अन्तिमसम्म ब्याटिंग गरे।

चितवनको बलिंगमा कमल सिंह ऐरी ( ४-०-४०-२ ) र शाहब आलमले ( ४-०-१७-२ ) समान २ विकेट तथा सोमपाल कामिले १ विकेट ( ४-१-१२-१ ) लिए।

जितपछि चितवन लिग अंक तालिकामा ३ खेलमा ३ जित पछि ६ अंकको साथ शिर्ष स्थानमा पुगेको छ। हारपछि पोखरा चौंथो स्थानमा पुगेको छ जसको ३ अंक रहेको छ। भैरहवा ४ अंक सहित दोश्रो तथा ललितपुर ३ अंक सहित तेश्रो स्थानमा रहेको छ।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]