हुसेनको घातक बलिंग, लुम्बिनीले अन्त्य गर्यो प्रदेश-१ को जित यात्रा



मोहम्मद हुसेनले घातक बलिंग गर्दा यु-१९ राष्ट्रिय प्रतियोगितामा लुम्बिनी प्रदेशले प्रदेश-२ लाई ६ विकेटले पराजित गर्दै प्रतियोगितामा तेश्रो जित दर्ता गरेको छ। चौंथो खेल खेल्दा प्रदेश-१ को यो पहिलो हार हो।

टियु अन्तर्राष्ट्रिय मैदान किर्तिपुरमा सम्पन्न खेलमा प्रदेश-१ ले दिएको १०८ रनको सामान्य लक्ष्य लुम्बिनी प्रदेशले ४ विकेट क्षेतीमा २३.३ ओभरमा भेटायो।

लुम्बिनीको ब्याटिंगमा बिशाल बिक्रम केसीले सर्व्धिक २६ रन, देभ खनालले २५ रन, वसिर एहमदले अविजित २४, बिराट भण्डारीले १६ रन तथा आकाश त्रिपाठीले १३ रन बनाए। प्रदेश-१ का बलर दिपेश कंडेलले २ विकेट ( ८-०-२९-२ ) लिए भने गौरभ कटवाल र लभ कामतले समान एक विकेट लिए।

यस अघि टस हारेर ब्याटिंग गरेको प्रदेश-१ ले ३७.२ ओभरमा १०६ रनमा सबै विकेट गुमाएको थियो। प्रदेश-१ को लागि गौरभ कटवालले १९, दिपक जोशीले १८ तथा राकेश शाहले १३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

लुम्बिनी प्रदेशको बलिंगमा देब्रे हाते पेसर मोहम्मद हुसेनले १० ओभरमा १ मेडन ओभर गर्दै ३१ रन खर्चेर ५ विकेट लिए। यस्तै वासिर एहमदले ३ विकेट ( ८.२-४-९-३ ) तथा दुर्गेश गुप्ताले २ विकेट ( ७-१-२५-२ ) लिए।

जित पछि लुम्बिनी प्रदेश ५ खेलमा ४ जित र १ हार पछि ८ अंक सहित शिर्ष स्थानमा छ। दोश्रो स्थानमा रहेको प्रदेश-१ ले ४ खेलमा ३ जित र १ हार पछि ६ अंक बटुलेको छ।

सात वटा प्रदेशको टिम सहभागी प्रतियोगितामा सबै टिमले एकअर्का बिरुद्ध एक/एक खेल खेलेपछि अंक तालिकामा शिर्ष-२ टिम फाइनल प्रवेश गर्नेछ।





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]