प्रम कप : कर्णालीलाई सहजै पराजित गर्दै लुम्बिनी सेमीफाइनल नजिक



लगातार दोश्रो जित दर्ता गर्दै लुम्बिनी प्रदेश प्रधानमन्त्री कप राष्ट्रिय महिला टि-२० प्रतियोगिताको सेमीफाइनल नजिक पुगेको छ।

समुह ‘ए’ अन्तर्गतको पहिलो खेलमा प्रदेश-२ लाई ९ विकेटले पराजित गरेको लुम्बिनीले आज दोश्रो खेलमा कर्णाली प्रदेशलाई पनि ९ विकेटलेनै सहजै पराजित गर्यो। स्कोरकार्ड 

आज हुने दोश्रो खेलमा एपीएफ र प्रदेश-२ प्रतिस्पर्धा गर्नेछन् जुन खेलमा एपीएफ विजयी भएको खण्डमा एपीएफ र लुम्बिनी दुवै समुह ‘ए’ बाट सेमीफाइनल प्रवेश गर्नेछ।

लमही क्रिकेट मैदानमा सम्पन्न खेलमा कर्णालीले दिएको ३५ रनको सामान्य लक्ष्य लुम्बिनीले मात्र १ विकेट गुमाएर ३.१ ओभरमा पुरा गर्यो।

लुम्बिनीको लागि कप्तान नेरी थापाले अविजित ९ , गीता गोसाईले ४ तथा सरस्वति जीएमले ३ रन योगदान दिए। कर्णलाईले २० रन अतिरिक्तको रुपमा दियो जसमा १७ वाइड सामेल थियो। कर्णालीको लागि १ मात्र विकेट अन्जु गुरुङले हात पारिन्।

यस अघि टस जितेर ब्याटिंग रोजेको कर्णालीले निर्धारित १३ ओभरमा ६ विकेट गुमाएर ३४ रन बनाएको थियो। कुहिरोको कारण खेल ढिला सुरु भएकोले इनिंग्स १३ ओभरमा झारिएको थियो।

कर्णालीको ब्याटिंगमा दिक्ष्या पुरीले सर्वाधिक ८ रन, अंशु शाक्यले अविजित ७ रन योगदान दिईन्। तृष्णा बिश्वकर्मा, मोनिका राना र लक्ष्मी रिमालले समान २ रन बनाए। अतिरिक्तको रुपमा पाएको १३ रन कर्णालीको स्कोरमा सर्वाधिक योगदान रह्यो।

कर्णालीको लागि दीक्षा पुरीले मात्र चौका प्रहार गर्न सकिन् जसले २ चौका प्रहार गरिन्।

लुम्बिनीको बलिंगमा नेरी थापाले २ ( ३-०-१३-२ ) तथा गीता गोसाई र सरिता जिसीले समान १ विकेट हात पारे। लुम्बिनीले २ वटा विकेट रन आउट मार्फत लियो।

खेलको प्लेयर अफ द म्याच लुम्बिनीको कप्तान समेत रहेकी नेरी थापा घोषित भईन्।

कर्णाली हिजो भएको खेलमा एपीएफसंग २०४ रनले पराजित भएको थियो जुन क्रममा एपीएफले दिएको २३६ रनको लक्ष्य पछ्याउने क्रममा कर्णालीले ३१ रन मात्र बनाउन सकेको थियो।

अन्तिम खेलमा कर्णालीले भोलि प्रदेश-२ संग प्रतिस्पर्धा गर्नेछ।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]