नेपालगंज कप – लुम्बिनी यात्रिज र रोप्ला गोरिल्लाज बिजयी



फिचर फोटो – रोल्पा गोरिल्लाज

  • विकेटनेपाल, बैशाख ५ – बुधबार

कोहलपुरमा जारि नेपालगन्ज कप क्रिकेट प्रतियोगिता अन्तर्गत तेस्रो दिन आज भएका खेलहरुमा लुम्बिनी यात्रीज र रोल्पा गोरिल्लाजले जित दर्ता गरेका छन्। प्रतियोगिता अन्तर्गत दोश्रो जित निकाल्नेक्रममा दिनको पहिलो खेलमा लुम्बिनी यात्रीजले दंगाली गोर्खाजलाई ३ विकेटले पराजित गर्दै अंकतालिकाको शिर्ष स्थानमा उक्लियो।

टस हारेर पहिले ब्याटिंग गरेको दंगाली गोर्खाजले २० ओभरमा ८ विकेट गुमाएर १०७ रन बनाएको थियो । उसका कप्तान अमरसिंह रौटेलाले २६ तथा उप-कप्तान विनायक गिरिले २४ रन बनाए। लुम्बिनी यात्रीजका सुनिल सुनार र निजामुद्दिन अन्सारीले २/२ विकेट लिए।

जवाफमा ब्याटिंग गरेको लुम्बिनी यात्रीले छैठौ नम्बरमा आएका बासिर अहमदले ३० बलमा ३५ रन तथा कप्तान कृष्ण कार्कीले २२ रन जोडेपछी १८.५ ओभरमा ७ विकेट गुमाएर लक्ष्य पुरा गरेको थियो। दंगाली गोर्खाजका अमरसिंह रौटेला, सुनिल सुनार र शाहिद अन्सारीले २/२ विकेट लिए। बासिर अहमद म्यान अफ द म्याच चुनिए।

म्यान अफ द म्याच ग्रहण गर्दै रोल्पा गोरिल्लाजका भिम शार्की

दोश्रो खेल 

दोश्रो खेलमा रोल्पा गोरिल्लाजले बर्दिया टाइगर्सलाई २१ रनले पराजित गर्यो। टस जितेर पहिले ब्याटिंग गरेको रोल्पा गोरिल्लाजले उप कप्तान समसुद्दिन अन्सारीको ३२ बलमा ३२ रन, सौरभ खनालको २० र शेर अलिको २४ रनको मद्दतमा ६ विकेट गुमाएर १२४ रन बनाएको थियो । यस्तै चौथो नम्बरमा आएका भिम सार्कीले २२ बलमा २९ रन बनाए। बर्दिया टाइगर्सका आकाश बिस्टले २ विकेट तथा नासिर अन्सारी र हसन खानले १/१ विकेट लिए ।

जवाफमा राजबिर सिंहले २८ रन तथा कप्तान सुबेन्दु पाण्डेले २१ रन बनाएपनि बर्दिया टाइगर्सले २० ओभरमा ९ विकेट गुमाएर मात्र १०३ रन बनाउन सक्यो। रोल्पा गोरिल्लाजका मेघराज अन्सारी र बिनोद लामाले २/२ विकेट लिए। २९ रन बनाउंदै १ क्याच समेत लिएका भिम सार्की म्यान अफ द म्याच घोषित भए।

प्रतियोगिताको बिजेताले एकलाख दश हजार तथा उपबिजेताले साठी हजार रुपैयाँ पुरस्कार पाउने छन्।

बिहिबार हुने खेलहरु: पहिलो खेल: पाल्पा योद्धाज Vs बर्दिया टाइगर्स , दोश्रो खेल: बाँके ब्लास्टर Vs रोल्पा गोरिल्लाज





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]