माछापुच्छ्रेको जितमा अभिषेक थापाको शतक



कास्की जिल्ला क्रिकेट संघको आयोजनामा पोखरामा जारि जिल्ला स्तरीय एकदिवसीय छनोट प्रतियोगिता अन्तर्गत तेश्रो दिन सम्पन्न खेलमा माछापुच्छ्रे क्रिकेट क्लबले अरुणज्योति क्रिकेट क्लबलाई २०६ रनको विशाल अन्तरले पराजित गरेको छ।

पोखरा रंगशालामा सम्पन्न खेलमा माछापुच्छ्रेले दिएको २७७ रनको लक्ष्य पछ्याउने क्रममा अरुणज्योतिले २०.५ ओभरमा ७० रनमै सम्पूर्ण विकेट गुमाउन पुग्यो।

शतक बनाएका अभिषेक थापाले अघिल्लो खेलमा पनि ९६ रन बनाएका थिए 

माछापुच्छ्रेको जितमा प्लेयर अफ द म्याच चुनिएका ब्याटिंगमा अभिषेक थापाले शतकीय योगदान दिए। दायाँ हाते ब्याट्सम्यानले १४१ बलमा १२ चौका र १ छक्का प्रहार गर्दै ११० रन बनाए। थापाले यस अघि पोखरा क्रिकेट क्लब बिरुद्धको खेलमा पनि अविजित ९६ रन बनाएका थिए। १७ वर्षीय थापा काठमाडौँ ग्रेट हिमालय क्रिकेट एकडेमीमा क्रिकेट प्रशिक्षण लिईरहेका छन्। यस्तै माछापुच्छ्रेको बलिंगमा कृष्ण पौडेलले सर्वाधिक ३ विकेट तथा अमृत गुरुङ, कृष्ण बास्तोला र रिकेश गुप्ताले समान २ विकेट लिए।

प्रमंसिर २३ गतेबाट शुरु भएको प्रतियोगिता २९ गते सम्पन्न हुने छ । प्रतियोगितामा कास्कीका ६ वटा क्लवको सहभागिता रहेको छ ।

( फोटो – सुदर्शन रन्जित )





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]