लंका प्रिमियर लिगमा फिक्सिंग प्रयास, आईसीसीले थाल्यो अनुसन्धान



लंका प्रिमियर लिग ( एलपीएल ) क्रिकेट सुरु नहुँदै बिभिन्न नकरात्मक कारणले चर्चामा रहँदै आएको छ। आयोजना मिति परीवर्तन, खेलाडीहरुले लिग छोड्नु जस्ता समाचारहरुले लिगलाई नकारात्मक प्रभाव पारेको थियो।

एलपीएललाई सुरु हुनु अघि अर्को पनि धक्का लागेको छ। अन्तर्राष्ट्रिय क्रिकेट परिषद ( आईसीसी ) ले लिगमा फिक्सिंगको प्रयास भएको भन्दै अनुसन्धान सुरु गरेको छ।

लिगको पहिलो सिजन आज ( नोभेम्बर २६ ) देखि सुरु हुँदैछ। एक जना पूर्व श्रीलंकन राष्ट्रिय क्रिकेटरले एलपीएलमा सहभागी खेलाडीलाई फिक्सिंगको लागि सम्पर्क गरेको खबर आएपछि आईसीसीले यसबारे अनुसन्धान गर्ने भएको श्रीलंकाको चर्चित पत्रिका लंकापिडियाले लेखेको छ।

“पूर्व राष्ट्रिय क्रिकेटर जो हाल देश बाहिर रहेका छन् उनले सम्पर्क गरेका थिए।” पत्रिकाले लेखेको छ। उक्त पूर्व क्रिकेटरलाई यस अघि पनि आईसीसीले फिक्सिंगको दोषी मानेको थियो तर पछि उनले सफाइ पाएका थिए।

श्रीलंका क्रिकेट बोर्डले भने यो बारे केहि पनि बोल्न मानेको छैन। बोर्डको भ्रस्टाचार-निरोधि युनिटले यो कुरालाई सही नभएको समेत बताएको छ।

एलपीएल दर्शक रहित मैदानमा खेलिंदैछ जसको आईसीसीको भ्रस्टाचार निरोधि अफिसियलहरुले नजिकबाट निगरानी गर्नेछन्।

गत साता मात्रै श्रीलंकाका पूर्व फास्ट बलिंग प्रशिक्षक नुवान जोयसालाई आईसीसीले म्याच फिक्सिंग दोषी ठहर गरेको थियो। २ वर्षको अनुसन्धान पछि आईसीसीको उक्त निस्कर्ष बिरुद्ध जोयसाले अपिल गर्ने बताएका थिए। श्रीलंका क्रिकेटमा म्याच फिक्सिंग निकै ठूलो समस्याको रुपमा देखिएको छ।

गत वर्ष श्रीलंकाले फिक्सिंग बिरोधि कानुन समेत बनाएको थियो। त्यसपछि श्रीलंकाका खेल मन्त्रि हरिन फर्नान्डोले आईसीसीले श्रीलंकालाई विश्वकै सबैभन्दा बढी भ्रस्टाचार भएको देश मान्ने बताएका थिए।

एलपीएल सुरु हुँदै 

एलपीएल २०२० यस अघि अगस्टमा आयोजना हुने बताईता पनि कोरोना भाइरसको कारण बिभिन्न व्यवधान खडा भएपछि नोभेम्बर २६ देखि सुरु हुँदैछ।


तथापी क्रिस गेल, लासिथ मालिंगा, लियाम प्लंकेट, मोहम्मद हफिज, फाफ डु प्लेसी जस्ता ठूला क्रिकेटरहरुले नाम फिर्ता लिंदा थोरै मात्र हाइ प्रोफाइल विदेशी खेलाडीहरु लिगमा सहभागी हुँदैछन्। भारतीय क्रिकेटर इरफान पठान, पाकिस्तानी क्रिकेटर शहिद अफ्रिदी लिगमा सहभागी हुँदैछन्।

लिगमा कोलोम्बो, क्यान्डी, गाल, दाम्बुल्ला, जाफ्ना गरि ५ टिम सहभागी हुँदैछन्। लिगमा कुल २३ खेल खेलिनेछ। पहिलो खेलमा कोलोम्बो र क्यान्डीले प्रतिस्पर्धा गर्नेछन्। लिगको फाइनल खेल डिसेम्बर १६ मा खेलिनेछ।

लिगमा सहभागी टिमहरुका खेलाडीहरु 





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]