लुम्बिनी खुकुरी र वेष्टर्न फाइनलमा

shankar rana


  • विकेटनेपाल, भैरहवा, १० चैत ।

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी शशिकान्त–सकुन्तला बर्मा टि–२० क्रिकेट प्रतियोगितामाको फाइनलमा खुकुरी र वेष्टर्न प्रतिस्पर्धा गर्ने भएका छन् ।

बिहीबार भएको पहिलो सेमिफाइनल खेलमा लुम्बिनी खुकुरी क्रिकेट क्लब बेलहियाले बुम एमसिसी भैरहवालाई ६३ रनले पराजित गर्दै फाइलन पुगेको छ ।

टस जितेर पहिला ब्याटिंग गरेको खुकुरीले निर्धारित खेलमा ५ विकेटको क्षतिमा १ सय १८ रन बनायो । उसका लागि रोहित पौडेलले नटआउट ६४, कप्तान अन्तिम थापाले १७, निश्चल चौधरी १६ र लालबहादुर अधिकारीले नटआउट १५ रन बनाए । बलिंगमा एमसिसीका लागि सन्दीप केसी, रोशनलाल गुप्ता, भिमबहादुर सुनार र तुलाराम थापाले समान १।१ विकेट लिए ।

जवाफी ब्याटिंगमा मैदान छिरेको एमसिसीले निर्धारित खेलमा १७.५ बलमा सबै विकेट गुमाउँदै ८५ रनमात्र बनाउन सक्यो । उसका लागि सन्दीप केसीले १४, भिमबहादुर सुनारले १३ रन बनाए । बलिंगमा खुकुरीका लागि मानबहादुर थापा, शाह आलम, दर्गेश गुप्ता र लालबहादुर अधिकारीले समान २।२, रोहित पौडेल र इकलाख अहम्मदले समान १।१ विकेट लिए । खेलको म्यान अफ द म्याच खुकुरीका रोहित पौडेल घोषित भए ।

rohit poudel
त्यस्तै बिहीबारै भएको दोस्रो खेलमा वेष्टर्न क्रिकेट क्लब बुटवलले न्यू होराइजन क्रिकेट क्लब बुटवललाई १३रनले पराजित गर्दै सेमिफाइनल पुगेको छ ।

टस जितेर पहिला ब्याटिंग गरेको वेष्टर्नले निर्धारित खेलमा ९ विकेटको क्षतिमा १ सय ३८ रन बनाएको थियो । उसका लागि सन्दीप सुनारले ४८, प्रकाश केसीले २६ र राहुल विकले २२ रन बनाए । बलिंगमा होराइजनका लागि कुशल मल्ल र युवराज सेनले समान २।२, शक्ति गौचन, निर्मल थापा र गणेश गौडेलले समान १।१ विकेट लिए ।

प्रतिउत्तरमा मैदान छिरेको होराइजनले निर्धारित खेलमा ८ विकेटको क्षतिमा १ सय २५ रनमै समेटियो । उसका लागि विशाल खत्रीले ३८, नूरध्वज सेनले २१ र राजु शाहीले १८ रन बनाए । बलिंगमा वेष्टर्नका धिरज शाही र विक्रम भुसालले समान २।२ विकेट लिए । खेलमा वेष्टर्नका सन्दीप सुनार म्यान अफ द म्याच घोषित भएको रुपन्देही क्रिकेट संघका अध्यक्ष प्रशान्त विक्रम मल्लले जानकारी दिए ।

प्रतियोगिताका विजेताले नगद रु. ५० हजार र ट्रफी, उपविजेताले नगद रु. २५ हजार र ट्रफी प्राप्त गर्नेछन् । उत्कृष्ट खेलाडीले नगद रु. १० हजार, बेष्ट ब्याट्सम्यान तथा बेष्ट बलरले नगद रु.५/५ हजार प्राप्त गर्नेछन् । प्रतियोगिता चैत १२ गते सकिनेछ । प्रतियोगितालाई अमेरिका निवासी विवेक बर्माले आफ्नो स्वर्गीय आमा÷बुवाको नाममा स्पोन्सर गरेका छन् । स्वर्गीय शशिकान्त बर्मा रुपन्देही जिल्लाको क्रिकेट खेलको विकासमा अम्पायर तथा खेलाडीको रुपमा योगदान पु¥याउने व्यक्तित्व मानिन्छन् भने स्वर्गीय सकुन्तला बर्मा रुपन्देही जिल्लाको महिला नेतृ थिइन् ।





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]