धनगढी मेयर एलपीएल–६ : हिमालयन ह्वाइट हाउस र विद्याभुषण विजयी



धनगढीमा जारी ‘धनगढी मेयर लिटल फ्लावर प्रिमियर लिग यु–१९ क्रिकेट प्रतियोगितामा हिमालयन ह्वाइट हाउस स्कुल काठ्माण्डौँ र विद्याभुषण पब्लिक स्कुल गेट विजयी भएका छन्।

धनगढी स्थित प्रदेश प्रहरीको खेल मैदानमा आज भएको पहिलो खेलमा हिमालयन ह्वाइट हाउस स्कुलले अत्तरियाको एभरेस्ट एकेडेमीलाई पराजित गर्दै विजयी सुरुवात गरेको हो । हिमालयनले आफ्नो पहिलो खेलमै एभरेस्टलाई ८१ रनले पराजित गर्दै पहिलो जित दर्ता गरेको छ ।

टस जितेर ब्याटिङ गर्ने निर्णय गरेको हिमालयन ह्वाइट हाउसले २० ओभरमा ६ विकेट गुमाएर १ सय ९१ रन बनायो । १ सय ९२ रनको विजयी लक्ष पछ्याएको एभरेस्टले १९.३ ओभरमा आफ्नो सबै विकेट गुमाएर १ सय १० रन मात्रै बनाउन सक्यो । एभरेस्टका सन्दीप विष्टले ३० बलमा २९, योगेश भाटले १६ बलमा १९ र दीपक रोकायाले १५ बलमा १३ रन बनाउनु बाहेक अन्य ब्याट्सम्यानको प्रदर्शन सम्झन लायक रहेन । हिमालयनको बलिङ तर्फ सन्दीप शाहीले ३, राहुल भण्डारी र सतिस यादवले २/२, दीप बोहरा, नारायण जोशी र अनुप कुँवरले १÷१ विकेट लिए ।

पहिलो इनिङमा ह्वाइट हाउसका लागि वसन्त सिंह कार्कीले ७ चौका र ७ छक्काको मद्दतले ४९ बलमा सर्वाधिक ९२ रनको शानदार पारी खेले । त्यस्तै टिमका लागि दीपक बोहराले ३५ बलमा ४३ र राहुल भण्डारीले १२ बलमा १२ रनको योगदान गरे । वसन्त र दीपकले १ सय ३२ रनको साझेदारी पारी खेले ।

एभरेस्टको बलिङमा धर्मराज जोशी र मुकेश ओझाले ४ ओभर बलिङ गर्दै समान ३/३ विकेट लिए । हिमालयनले आफ्नो पहिलो खेलमा जित निकाल्दा एभरेस्टले पहिलो हार ब्यहोर्यो । खेलको प्लेयर अफ दी म्याच हिमालयन ह्वाइट हाउसका वसन्त कार्की घोषित हुँदा सर्वाधिक छक्काको अवार्ड पनि उनैले पाए । गेम चेन्जर अवार्ड राहुल भण्डारीले पाए ।

आजै भएको दोस्रो खेलमा विद्याभुषण पब्लिक स्कुलले लम्कीको गुरुकुल स्कुलमाथि ६ विकेटको जित निकालेको छ ।

<img src=”https://khelnepal.com/wp-content/uploads/2022/02/MG_2033-2.jpg” alt=”” width=”800″ height=”441″ class=”alignnone size-full wp-image-19173″ />

टस जितेर ब्याटिङ गर्ने निर्णय गरेको गुरुकुल एकेडेमी लम्कीले २० ओभरमा ९ विकेट गुमाएर १ सय ४० रन बनायो । १ सय ४१ रनको विजयी लक्ष पछ्याएको विद्याभुषणले १७ बल बाँकी छँदै ४ विकेट गुमाएर लक्ष भेट्टायो । विद्याभुषणका लागि नरेन साउँदले ७ छक्काको मद्दतले ३२ बलमा सर्वाधिक ५६ रन बनाए । उसका वीरेन्द्र नाथले २९, प्रदीप चन्दले २० रन बनाएर आउट हुँदा सुरेन्द्र ऐरी १५ रनमा नट आउट रहे । गुरुकुलको बलिङ तर्फ दिनेश अधिकारीले २, देव खनाल र बसिर अहमदले समान १/१ विकेट लिए ।

यस अघि पहिलो इनिङमा गुरुकुलका लागि कप्तान देव खनालले ३ छक्का र १ चौकाको मद्दतले ४४ बलमा ४७ रन बनाएर आउट भए । २९ बलको सामना गरेका बसिर अहमदले ३ छक्का र २ चौका प्रहार गर्दै टिमका लागि ४१ रनको योगदान दिए । विद्याभुषणको बलिङ तर्फ अर्जुन साउद र प्रवेश बुढ्थापाले २/२ विकेट तथा शेर मल्ल, वीरेन्द्र नाथ र रोशन थापाले समान १/१ विकेट लिए ।

खेलको प्लेयर अफ दी म्याच नरेन साउद भए । सर्वाधिक छक्काको अवार्ड पनि नरेनले नै पाउँदा, गेम चेन्जर अवार्ड सुरेन्द्र ऐरीले पाए ।

प्रतियोगिता अन्तरगत भोलि आइतबार हुने पहिलो खेलमा बिहान ९ः३० बजे हिमालयन ह्वाइट हाउस स्कुल काठ्माण्डौँ र शारदा सरस्वती स्कुल दोधारा आमनेसामने हुनेछन् । भोलिको दोस्रो खेलमा दिउसो १ः३० बजे आयोजक लिटल फ्लावर र विद्याभुषण भिड्नेछन् ।

फागुन १४ गतेसम्म चल्ने लिटल फ्लावर प्रिमियर लिगमा जारी संस्करणको विजेताले १ लाख ५० हजार र उप–विजेताले ७५ हजार नगदसहित ट्रफि, मेडल र प्रमाणपत्र प्राप्त गर्नेछन् ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]