PSL : लाहोरलाई पराजित गर्दै इश्लामावाद शिर्षमा



लाहोर कलन्दर्सलाई २८ रनले पराजित गर्दै इश्लामावाद युनाइटेड पाकिस्तान सुपर लिग अंकतालिकाकको शिर्ष स्थानमा उक्लेको छ।

अबुधबी स्थित शेख जायद स्टेडियममा सम्पन्न खेलमा इश्लामावादले दिएको १५३ रनको लक्ष्य पछ्याउने क्रममा लाहोरले १८.२ ओभरमा सबै विकेट गुमाएर १२४ रन मात्र बनाउन सक्यो।

लक्ष्य पछ्याउने क्रममा लाहोर ओपनर फखर जमान र सोहेल अख्तरले ५५ रनको साझेदारी गरेका थिए। छैठौ ओभरमा ३४ रन बनाएका अख्तरलाई फवाद एहमदले मुहम्मद मुसाले एलबिडब्लु पार्दै इश्लामावादलाई खेलमा फर्काए। त्यसपछि जमानले एक किनार सम्हालेता पनि अन्य ब्याट्सम्यान लगातार आउट हुन पुगे। जिशान अशरफ १ रन, मोहम्मद हफिज ८ रन, बेन डंक १ रन मात्र बनाएर आउट भए। १३ औं ओभरमा ४४ रन बनाएका जमानलाई मुसाले क्याच आउट गराए।

जमानको विकेट जाँदा ९३/५ को अवस्थामा रहेको लाहोरले त्यसपछि थप ३१ रन जोड्दा सम्पूर्ण विकेट गुमाउन पुग्यो। एघारौँ नम्बरका ब्याट्सम्यान हरिस रौफले १७ रन बनाएता पनि जितको लागि पर्याप्त थिएन।

इश्लामावादको बलिंगमा मुहम्मद मुसाले सर्वाधिक ३ विकेट ( ३-०-१८-३ ) लिए। फवाद एहमद ( ४-०-२७-२ ) , शदाब खान ( ४-०-१४-२ ) ले समान २ विकेट लिए। अलि खानले १ विकेट लिए।

यस अघि टस जितेर ब्याटिंग रोजेको इश्लामावादले निर्धारित २० ओभरमा ७ विकेट गुमाएर १५२ रन बनाएको थियो।

२० रनमै सुरुवाती ५ विकेट गुमाएको इश्लामावादको इनिंग्स इफ्तिखार एहमद र असिफ अलिले उकासेका थिए। दुवैले छैठौं विकेटको लागि १२३ रनको साझेदारी गरे। असिफले ४३ बलमा ६ चौका र ५ छक्का मद्दतले ७५ रन तथा इफ्तिखारले ३७ बलमा ६ चौका प्रहार गरे। अन्य ब्याट्सम्यानले दोहोरो अंकमा रन बनाउन सकेनन्।

लाहोरको बलिंगमा जेम्स फल्कनरले ३ विकेट ( ४-०-१९-३ ) लिए जुन क्रममा माथिल्लो क्रमका कोलिन मुनरो, रोहेल नाजिर र हुसेन तलतको विकेट लिए। यस्तै शाहिन अफ्रिदी ( ४-०-१९-२ ) र हरिस रौफ ( ४-०-२९-२ ) ले समान २ विकेट लिए।

अंकतालिका 

जितपछि इश्लामावाद ७ खेलमा ५ जित र २ हार बेहोर्दै १० अंक सहित अंकतालिकाको शिर्षस्थानमा उक्लेको छ। समान १० अंक रहेता पनि लाहोर नेट रन रेटमा पछि रहँदै दोश्रो स्थानमा रहेको छ।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]