लुम्बिनी खुकुरीलाई उपाधि : रुपन्देही सुपर लिग

Lumbini Khukuri Cricket Club


प्रकाश न्यौपाने
विकेटनेपाल-भैरहवा, ४ फागुन ।

लुम्बिनी खुकुरी क्रिकेट क्लबले नेपाल टेलिकम रुपन्देही सुपरलिग क्रिकेट प्रतियोगिताको उपाधी जितेको छ। बुधबार सम्पन्न फाइनलमा श्री शिबशक्ती क्रिकेट क्लब भैरहवालाई ५५ रनले हराउदै लुम्बिनी खुकुरीले उपाधी सहीत नगद ५० हजार रुपैया र ट्रफी हात पारेको छ । उप बिजेता श्री शिबशक्तीले भने २५ हजार रुपैया पुरस्कार प्राप्त गर्यो ।

सिद्धार्थ रंगशाला भैरहवामा टस जितेर ब्याटिंग गर्दै लुम्बिनी खुकुरीले निर्धारीत ४० ओभरको खेलमा १ ओभर बाकी छदै सवै विकेट गुमाई १ सय ४८ रनको योगफल तयार गरेको थियो। कप्तान अन्तिम थापाले ४५, ईकलाख अहमदले ३५, शंकर रानाले १४ र रोहित पौडेलले १३ रनको योगदान गरे। बलिंगमा श्री शिबशक्तीका लागी बिष्णु कटरीया र दुर्गेश कुर्मीले समान ३/३ विकेट लिए l

प्रतिउत्तरमा १ सय ४९ रनको बिजयी लक्ष्य पछ्याएको शिबशक्तीले २७ ओभर ३ बलमा ९३ रनमात्र बनाउन सकेपछि ५५ रन अन्तरले हार ब्यहोर्न पुग्यो। शिबशक्तीका दुर्गेश कुर्मिले २३, दिपचन्द शर्माले २२ र कृष्ण कार्किले १५ रन बनाए। बलिंगमा लुम्बिनी खुकुरीका दुर्गेश गुप्ताले ४, शाहद आलमले ३, लाल बहादुर अधिकारीले २ विकेट लिएका थिए ।

खेलमा म्यान अफ द फाईनल लुम्बिनी खुकुरीका दुर्गेश गुप्ता घोषित हुदै पुरस्कृत भएका थिए। त्यस्तै गरी प्रतियोगिताको उत्कृष्ट खेलाडी वेस्टर्न क्रिक्रेट क्लब बुटवलका बिक्रम भुषाल घोषित भए। उनले नगद ११ हजार प्राप्त गरे । त्यस्तै उत्कृष्ट बलर र ब्याट्सम्यामनमा लुम्बिनी खुकुरीका साह आलम र अन्तिम थापा घोषित हुदै जनही ५/५ हजार नगद पुरस्कार प्राप्त गरे ।

बिजेता तथा उप बिजेता टिमका खेलाडीलाई ट्रफी, नगद, प्रमाणपत्र मुख्य प्रायोजक नेपाल टेलिकम पश्चिमाञ्चल क्षेत्रिय निर्देशनालयका निमित्त प्रमुख ललित कुमार दाहाल, रुपन्देही क्रिकेट संघका अध्यक्ष प्रशान्त बिक्रम मल्ल लगायतले प्रदान गरेका थिए ।

रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा सम्पन्न प्रतियोगितामा १२ टिमको सहभागिता रहेको थियो ।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]