एलपीएल : सुवोध ऐरको उत्कृस्ट ब्याटिंगमा कैलाली मोडेलको जित

subodh ayer


  • विकेटनेपाल – २८ कार्तिक , धनगढी 

धनगढीमा जारी देशकै सर्वाधिक धनराशीको विद्यालय स्तरीय तेस्रो निष्ट कलेज लिटिल फ्लावर प्रिमियर लिग अन्तर्गत दोस्रो दिन भएका खेलमा कैलाली मोडल ईङ्गलिस बोर्डिङ स्कुल धनगढी एबीसी स्कुल नेपालगंज विजयी भएका छन्।

आज भएको पहिलो खेलमा विस्डम एकेडेमी कंचनपुरलाई ६ विकेटले पराजित गर्दै कैलाली मोडेल विजयी भएको हो भने एबीसी स्कुल नेपालगंजले काठमाण्डौंको मोक्छदा स्कुलाई ७ रनले किनारा लगाएको हो।

टस जितेर पहिला ब्याटिङ गरेको विस्डम एकेडेमी कंञ्चनपुरले २० ओभरमा ८ विकेट गुमाउँदै एक सय ७१ रनको योगफल बनायो। विस्डमको लागि प्रकाश जोशीले ५७, किरन ठगुन्नाले ४० कप्तान लोकेश बमले २७, वसन्त सिह कार्कीले १७, सुशील पन्तले १४ रन बनाए। कैलाली मोडेलका कैलाश खातीले ३ र वसन्त थापाले २ विकेट लिए।

विस्डमले जितको लागि दिएको १७२ रनको लक्ष्य कैलाली मोडलले ३ बल अगावै ४ विकेट गुमाएर लक्ष्य भेट्टायो। कैलाली मोडेललाई जिताउन सुवोध ऐरले सर्वाधिक रन ७४, कप्तान अजय बिष्टले ३७, अभिषेक पालले १९ र शोभित महताले १३ रनको योगदान दिए। अविजिति ७४ रन बनाएका सुवोध म्यानअफ द म्याच भए।

Subodh Ayer
Subodh Ayer

एबीसीको रोमान्चक जित 

संस्कार क्रिकेट एकेडेमी धनगढीको आयोजनामा धनगढीमा भईरहेको प्रतियोगिताको दोस्रो दिनको दोस्रो खेलमा मोक्छदा स्कुल काठमान्डौमाथि एबीसी नेपालगन्जले ७ रनको रोमान्चक जित निकाल्यो।

टस जितेर पहिले ब्याटिङ गरेको एबीसी आवासीय स्कुलले १९.३ ओभरमा अलआउट हुँदै १३७ रन बनायो। एबीसीका लागि विशाल केसीले २८, लवकुश यादवले २१, अमन अन्सारीले १४, कप्तान सदाव अन्सारी र सहिल वस्नेतले १३/१३ रनको योगदान दिए। मोक्छदाका अनिश कार्कीले ४, विपिन खत्रीले ३, दिपक बोहराले २ विकेट लिए।

१३८ रनको लक्ष्य पछ्याउँदै जवाफी ब्याटिङ गरेको मोक्छदा स्कुल काठमान्डौले २० ओभरमा ९ विकेट गुमाएर १३० रन मात्रै बनाउन सक्यो। उसका लागि दिपक बोहोराले ३६, विशाल लिम्बुले ३४, कप्तान विपिन खत्रीले २७ र सुदिप बस्नेतले १६ रन बनाए पनि टिमलाई जित दिलाउन सकेनन्। एबीसीका लागि सुभम ब , कप्तान सदाव अन्सारी र सोनु थापा मगरले २÷ २ विकेट लिए। एबीसी स्कुल नेपालगन्जका कप्तान सदाब अन्सारी खेलको म्यान अफ द म्याच भए।

प्रतियोगिता अन्तर्गत विहीवारको पहिलो खेलमा सरस्वती मावि गेटा र निष्ट भक्तपुर तथा दोस्रो खेलमा लिटि बुद्ध महेन्द्रनगर र एबीसी स्कुल नेपालगंज प्रतिस्पर्धा गर्नेछन्।

प्रतियोगिताको विजेताले १ लाख ११ हजार १ सय ११ प्राप्त गर्नेछ। उपविजेताले ५५ हजार ५ सय ५५ नगदका साथै ट्रफी पाउने छन्। प्रतियोगिताको उत्कृष्ट खेलाडीले नगद १० हजार, उत्कृष्ट व्याट्सम्यान, उत्कृष्ट वलर र उदयमान खेलाडीलाई नगद ५ हजार सहित ट्रफी प्रदान गरिने छ । प्रत्येक खेलको म्यान अफ द म्याच अन्तर्गत लिग चरणमा प्रति खेल नगद एक हजार, नकआउट चरणमा प्रति खेल नगद एक हजार ५ सय र फाईनलमा नगद २ हजार ट्रफी र प्रमाणपत्र पुरस्कार दिईने छ।

प्रतियोगिता संस्कार क्रिकेट एकेडेमी धनगढीको आयोजना तथा निष्ट कलेज लैनचौरको मुख्य प्रायोजनामा सञ्चालन भईरहेको छ। प्रतियोगितामा देशभरिका १२ टिमले सहभागीता जनाएका छन् ।

फोटोः महेन्द्र बम





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]