एलपीएल : अंकित सुबेदीले बिष्फोटक ब्याटिंग गर्दा व्हाइट हाउसको जित



धनगढीमा जारी तेस्रो निस्ट लिटिल फ्लावर प्रिमियर लिगमा आइतवार सम्पन्न खेलमा हिमालयन व्हाइट हाउस स्कुल र लिटिल बुद्धले जित दर्ता गरेका छन्। जितसंगै दुबै टोलि सेमिफाइनल प्रवेश गरेका छन्।

प्रतियोगिता अन्तर्गत दिनको पहिलो खेलमा लिटल बुद्ध क्रिकेट एकेडेमीले मोक्षदा स्कुल काठमाडौंमाथि ८२ रनको जित दर्ता गर्यो। यस्तै आइतवारनै सम्पन्न दोस्रो खेलमा हिमालयन व्हाइट हाउस काठमाडौंले कैलाली मोडल स्कुलमाथि ११० रनको फराकिलो जित निकाल्न सफल भयो। आइतवार पराजित बनेका दुबै टोलि प्रतियोगिताबाट बाहिरिएका छन्।

आइतवार सम्पन्न पहिलो खेलमा टस हारेर ब्याटिंगको निम्तो पाएको लिटिल बुद्ध एकेडेमीले निर्धारति २० ओभरमा ७ विकेट गुमाएर १७८ रनको योगफल तयार गरेको थियो। लिटिल बुद्धको इनिंगमा रोशन साउद र सुशील खड्काले समान ४६-४६ रनको योगदान गरेका थिए। यस्तै खेलको प्लेयर अफ द म्याच चुनिएका हेमन्त कार्कीले ३० र नारायण जोशीले ब्यक्तिगत १८ रन जोडेका थिए।

मोक्षदाको बलिंगतर्फ सुबोध ढुंगेलले सर्वाधिक ३ विकेट हात पारेका थिए। यस्तै बिपिन खत्री र रोशन पुलामी मगरको नाममा समान १-१ विकेट रहेको थियो।

जवाफमा १७९ रनको लक्ष्य पछ्याउन मैदान उत्रिएको मोक्षदा स्कुलले निर्धारित २० ओभरमा ८ विकेटको नोक्सानीमा ८१ रन मात्र जोड्न सक्यो। मोक्षदाको चेजमा सन्दिप बिष्टले सर्वाधिक ३४ रन जोडेपनि त्यो जितका लागि पर्याप्त रहेन। यस्तै रोशन पुलामी मगरले अविजित २५ रन जोडे।

लिटिल बुद्धको बलिंगतर्फ बिबेक यादव र रोचक ऐरले समान २-२ विकेट चट्काए। यस्तै हेमन्त धामी र हेमन्त कार्कीको नाममा सामना १-१ विकेट रह्यो।

अंकित सुबेदीको बिष्फोटक ब्याटिंगमा हिमालयन वाईट हाउसको जित :

प्रतियोगिता अन्तर्गत आइतवारको दोस्रो खेलमा काठमाडौंको हिमालयन व्हाइट हाउस स्कुलले कैलालीको कैलाली मोडल स्कुलमाथी ११० रनको सहज जित दर्ता गर्यो। वाईट हाउसको जितमा बिष्फोटक ब्याटिंग गर्दै ७६ रन जोडेका अंकित सुबेदी प्लेयर अफ दि म्याच घोषित भए।

टस जितेर ब्याटिंगमा उत्रिएको व्हाइट हाउसले निर्धारित २० ओभरमा ६ विकेट गुमाएर १६९ रन जोडेको थियो। व्हाइट हाउसको इनिंगमा    अंकित सुबेदीले सर्वाधिक ७६ रन (४३ बल, १० चौका, २ छक्का) तथा फिर्दोश अन्सारीले सर्वाधिक ३२ रनको योगदान गरेका थिए।

अंकित सुबेदी ( फाइल फोटो )

कैलाली मोडलको बलिंगतर्फ कैलाश खत्रीले सर्वाधिक ३ विकेट हात पारेका थिए। यस्तै अजय बिष्ट र सुबोध ऐरको नाममा समान १-१ विकेट रहेको थियो।

जवाफमा १७० रनको लक्ष्य पछ्याउन मैदान उत्रिएको कैलाली मोडल निर्धारित २० ओभरमा ९ विकेट गुमाउंदै ६९ रनमा रोकियो। उसको चेजमा सुबाश ऐरले ११ रन जोड्न बाहेक अन्य ब्याट्सम्यानले सम्झनलायक प्रदर्शन गर्न सकेनन्।

वाईट हाउसको बलिंगमा फिर्दोश अन्सारी, अमृत सिंह र सुशान्त सिंहले समान २-२ विकेट हात पारे।

आइतवारको खेलहरु संगै प्रतियोगिताको सेमिफाइनल समिकरण समेत पुरा भएको छ। सोमबारहुने अन्तिम-४ का खेलहरुमा सिदार्थ शिशुसदन, लिटिल फ्लावर स्कुल, लिटिल बुद्ध एकेडेमी र हिमालयन वाईट हाउस भिड्ने छन्। प्रतियोगिताको फाइनल  खेल मङ्सिर ४ गते खेलिनेछ।

 





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]